Хэрэглэх арга:

Хүнд явцтай өвчний үед насанд хүрэгсдэд:

Эхлээд 1 ампулыг өдөр бүр буюу өнжөөд өвдөлт намдтал /5-10 хоног/ булчинд удаан тарина. Цаашдаа 7 хоногт 1 ампулаар 1-2 удаа 2-3 долоо хоног тарина.

Өвчний хөнгөн явцын үед уух хэлбэрт шилжиж болно. Аль болох богино хугацаанд уух хэлбэрээр хэрэглэж болно.

Хүндэвтэр явцтай өвчний үед насанд хүрэгсдэд 7 хоногт 1 ампулаар 1-2 удаа тарина.

Тарилгыг өгзөгний булчингийн гадна дээд дөрвөлжин талбайд гүн тарина.

Ампулыг онгойлгохын тулд:

Ампулын тэмдэгтэй хэсгийг дээш харуулан барина.

Ампул доторхи уусмалыг ампулын доод хэсэгт ортол сэгсэрнэ.

Ампулын толгойг тэмдэгтэй хэсгээр хугална.

Эмчилгээний үргэлжлэх хугацаа:

Витамины дутагдал үүсгэж буй шалтгаанаас хамаарч лабораторийн үзүүлэлт болон эмнэл зүйн шинж тэмдэг хэвийн болтол эмчилгээг үргэлжлүүлнэ.

Удаан хугацааны эмчилгээний үед (ялангуяа витамин В12) эмнэл зүйн хяналтыг 6 сар тутамд явуулна.

Хэрэглэх заалт:

Архины гаралтай захын мэдрэлийн эмгэг

Вернике-Корсаковын хам шинж

Шижингийн олон мэдрэлийн эмгэг

Бери-Бери хуурай ба нойтон

Цочимог, архаг мэдрэлийн ба олон мэдрэлийн үрэвсэл

Гурвалсан мэдрэлийн өвдөлт

Хүзүү ба мөрний мэдрэлийн өвдөлт

Суудлын мэдрэлийн өвдөлт зэрэг эмгэгийн хавсарсан эмчилгээнд хэрэглэнэ. 

Хүчинтэй хугацаа:

1 жил

Хүчинтэй хугацаа дууссан бэлдмэлийг хэрэглэж болохгүй.

Хадгалах нөхцөл ба анхааруулга:

150С ихгүй хэмд , хуурай , гэрлээс хамгаалсан нөхцөлд хадгална. Хүүхэд хүрэхгүй газар хадгална.

Онцгой анхааруулга:

Эмчилгээний явцад харшлын урвал ажиглагдаж болно. Хэрэв та ямар нэгэн эм хэрэглэж байгаа, харшилд өртөмтгий, бусад өвчнөөр өвдөж байгаа бол энэ тухайгаа эмчлэгч эмчдээ мэдэгдээрэй.

Тохиолдлоор бэлдмэлийг венийн судсанд хийсэн тохиолдолд эмчийн хяналтанд орох ёстой. Шинж тэмдэгийн хүндрэлээс хамаарч эмнэлэгт эмчлүүлэх ёстой