Онцгой анхааруулга.
Ердийн ханиалга – уушги гуурсан хоолойн тогтолцоог хамгаалах суурь механизм учраас намдааж болохгүй. Тааламжгүй үед гуурсан хоолойн шүүрлийг өөрчлөх болон ханиалга намдаах эсвэл шүүрлийг бууруулах эмүүдийг(атропины бүлгийн эм) хавсруулан хэрэглэнэ.
Цэр ховхлох эмүүдийг хэрэглэхэд бага насны хүүхдэд гуурсан хоолойн дамжуулалт алдагдаж болзошгүй. Хүүхдийн амьдралын эхний жилд анатоми-физиологийн онцлогтой холбоотойгоор гуурсан хоолойн шүүрэл бага байдгаас амьсгалын зам цэвэрлэгдэх шаардлагатай байдаг. Иймээс цэр ховхлох эмийг бага насны хүүхдэд хэрэглэхгүй.
Эмчилгээ үр нөлөөгүй эсвэл өвчний шинж тэмдгүүд ихсэх тохиолдолд эмчилгээг дахин хянаж үзэх шаардлагатай.
Арьсны хүнд хэлбэрийн эмгэгүүд: Стивенс-Джонсоны хам шинж болон Лайеллын хам шинж үүсвэл амброксолыг хэрэглэхээ зогсооно. Үндсэн өвчний хүндийн зэрэг болон хамт хэрэглэж буй бусад эмийн бэлдмэлүүдийг өвчтөнүүдэд тайлбарлах хэрэгтэй. Иймээс арьс эсвэл салст бүрхүүлд шинээр эмгэг үүсвэл эмнэлгийн тусламж яаралтай үзүүлэн, амброксолгидрохлоридын эмчилгээг даруй зогсооно.
Амброксол салстын шүүрлийг ихэсгэдэг тул гуурсан хоолойн хөдөлгөөн алдагдан, салстын шүүрэл ихэссэн үед (тухайлбал анхдагч цилиардискинези зэрэг ховор тохиолддог өвчний үед) бэлдмэлийг болгоомжтой хэрэглэнэ.
Бөөрний үйл ажиллагаа алдагдсан эсвэл элэгний хүнд хэлбэрийн дутагдалтай өвчтөнд зөвхөн эмчээс зөвлөгөө авсны дараа хэрэглэнэ. Амброксолыг хэрэглэхэд үйлчлэгч бодис нь элгэнд хувирч, бөөрөөр ялгардаг учраас бөөрний хүнд хэлбэрийн дутагдалтай өвчтөнд элгэнд үүссэн метаболит хуримтлагдана.
Идээтэй цэр ялгарах, халуурах үед эмчид яаралтай үзүүлнэ.
Ходоод, арван хоёр хуруу гэдэсний шархлаат өвчтэй гэсэн өгүүлэмжтэй өвчтөнд эмчилгээг болгоомжтой хийнэ.
Бэлдмэл сорбит агуулдаг учраас удамшлын фруктоз тэвчилгүй өвчтөнүүдэд зөвлөхгүй.
Бэлдмэл аспартам агуулдаг ба фенилаланин үүсдэг учраас фенилкетонуритай өвчтөнүүдэд хэрэглэхгүй.
Бэлдмэл глюкоз агуулдаг учраас удамшлын глюкоз тэвчилгүй, глюкоз-галактозынмальабсорбцитой өвчтөнүүдэд бэлдмэлийг хэрэглэхээс зайлсхийх шаардлагатай.