Энэ эмийг заавал эмчийн өгсөн зааврын дагуу ууж хэрэглэж байх ёстой. Хэрэв та эргэлзэж байгаа бол эмч болон эм зүйчээс зөвлөгөө аваарай.

Усаар даруулж, шахмалыг бүтнээр нь залгиж ууна. Шахмалыг хооллож байгаа болон өлөн үедээ ууж болно.

Шодойн хөвчрөлийн алдагдлын эмчилгээнд:

Эмчилгээний зөвлөмжит, эхлэх тун 10мг нэг шахмалыг бэлгийн хавьтлын өмнө ууж хэрэглэнэ. Гэхдээ хэрэв таны эмч 20мг тунгаар уулгахаар шийдсэн бол зөвлөмжит 10мг тун дэндүү сул үйлчилнэ.

Та тадалафил шахмалыг бэлгийн хавьтлаас багадаа 30 минутын өмнө ууж хэрэглэх хэрэгтэй.

Тадалафил шахмалыг хэрэглэсэнээс хойш 36 цагийн турш үйлчилгээ үзүүлсээр байж болно.

Тадалафилийг өдөрт 1-ээс ихээр ууж болохгүй. Тадалафил 10мг болон 20мг-ыг зөвхөн бэлгийн хавьтлын өмнө л уух болохоос өдөр бүр үргэлжлүүлэн хэрэглэж болохгүй. Бэлгийн хавьтлын оршил болон сэдээлтгүй үед тадалафил нөлөө үзүүлдэггүй гэдгийн анхаарах нь чухал юм. Тийм учраас та болон таны бэлгийн хамтрагч бэлэг эрхтний хөвчрөлийн алдагдлын үед эмийн бэлдмэл хэрэглээгүй үед ч гэсэн бэлгийн хавьтлын оршил хэсгийг хийх хэрэгтэй болно. Архи согтууруулах ундаа хэрэглэх нь таны дур тавих чадварт нөлөөлж түр хугацаанд цусны даралтыг бууруулж болзошгүй. Хэрэв та тадалафилийг хэрэглэсэн эсвэл

хэрэглэхээр төлөвлөж буй бол хэтрүүлж уухаас зайлсхийх хэрэгтэй (цусан дахь спиртийн агууламж 0,08%, түүнээс их болох), учир нь энэ нь босох үед толгой эргэх эрсдэлийг нэмэгдүүлдэг.

Тадалафил гэж юу болох ба ямар тохиолдолд хэрэглэх вэ?

Тадалафил эмийн бэлдмэлийн идэвхитэй үйлчлэгч бодис нь 5-р хэлбэрийн фосфодиэстеразаг саатуулагчийн бүлэгт хамаарагддаг тадалафил гэдэг нэгдэл байдаг.

Тадалафилийг дараах эмчилгээнд хэрэглэнэ:

> Насанд хүрсэн, бэлэг эрхтний хөвчрөлийн алдагдалтай эрэгтэйчүүдэд хэрэглэнэ: энэ нь бэлгийн хавьтал хийхэд шаардлагатай хэмжээгээр шодой хөвчирч чаддаггүй, эсвэл хөвчрөлийг хангалттай удаан хугацаанд барьж чаддаггүй хүмүүст хэрэглэнэ. Тадалафил нь бэлгийн хавьтлын үед шаардлагатай хэмжээнд шодойн хөвчрөлийг нэмэгдүүлдэг нь батлагдсан эм юм. Бэлгийн сэдээлтийн улмаас тадалафил нь бэлэг эрхтэнд цусны судсыг тэлэх замаар цусны урсгалыг нэмэгдүүлдэг. Үүний дүнд хөвчрөх, дур тавих ханамжийг сайжруулдаг. Хэрэв та шодойн хөвчрөлийн алдагдалгүй бол тадалафил танд үйлчлэхгүй. Хэрэв бэлгийн сэдээлтгүй бол тадалафил үйлчилдэггүй болохыг анхаарах хэрэгтэй. Тийм учраас та болон таны бэлгийн хамтрагч бэлэг эрхтний хөвчрөлийн алдагдлын үед эмийн бэлдмэл хэрэглээгүй үед ч гэсэн бэлгийн хавьтлын оршил хэсгийг хийх хэрэгтэй болно.

