Тун, хэрэглэх арга

Цитизар П (цитиколин, пирацетам) шахмалыг зөвхөн эмчийн заавраар өдөрт 1-3 удаа аяга усаар даруулж ууна. Бэлдмэлийг хоолол үл хамааран хэрэглэнэ. Бэлдмэлийн тун нь өвчтөний нөхцөл байдал, эмчилгээний үр дүнгээс хамаарна. Шахмалыг хувааж, зажилахгүй бүтнээр нь залгина.

Бөөрний үйл ажиллагаа буурсан өндөр настанд болгоомжтой хэрэглэнэ. Өндөр настанд урт хугацааны хэрэглээний үед креатинины клиренсийг тогтмол хянах шаардлагатай.

Бөөрний дутагдалтай өвчтөнд

Өдөрт хэрэглэх тунг бөөрний үйл ажиллагаанаас хамааран тохируулна. Тун креатинины клиренстэй хамааралтай.

Элэгний дутагдалтай өвчтөн

Тунгийн тохируулга шаардлагагүй.

Хэрэглэх заалт

Тархины цусан хангамжийн хурц дутагдал болон эргэн сэргэлтийн үед

Тархины цусны эмгэгийн улмаас эргэшгүй танин мэдрэхүйн сулрал (жишээ нь Альцгеймерын өвчин)

Толгойн гэмтэл, гавал тархины гэмтэл, тархины судасны дутагдал (жишээ нь толгой эргэх, ой санамжаа алдах, орчны баримжаа алдагдах)

Хориглох заалт

Цитиколин нь ухаангүй, тархины мэс засалд бэлдэж, эмчлүүлж буй, жирэмсэн болон хөхүүл эмэгтэйчүүдэд, мөн эмийн бүрэлдэхүүн хэсгүүдэд хэт мэдрэг хүмүүст хориглох заалттай байдаг.

Пирацетам нь бөөрний хүнд хэлбэрийн дутагдалтай өвчтөнд хориглох заалттай (бөөрний креатинины клиренс 20 мл/мин-с бага). Мөн тархины цус харвалттай, Хантингтоны хорей өвчнөөр шаналж буй өвчтөнүүдэд, пирацетам болон бусад пирролидоны уламжлалын эм, бэлдмэлийн нэмэлт бодисуудад хэт мэдрэг өвчтөнүүдэд хориглоно.

30°C ихгүй хэмтэй, хуурай нөхцөлд хадгална.

Бэлдмэлийг хүүхдэд хүрэхгүй газарт хадгалах ёстой бөгөөд хугацаа дууссанаас хойш хэрэглэж болохгүй.

Гаж нөлөө

Цитиколин

Симптоматик гаж нөлөө: даралт буурах, сэтгэл хөөрөх, нойргүйдэх. Ерөнхийдөө эдгээр сөрөг нөлөө илүү их эсвэл багааар илрэх боловч хэрэв ноцтой гэж үзвэл шинж тэмдгийн дагуу эмчлэх боломжтой.

Пирацетам

Түгээмэл: сэтгэл зовних, хөдөлгөөн ихсэх, биеийн жин нэмэгдэх

Ховор: сэтгэл гутрал, нойрмоглох, астени, толгой эргэх

Давтамж тодорхойгүй: хэт мэдрэгшил, ажитаци, түгшүүр төрөх, хий юм харах, толгой өвдөх, нойргүйдэх, цус алдах, суулгах, дотор муухайрах, бөөлжих.

Онцгой заавар

Цитиколиныг богино хугацаанд уухад хамгийн аюулгүй байдаг (9 - 90 өдөр). Урт хугацааны аюулгүй байдлыг судлаагүй. Цитиколин хэрэглэсэн ихэнх хүмүүсд ноцтой гаж нөлөө үзүүлээгүй. Гэсэн хэдий ч зарим хүмүүс нойр алдагдах (нойргүйдэх), толгой өвдөх, суулгах, цусны даралт ихсэх, хараа муудах, цээжээр өвдөх гэх мэт гаж нөлөөг мэдэрч болно.

Пирацетам.

Тромбоцитын агрегацид нөлөөлнө.

Пирацетам нь тромбоцитын агрегацид нөлөөлдөг тул цус алдалттай өвчтөнүүд, ходоод гэдэсний шархлаа, цусархаг эмгэг бүхий цус багадалттай өвчтөнүүд, томоохон мэс засалд бэлтгэж буй өвчтөнүүд, шүдний мэс ажилбар хийлгэсэн өвчтөнүүд, мөн антиагрегантууд эсвэл антикоагулянтууд аспирин бага тунгаар хэрэглээт өвчтөнд болгоомжтой хэрэглэнэ.

Жирэмсэн, хөхүүл үеийн хэрэглээ

Цитизар П бэлдмэлийг түүний найрлага дах идэвхтэй нэгдлийн адил жирэмсэн, хөхүүл эхчүүдэд хэрэглэхийг хориглоно (пирацетам нь ихэсийн хориг нэвтэрдэг).