Тун ба хэрэглэх арга:

Насанд хүрэгсдэд бөөрний үйл ажиллагаа нь хэвийн байх үед:

Хоногийн 3-5 мг/кг тунг 3 тэнцүү хувааж булчинд тарьж хэрэглэнэ (8 цагаар).

Хүүхэд, нярай, нялхаст:

Хүүхдэд: өвчний хүнд хөнгөнөөс хамаарч 3-5мг/кг-ын хоногийн тунг 3 тэнцүү хувааж 8 цагаар хэрэглэнэ.

Нярай болон 1 долоо хоногоос бага үед: 6мг/кг-ын хоногийн тунг 2 хувааж 12 цагаар хэрэглэнэ.

Нэг 7 хоногоос хэтэрсэн нялхаст: 6мг/кг-ийн хоногийн тунг тэнцүү 2 хувааж 12 цагаар буюу тэнцүү 3 хувааж 8 цагаар тус тус хэрэглэнэ.

Эмчилгээний хугацаа:

Ээлж эмчилгээний хугацааг 7-10 хоногоор хязгаарлах хэрэгтэй.

Хэрэглэх заалт:

Гентамициний тариаг түүнд мэдрэг нянгаар үүсгэгдсэн дараах халдваруудын эмчилгээнд хэрэглэнэ. Үүнд:

Бөөр, давсаг, шээсний сүвний үрэвсэл,   

Цусан үжил, хэвлийн гялтангын үрэвсэл,   

Яс болон зөөлөн эдийн халдварууд, шархны халдвар,   

Түлэнхийн халдварлагдсан шархлаа;

Уушгины хатгалгаа г.м.

Хориглох заалт:

Гентамицинийг уг эмэнд харшилтай болох нь тодорхойлогдсон өвчтөнд, мөн жирэмсэн ба хөхүүл үед хэрэглэхгүй.

Сэрүүн(25°C-с доош), хуурай нөхцөлд гэрэл ба чийгшилтээс хамгаалж, ХҮҮХЭД ХҮРЭХГҮЙ ГАЗАРТ хадгална.

Гаж нөлөө ба тусгай анхааруулга:

Тэрээр чихний дунд хэсэгт хуримтлагдан сонсголыг эргэшгүйгээр гэмтээдэг (дууны өндөр тоныг сонсох мэдрэмжийг алдагдуулдаг).

Эргэх шинж чанартайгаар бөөр хордож болох ба бөөрний цочмог дутагдал үүсч байсан бөгөөд энэ нь дийлэнхдээ бөөр хордуулах нөлөөтэй aминогликозидууд, ванкомицин, зарим цефалоспоринууд хийгээд сонсголын эрхтэнийг хүчтэй хордуулдаг этакрины хүчил болон фуросемид зэрэг эмтэй хавсруулан хэрэглэснээс шалтгаалдаг байна.

Жирэмсэн үед аминогликозидыг хэрэглэвэл ургийн гавал тархины 8-р хос мэдрэлийг гэмтээж болзошгүй.