ХЭРЭГЛЭХТУН:

1.    НАСАНД ХҮРЭГСЭД:Өвчний хүнд хөнгөнөөс хамааран өдөрт 1 удаа 1-2 грамаар булчинд эсвэл судсаар тарьж хэрэглэнэ. (тунг тэнцүү хуваан өдөрт 2 удаа хэрэглэж болно). Хоногийн тун 4 грамаас хэтэрч болохгүй.

2.    НЯЛХ (14 ХОНОГТОЙ):хоногийн тунг 20-50мг/кг-аар хэрэглэхийг зөвлөнө, хоногийн тун 50 мг/кг-аас хэтэрч болохгүй.

3.    НЯРАЙ БОЛОН 12-с ДЭЭШ НАСНЫ ХҮҮХДЭД: хоногийн тунг 20-80мг/кг-аар хэрэглэхийг зөвлөнө. Хэрэв 50 мг/кг-аас дээш хэрэглэх тохиолдод судсанд дуслаар 30 мин-н турш хийнэ.

4.    ӨНДӨР НАСТАН: насанд хүрэгсэдтэй адил.

5.    МЭНИНГИТИЙН ЭМЧИЛГЭЭНД: эхлэхдээ 100 мг/кг-аар хэрэглэхийг зөвлөнө. (4 грамаас хэтэрч болохгүй). Үүнээс хойш хоногийн тунг 100 мг/кг-аар хэрэглэнэ (4 грамаас хэтэрч болохгүй). Өдөрт нэг удаа болон хоногийн тунг тэнцүү хуваан 12 цагийн зайтай хэрэглэж болно.

6.    ХҮНДРЭЛГҮЙ ЗАГ ХҮЙТНИЙ ХАЛДВАРЫН ЭМЧИЛГЭЭНД: хоногт 250 мг-аар хэрэглэнэ.

7.    МЭС ЗАСЛЫН УРЬДЧИЛАН СЭРГИЙЛЭЛТЭНД: хагалгаанаас 2 цагийн өмнө 1-2 грамаар судсанд тарьж хэрэглэнэ.

8.    ЭЛЭГ, БӨӨРНИЙ ӨӨРЧЛӨЛТТЭЙ ӨВЧТӨНД: тусгай тун шаардлагагүй, хоногын хэвийнтунгаар хэрэглэнэ. Бөөрний архаг дутмагшилтай өвчтөн (жишээ нь диализтай өвчтөн) болон бөөр ба элэгний үйл ажилгааны өөрчлөлтэй өвчтөн цусны түвшингөө хянаж байх нь зүйтэй. Креатинины клиренс нь 10мл/мин-аас бага өвчтөн хоногийн тунг 2 грамаас хэтрүүлж болохгүй.

Булчинд тарих:

Цефтриаксоныг 1% лидокаины уусмалд уусгана. 2мл уусмалд 0.25г болон 0.5г, 3.5мл уусмалд 1г. Харьцангуй том булчин болох өгзөгний баруун дээд булангийн дунд гүн хэсэгт бэлтгэсэн уусмалыг тарьна. Найруулсан уусмалыг булчинд тарихад их өвдөнө тиймээс өвдөлтөөс зайлсхийхийн тулд 1% лидокаиныг шингэрүүлж /4мл-г 1 гр-д/ хэрэглэнэ. Гэхдээ энэ уусмал нь цусны судсыг гэмтээж болохгүй.

Судсанд тарих:

Цефтриаксоныг дуслаар судсанд 30 мин турш хийнэ.

Цефтриаксоныг кальцийн ион агуулдаг уусгагчид хольж болохгүй, харин 0.9% натрийн хлоридын уусмал, 0.45% натрийн хлоридын уусмал +2.5% декстроза, 5% декстроза, 10% декстроза, 5% декстроза+6% декстраны уусмалын холимог, 6-10% гидроксиэтил декстриний уусмал, нэрмэл ус зэрэгтэй хольно.

Дээр дурдсан  шингэлэгч уусмалаас  эсвэл бусад нянгийн эсрэг эм агуулсан уусмал руу цефтриаксоны уусмалыг нэмж, хольж болохгүй. Эмийн харилцан нөлөөллөөс шалтгаалж.

Цефтриаксоны уусмалыг тасалгааны температурт /25°C/ бэлдсэн бол 6 цагийн дараа,5°C бэлдсэн бол 24 цагийн дараа тэсвэртэй байна. Найруулсаны дараа хэвийн гэрэлд хадгалах зайлшгүй шаардлагатай биш.

Хадгалсан хугацаа, уусгагч, концентраци зэргээс хамааран уусмалын өнгө нь цайвар шараас хув шард шилжинэ.

ЭСРЭГ ЗААЛТ:

1.    Цефтриаксонд харшил үзүүлсэн хүмүүс;

2.    Цефалоспорины бүлгийн антибиотикт харшилтай хүмүүс;

3.    Пенициллины бүлгийн антибиотикт харшилтай хүмүүс;

4.    Хэсгийн мэдээ алдуулах адреналины бүлэгт харшилтай хүмүүс                (жишээ нь лидокаин)  зөвхөн булчинд тарихад

Тасалгааны температурт битүү саванд хадгална.

АНХААРУУЛГА:

Аюулгүй байдлыг хангахын тулд эмчилгээг эхлэхийн өмнө өвчтөн цефалоспорин,пенициллин болон өөр бусад эмийн бодисуудад хэт мэдрэг үгүйг тогтоох шаардлагатай. Өвчтөнд антибиотик хэрэглэхийг зөвлөхдөө урьд нь ямар нэгэн харшил үзүүлсэн, ялангуяа эмийн бодисуудад харшилсан зэргийг анхааралтай асууна. Ноцтой хүнд хэлбэрийн хэт мэдрэг урвал илэрвэл эпинефринийг арьсан дор тарих болон өөр онцгой арга хэмжээг авах шаардлагатай. Элэгний өөрчлөлтэй болон бөөрний дутмагшилтай өвчтөнд тусгай тун шаардлагагүй, цефтриаксоны ердийн тунг хэрэглэнэ. Сийвэн дэх эмийн концентрацийг тогтмол хянаж байх хэрэгтэй.

Цефтриаксонаар эмчлүүсэн өвчтөнг УЗИ-аар оношлоход цөсний эмгэг өөрчлөлтүүд илэрсэн гэж тэмдэглэгдсэн байна. Гэхдээ зарим өвчтөн цөсний өөрчлөлтийн шинж тэмдэгтэй байсан.Бөөр болон цөсний хүүдийд тунадас хэлбэрээр хуримтлагдах бөгөөд энэ нь хэт авиан шинжилгээгээр сүүдэр харагдана. Хэт авиан шинжилгээгээр цефтриаксон-кальцийн давсны тунадас илэрсэн байна.