Хэрэглэх арга ба тун

Судсанд (дуслаар) тарина.

Тарих уусмалын концентраци, тун нь эмчлүүлэгчийн нас, биеийн жин, эмнэлзүйн илрэлээс хамаарна.

Бэлдмэлийг хэрэглэхдээ эмнэлгийн тогтмол хяналтан дор хэрэглэх шаардлагатай.

Эмнэлзүй ба биологийн үзүүлэлтүүд, тухайлбал цусан дахь глюкозын концентраци, түүнчлэн ус-давсны солилцоог сайтар хянах хэрэгтэй.

Насанд хүрэгчид ба 15-аас дээш насны өсвөр үе: хоногийн дээд тун биеийн жингийн нэг кг тутамд 6гр декстрозоор тооцон хоногт хэрэглэнэ.

Хүүхэд:  дутуу төрсөн хүүхдэд хоногийн дээд тун – биеийн жингийн нэг кг тутамд 18гр декстрозоор тооцон хоногт хэрэглэнэ; гүйцэд төрсөн хүүхэд болон 1-2 настай хүүхдэд биеийн жингийн нэг кг тутамд 15гр декстроз; 3-5 настай хүүхдэд биеийн жингийн нэг кг тутамд 12гр декстроз; 6-10 настай хүүхдэд биеийн жингийн нэг кг тутамд 10гр декстроз; 11-14 настай хүүхдэд биеийн жингийн нэг кг тутамд 8гр декстроз хэрэглэнэ.

Шинэ төрсөн нярайд өндөр осмос чанартай уусмалыг тарихдаа тооцон үзэх шаардлагатай.

Өндөр настан: насанд хүрэгчдэд хэрэглэдэг тунгаар хэрэглэх боловч декстрозын тун, хийх шингэний хэмжээг тогтоож, зүрх, бөөрний дутагдалтай эмчлүүлэгчдэд болгоомжтой хэрэглэх хэрэгтэй. Глюкозын солилцоо буурсан (жишээ нь, мэс заслын дараах буюу гэмтлийн дараах эхэн үе шат, хүчилтөрөгчийн дутагдал буюу эрхтэнүүдийн үйл ажиллагаа алдагдсан үед) эмчлүүлэгчдэд цусан дахь глюкозын концентрацийг сайтар хянах шаардлагатай. Цусан дахь сахарын түвшин ихсэхээс сэргийлэхийн тулд глюкоз исэлдэх боломжит түвшингээс хэтрүүлж болохгүй.

Декстрозыг бүрэн шингээхийн тулд, өндөр тунгаар хэрэглэвэл хамт богино хугацааны үйлдэлтэй инсулиныг 4-5гр декстрозод 1ЕД инсулин тооцон хэрэглэнэ.

Чихрийн шижинтэй эмчлүүлэгчдэд декстроз хэрэглээд түүний концентрацийг цус болон шээсэнд хянана.

Хамгийн дээд эзэлхүүн ба зөвлөх тунгийн хүрээнд гемодилюц үүсэхээс зайлсхийхийн тулд 24цагт тооцон хэрэглэнэ.

Осмос диурез үүсэх эрсдэлийг багасгахын тулд тарих хурдыг эмчлүүлэгчийн эмнэлзүйн байдлаас хамаарч удаашируулж болно.

Хэрэглэх заалт

50мг/мл глюкозын уусмал

Нүүрс усны эх үүсвэр байдлаар (шаардлагатай тохиолдолд судсаар хооллолтын нэг хэсэг байдлаар буюу дангаар нь)

Шингэн алдсан тохиолдолд шингэн сэлбэхдээ ялангуяа нүүр ус ихээр алдсан эмчлүүлэгчид

Судсаар тарьж хэрэглэх эмийн бэлдмэлүүдийг шингэлэх, уусгахад хэрэглэнэ.

100мг/мл глюкозын уусмал

Нүүрс усны эх үүсвэр байдлаар (шаардлагатай тохиолдолд судсаар хооллолтын нэг хэсэг байдлаар буюу дангаар нь)

Шингэн алдсан тохиолдолд шингэн сэлбэхдээ ялангуяа нүүр ус ихээр алдсан эмчлүүлэгчид

Судсаар тарьж хэрэглэх эмийн бэлдмэлүүдийг шингэлэх, уусгахад хэрэглэнэ.

Цусан дахь сахарын түвшин буурахаас урьдчилан сэргийлэх, эмчлэх

250мг/мл ба 400мг/мл глюкозын уусмал

Нүүрс усны эх үүсвэр байдлаар (шаардлагатай тохиолдолд судсаар хооллолтын нэг хэсэг байдлаар буюу дангаар нь), ялангуяа шингэн хязгаарлах шаардлагатай тохиолдолд

Цусан дахь сахарын түвшин бага үед хэрэглэнэ.

Хориглох заалт

 50мг/мл глюкозын уусмал: бэлдмэлийн найрлага дахь аль нэг бодист хэт мэдрэг; эрдэнэ шишийн  буюу эрдэнэ шишнээс гарган авсан бүтээгдэхүүнд төрөлхийн үл тэвчилтэй эмчлүүлэгч (эрдэнэ шишнээс гарган авсан декстрозийн үед); чихрийн шижингийн дасан зохицол алдагдсан үед; глюкозын төрөлхийн үл тэвчлийн бусад хэлбэрүүд (жишээ нь метаболик стресс); гиперосмоляр ком; цусан дахь сахар болон лактатын түвшин ихэссэн үед; гиперволеми; тархинд гэмтэл авсанаас хойших эхний 24цагийн дотор бэлдмэлийг тарих; глюкозын уусмал дээр нэмэх бодист хориглох заалттай бол хэрэглэхийг цээрлэнэ.

100мг/мл глюкозын гипертоник уусмал: бэлдмэлийн найрлага дахь аль нэг бодист хэт мэдрэг; эрдэнэ шишийн  буюу эрдэнэ шишнээс гарган авсан бүтээгдэхүүнд төрөлхийн үл тэвчилтэй эмчлүүлэгч (эрдэнэ шишнээс гарган авсан декстрозийн үед); чихрийн шижин болон чихрийн бус шижингийн дасан зохицол алдагдсан үед; глюкозын төрөлхийн үл тэвчлийн бусад хэлбэрүүд (жишээ нь метаболик стресс); гиперосмоляр ком; цусан дахь сахар болон лактатын түвшин ихэссэн үед; гемодилюц ба эсийн гаднах шингэн ихсэх, гиперволеми; бөөрний хүнд хэлбэрийн дутагдал (шээсний гарц багасах ба хаагдах); зүрхний дутагдлын дасан зохицол алдагдсан үе; тархмал хаван (ялангуяа уушги, тархи хавагнах) ба хэвлийн усжилттай элэгний  хатуурал; тархинд гэмтэл авсанаас хойших эхний 24цагийн дотор бэлдмэлийг тарих; глюкозын уусмал дээр нэмэх бодист хориглох заалттай бол хэрэглэхийг цээрлэнэ.

250мг/мл ба 400мг/мл глюкозын гипертоник уусмал: (нэмэлтээр): гавлын доторх цус харвалт, нугасанд цус харвах, хүүхдэд хэрэглэхийг хориглоно.

5-30 градус хэмд хадгална. Хөлдөөж болохгүй.

Хүүхэд хүрэхээргүй газар хадгална.

Болгоомжлол

Чихрийн шижин, гавлын дотоод даралт ихсэх, цусан дахь натрийн түвшин багассан үед болгоомжтой хэрэглэнэ.