> Насанд хүрэгсдийн уушигны артерийн даралт ихсэлтийн үед хэрэглэнэ. Эмийн нөлөөгөөр уушиг орчмын цусны судсуудыг өргөсгөн уушгинд очих цусны урсгалыг сайжруулдаг. Үүний үр дүнд ачааллын үед биеийн хүчний чадвар сайжирдаг.

Нарны гэрэл шууд тусах болон хүүхдийн гар хүрэхээргүй газар хадгална.

Эмийн хатуу цаасан хайрцаг болон блистер дээр байгаа хүчинтэй он сар өдөр хэтэрсэн тохиолдолд эмийн бэлдмэлийг хэрэглэж болохгүй. Хүчинтэй хугацаа нь сарын сүүлийн өдрийг заана. Энэ эмийн бэлдмэл нь тусгай хэмийн хадгалах нөхцөл шаардахгүй. Төвийн шугам сүлжээгээр болон ахуйн хогтой цуг ямар ч төрлийн эмийг хаяж болохгүй. Дахиж хэрэглэхгүй эмийн бэлдмэлийг хэрхэн устгах талаар эм зүйчээс асуугаарай. Энэ арга хэмжээ нь орчны бохирдлоос хамгаалах ач тустай болно.

Анхааруулга ба сэрэмжлүүлэг

Тадалафил эмийг хэрэглэхийн өмнө эмч эсвэл эм зүйчээс зөвлөгөө аваарай.

Бэлгийн идэвхитэй байх нь зүрхэнд нэмэлт ачаалал өгдөг тул зүрхний өвчтэй хүмүүст эрсдэл нэмж болзошгүй тул болгоомжтой байх хэрэгтэй. Хэрэв та зүрхний талаас ямар нэг асуудалтай бол эмчид хандах хэрэгтэй.

Хэрэв танд дараах асуудал илэрч байгаа бол эм хэрэглэхээс өмнө эмчид хандаарай:

> Уушигны даралт ихсэлтээс бусад зүрхний асуудалтай бол,

> Цусны даралтын өөрчлөлттэй бол,

> Удамшлын шинж чанартай нүдний ямар нэг өвчтэй бол,

> Хадуур эст цус багадалттай (цусны улаан эсийн эмгэг өөрчлөлт)

> Олон хэлбэршилт миеломтай (шавай чөмөгний хавдар)

> Лейкеми (цусны эсийн хавдар)

> Шодойн ямар нэг бүтцийн өөрчлөлттэй

> Элэгний хүнд хэлбэрийн өвчинтэй

> Бөөрний хүнд хэлбэрийн өвчинтэй бол.

Дараах хүмүүст тадалафил нөлөө үзүүлэх эсэх нь тодорхойгүй байна:

> Бага аарцгийн мэс засал хийлгэсэн,

> Түрүү булчирхай бүтнээр болон хэсэгчлэн тайруулах үед түрүү булчирхайн мэдрэл тасарсан (радикал мэдрэл тасрах простатэктоми).

Хэрэв танд гэнэт хараа муудах эсвэл хараагүй болох шинж илэрвэл Тадалафил эмийг хэрэглэхээ зогсоож эмчид яаралтай хандах хэрэгтэй.

Тадалафил хэрэглэж байсан хүмүүст гэнэт сонсгол муудах эсвэл дүлийрэх шинж илэрч байсан. Гэхдээ энэ үйл явц нь тадалафил хэрэглэсэнтэй шууд холбоотой эсэх нь тодорхойгүй бөгөөд сонсгол муудах эсвэл дүлийрэх шинж тэмдэг илэрвэл тадалафил эмийг хэрэглэхээ зогсоож яаралтай эмчид хандах хэрэгтэй.

Бэлэг эрхтний хөвчрөлийн алдагдал нь зөвхөн эрэгтэйчүүдийн эрүүл мэндийн асуудал учраас Тадалафилийг эмэгтэйчүүдэд хэрэглэж болохгүй.

Хүүхэд ба өсвөр үеийнхний хэрэглээ

Тадалафилийг 18 хүртэл насны хүүхэд ба өсвөр үеийнхэнд хэрэглэж болохгүй.