Хэрэглэх тун, арга

Ноцтой өвдөлтийн үед 1 ампулыг буюу хоногт 2 удаа булчинд тарьж хэрэглэнэ.

Аль болох богино хугацаанд боломжийн хэрээр ууж хэрэглэх(шахмал, капсул) буюу лаа хэлбэрийн бэлдмэлд шилжин хэрэглэх нь зүйтэй.

Бөөрний хатгааны үед Наклофенийг 30 минутын зайтайгаар 75мг/3мл хэмжээгээр булчинд давтан хэрэглэж болно.

Хэрэглэх заалт

Яаралтайгаар үрэвсэл болон өвдөлтийг намдаах шаардлагатай байгаа дараах өвчний үед хэрэглэнэ. Үүнд:

Тулгуур хөдөлгөөний эрхтэний үрэвсэлт өвчнүүд (ревматоид артрит, серонегатив спондилоартрид болон бусад шалтгаант үений үрэвслүүд)

Тулгуур хөдөлгөөний эрхтэний бүтэцийн өөрчлөлт бүхий эмгэгүүд (остеоартрит)

Бичил талстат артритууд (тулайн артрит, хуурамч тулайн артрит)

Үений бус хэрлэг өвчин

Периартрит, бурсит, миозит, тендинит, синовит

Өвдөлтийн хам шинж дагалдсан яс булчингийн системийн бусад үрэвсэлт өвчнүүд зэрэг болно.

Наклофенийг мөн зөөлөн эдийн гэмтлийн үед үүссэн болон шүдний практикт,  мэс ажилбарын дараа, хүнд хэдбэрийн мигрень өвчний цочмог хөдлөл, анхдагч альгодисменорей, өндгөвчний үрэвсэл мөн түүнчлэн бөөрний болон цөсний хатгааны үед үүссэн өвдөлтүүдийг намдаах зорилгоор хэрэглэнэ.

Хориглох заалт

Ходоод гэдэсний шархлаа өвчний хурцдал болон ходоод гэдэсний цус алдалт (мөн тийм өгүүлэмжтэй үед)

Диклофенакт болон уг бэлдмэлийн найрлаганд буй аль нэг бодист хэт мэдрэгшсэн үед

Стероид бус бүтэцтэй үрэвслийн эсрэг нөлөөт бусад бэлдмэл болон салицилатад хэт мэдрэгшсэн өвчтөн

Жирэмсэн ба хөхүүл үед

Нэг хүртэлх насны хүүхэд зэрэгт тус тус хэрэглэхгүй.

25 градус–с доош хэмд хадгална. Хүүхэд хүрэхгүй газар хадгална.

Анхааруулга

Өвчтөн аль нэг архаг эмгэгтэй, бодисын солилцооны өөрчлөлттэй буюу хэт мэдрэгшлийн урвал үүсч байсан бол энэ тухайгаа эмчдээ мэдээлэх ёстой.

Наклофен эмчилгээний үед ходоод гэдэсний замын дээд хэсгийн эмгэгшлийн өгүүлэмжтэй өвчтөнг сайтар хянаж байх шаардлагатай.

Бүдүүн гэдэсний шархлаат үрэвсэлтэй буюу Кроны эмгэгтэй өвчинд өвчин хурцдах буюу дахиж болох эрсдэлтэй. Бөөр, элэг, зүрхний үйл ажиллагааны илэрхий дутмагшилтай, эпилепситэй порфиритэй цус бүлэгнэлтийн өөрчлөлттэй, мөн түүнчлэн антикоагулянт буюу фибринолитик бэлдмэл хэрэглэж байгаа өвчтөнг сайтар хянаж байх хэрэгтэй. Өндөр настай өвчтөнд Наклофенийг бусад эмийн бэлдмэлүүдийн нэгэн адилаар эмчилгээний бага тунгаар хэрэглэнэ.

Наклофений тариаг хүүхдэд хэрэглэдэггүй.

Наклофений тариаг бусад эмийн бэлдмэлтэй нэг тариурд хольж болохгүй.