Тун, хэрэглэх арга

Венийн судсанд 60-80 дусал/мин хурдтай дусаах ба хүнд явцтай өвчний үед 70-90 дусал/мин эсвэл маш хурдан урсган хийнэ. Тарих шингэний хэмжээ шингэн алдалтын хэлбэр, өвчтөний биеийн жин,  шокын шалтгаанаас хамаарна.

Насанд хүрэгчдийн хоногийн тун  5-20 мл/кг, байх ба 30-50 мл/кг хүртэл нэмэгдүүлж болно.

Хүүхдэд хоногийн тун 5-10 мл/кг, тарилгын хурд 30-60 дусал/мин, шингэн алдалтын шокын үед эхлээд 20-30 мл/кг тунгаар хийнэ. Эмчилгээг 3-5 хоног үргэлжлүүлнэ.

Эмчилгээний плазмаферез үед сэлбэх сийвэнгийн эзэлхүүнээс 2 дахин  (1,2-2,4 л), гиповолеми үед коллоид уусмалтай хослуулан хийнэ.

Хөнгөн дунд хэлбэрийн гэдэсний цочмог халдварын үед шингэнийг амаар нөхөх боломжгүй үед бэлдмэлийг хэрэглэнэ.

Цусны сийвэн, шээсэн дэх электролитын агууламжаас хамааран эмчилгээний үргэлжлэх хугацааг тогтооно.

Хоногийн тарилгын дээд хэмжээ  - 3 л/хоногт.

Хэрэглэх заалт

Шингэн болон электролитийн тэнцвэргүй байдал (халууны түлэгдэл 3, 4 зэрэг, хөлдөлт, удаан хугацаанд бөөлжих, суулгах), цочмог цус алдалт, перитонит, гэдэсний түгжрэл, гэдэсний хурц халдварын (амаар нөхөх боломжгүй аминд аюултай хүнд тохиолдолд), гиповолемийн шок, эмчилгээний плазмаферез зэрэгт хэрэглэнэ.

Хориглох заалт

Эмийн найрлага дах нэгдэлд хэт мэдрэг, гипернатриеми, гиперхлореми, гиперкальциеми, гиперкалиеми, хүчилшил, зүрхний архаг дутагдал (ЗАД) [үйл ажиллагааны алдагдлын III-IV ангилал (Нью-Йоркийн зүрхний эмгэг судлалын холбооны ангилалын дагуу)], уушгины хаван, тархины хаван, гиперкоагуляци, гиперволеми, тромбофлебит, бодисын солилцооны алкалоз, бөөрний архаг дутагдал (БАД)  олиго-, анури, глюкокортикостероидын хавсарсан эмчилгээ зэрэгт хориглоно.

25 ºС ихгүй хэмд хадгална. Хүүхэд хүрэхгүй газарт хадгална. Тээвэрлэлтийн явцад зайрмагтахыг зөвшөөрнө.

Ерөнхий сэрэмжлүүлэг

Удаан хугацааны эм хэрэглээний үед 6 цаг тутамд шингэн, электролитийн тэнцвэрт байдал, хүчил суурийн тэнцэл зэргийн лабораторийн параметрүүдийг уялдуулан өвчтөнг үнэлэн тодорхойлох ёстой (сэлбэлтийн хурдаас хамаарах).

Шингэнийг ихээхэн хэмжээгээр хурдан хийсэн бол хүчил суурь, электролитыг хянах ёстой. Калийн ионы (K+) эргэн шимэгдэлтээс үүдэн цусны рН (хүчилшил) өөрчлөгдөнө (цусны сийвэн дэх K+ ихэссэнээр рН буурна).

Бэлдмэлийн хэрэглээний үед шингэний хэт ачаалал үүссэнээр уушиг хавагнаж болно. Электролитын агууламж шингэрүүлэлт эрсдэлийн урвуу хамааралтай ба хэт ачаалал үүсэх эрсдэлтэй шууд хамааралтай.

Натрийн ион агуулсан бэлдмэлүүд, ялангуяа кортикостероид эсвэл кортикотропинтой хамт хэрэглэхэд натри хуримтлагдан хаван үүсгэнэ.

Кали агуулсан бэлдмэлүүдийг эмнэл зүйн нөхцөл, гиперкалиеми, бөөрний дутагдал, зүрх судасны эмгэгтэй өвчтөнд хэрэглэснээр калийн хуримтлал үүснэ.

Кальцын ион агуулсан бэлдмэлүүдийг зүрхний гликозид хэрэглэж буй өвчтөнд тун болгоомжтой хэрэглэнэ. ЗЦБ байнга хийх нь зүйтэй. Цусны сийвэн дэх кальцийн агууламж эдийн кальцийн хэмжээтэй хэзээ ч хамааралтай байхгүй.

Шингэнд булингар үүссэн тохиололд хэрэглэхийг хориглоно!