Хэрэглэх арга ба тун

Кокарбоксилазаг булчинд болон судсаар хийнэ (урсгал болон дуслаар).

Нэг ампулын агууламжийг (0,025г эсвэл 0,050г) хэрэглэхийн өмнө 2мл тарианы усаар найруулна. Судсаар, урсгаж тарих тохиолдолд шингэний эзэлхүүнийг 10-20мл, дуслаар хийх бол 200-400мл хүртэл 0,9% натрийн хлоридын уусмал, эсвэл декстрозын (глюкозын) уусмал нэмнэ. Зүрхний хэм алдалтын үед 0,1-0,2г хоног тунгаар 15-30 хоногийн турш эмчилгээнд хэрэглэнэ. Зүрхний архаг дутагдлын үед: хуруувчин цэцгийн ханд   хэрэглэхээс 2 цагийн өмнө 0,050г тунгаар өдөрт 2-3 удаа хэрэглэнэ.

Чихрийн шижингийн үед (кетоацидоз, ком) хоногийн тун 0,1г байна.

Элэг, бөөрний хурц дутагдлын үед судсаар 0,1-0,15г-аар өдөрт 3 удаа урсгаж, эсвэл дуслаар (5% декстрозын уусмалд (глюкоз) найруулж) хоногт 0,1-0,15г хэрэглэнэ.

Захын мэдрэлийн үрэвслийн үед хоногт, булчинд 0,05-0,1г тунгаар 1-1,5 сарын турш хэрэглэнэ.

Хүүхдэд булчинд болон судсаар (дуслаар болон урсгаж) хийнэ. Өвчний хүнд хөнгөний зэрэг болон эмнэл зүйн шинж тэмдэгээс хамаарч 0,025-аас 0,050г хоногт хийнэ. Эмчилгээний курс 3-7-оос 15-30 хоног байна. нярайд судсаар (аажим) 10мг/кг тунгаар өдөрт нэг удаа тарина.

Хэрэглэх заалт

Кокарбоксилазаг элэг, бөөрний дутагдал, чихрийн шижингийн комын урьдал, ком, чихрийн шижингийн кетоацидоз, зүрхний архаг дутагдал, зүрхний хэм алдагдал, захын неврит зэргийн үед комплекс эмчилгээний нэг бүрэлдэхүүн болгон авдаг.

Дээрх заалтаар хүүхдэд хэрэглэнэ. Дөнгөж төрсөн хүүхдэд хүчилтөрөгчийн дутагдал, ацидоз, нярайн бүтэлт, перинаталь үеийн хүчилтөрөгчийн дутагдлын улмаас үүссэн энцефалопати, цусны эргэлтийн алдагдал, уушигны хатгалгаа, үжлийн үед комплекс эмчилгээний нэг бүрэлдэхүүн байдлаар хэрэглэнэ.

Эсрэг заалт

Эмийн бэлдмэлийн найрлага дахь нэгдлүүдэд хэт мэдрэг бол хэрэглэхийг хориглоно.

20 °С-аас дээшгүй, гэрлээс хамгаалсан нөхцөлд хадгална.

Хүүхдийн гар хүрэхээргүй газар хадгална.

Гаж нөлөө

Харшлын урвал (гүвдрүү, загатнаа), булчинд тарихад – гипереми, тарьсан газарт хавагнах.