Хэрэглэх арга ба тун:

Судсанд дуслаар тарьж хэрэглэнэ.

Насанд хүрэгсдэд: 60-80 дусал/минутанд дуслаар тарина. Хоногийн тун 5-20 мл/кг, шаардлагатай тохиолдолд 30-50 мл/кг болгож хэрэглэнэ.

Хүүхдэд: Хоногийн тун 5-10 мл/кг, тарих хурд 30-60 дусал/минутанд байх ба шингэн алдагдлын шокын үед эхлэх тун 20-30 мл/кг байна. Курс эмчилгээ 3-5 хоног үргэлжилнэ.

Хэрэглэх заалт

Цусны сийвэнг орлох, хордлого тайлах бэлдмэл. Шок, коллапс, түлэгдэлт, хөлдөлт, удаан хугацаагаар бөөлжих, суулгах үед, мөн хурц хэлбэрийн перитонит ба гэдэсний түгжрэл, гэдэсний цоорлын гаралтай ус давсны тэнцвэр алдагдах үед тус тус хэрэглэнэ. Бодисын солилцооны алкалоз, янз бүрийн шалтгаантай шингэн алдалтын үед шингэн сэлбэх зорилгоор хэрэглэнэ.

Хориглох заалт:

Тухайн бэлдмэлд хэт мэдрэгшсэн хүн хэрэглэхийг хориглоно. Гиперволеми, гипернатриеми, гиперхлореми, ацидоз, архаг зүрхний дутагдал, уушигны хаван, тархины хаван, архаг бөөрний дутагдал, анури зэрэгт тус тус хэрэглэхийг хориглоно.  

25 градус-аас ихгүй температурт, гэрлээс хамгаалсан нөхцөлд, хүүхэд хүрэхгүй газарт хадгална. Хөлдөөж болохгүй!

Гаж нөлөө: Гипергидратаци, гипокалиеми болон харшлын урвал илэрч болно.