Хэрэглэх арга болон тун:

Насанд хүрэгсэд болон хүүхэд

Сальбутамолын эмчилгээг эхлэх тохиромжтой тун 2.5 мг (нэг ампул) аэрозолоор хэрэглэх ба тунг 5 мг хүртэл нэмэгдүүлж болно. Небулайзер эмчилгээг өдөрт дөрвөн удаа давтаж болно. Харин аэрозолоор хэрэглэж байгаа бол нүүрний “Т” хэлбэрийн маскаар хэрэглэнэ. Зориулалтын сальбутамол сульфатыг 2.5 мг бэлдмэлийг шингэлэхгүй хэрэглэнэ. Удаан хугацаагаар болон давтамжаар хэрэглэх шаардлагатай бол (10 удаа болон түүнээс дээш) ердийн давсны уусмал болон ариутгасан тарилгын усаар шингэлж болно.

Эсвэл эмчийн бичсэн жорын дагуу хэрэглэнэ.

Хэрэглэх заалт:

Сальбутамол сульфатыг гуурсан хоолойн хурц багтраа болон гуурсан хоолойн архаг агчилтат өвчинд ердийн эмчилгээ үр дүн өгөхгүй байгаа тохиолдолд тогтсон дэглэмээр хэрэглэнэ. Эмнэлзүйн практикт ихэвчилэн гуурсан хоолойн багтраа өвчний үед хэрэглэдэг. Энэ нь магадгүй сэдрэлийн үеийн шинж тэмдэг намдаах, хүнд хэлбэрийн гуурсан хоолойн хурц багтраа өвчний үед яаралтай арга хэмжээ авах эмчилгээ, гуурсан хоолойн багтраа өвчний удаан хугацааны архаг эмчилгээ хийхэд тохиромжтой байдагтай холбоотой.

Эсрэг заалт:

Сальбутамол сульфат болон уг бэлдмэлийн найрлагад байгаа аль нэг бодист хэт мэдрэг гэсэн асуумжтэй өвчтөнгүүдэд хэрэглэж болохгүй.

Гэрлийн тусгалаас хамгаалж 300С-с доош хэмд хадгална. Хөлдөөж болохгүй.

Анхааруулга:

Сальбутамол сульфатын 2.5мг небулайзераар хэрэглэх буюу эмчийн заавраар, түүний хяналтанд хэрэглэнэ. Уг уусмалыг тарих болон ууж хэрэглэж болохгүй. Өвчтөний гэрээр сальбутамол сульфат 2.5мг эмчилгээ хийж байгаа бол өвчний шинж тэмдэгийн намдалт болон үйлдлийн үргэлжлэх хугацаа буурдаг тул тунг нэмэгдүүлэх ба эмчилгээний давтамжийг нэмэгдүүлэх шаардлагтай байдаг тул нарийн мэргэжлийн эмчийн зөвлөгөөг сайн өгч эмчилгээг хийнэ. Жирэмсний эхний гурван сар эм хэрэглэхэд тохиромжгүй байдаг тул шаардлагагүй бол хэрэглэхгүй байх хэрэгтэй.