ХЭРЭГЛЭХ АРГА БА ТУН

Насанд хүрэгсдэд: Реамберин (REAMBERIN®) бэлдмэлийг нэг минутанд 1 - 4,5 мл (минутанд 90 дусал хүртэл) дусахаар судсанд тарина. Хоногийн тун 400-800 мл.

Дуслын хурд болон тунг өвчтөний биеийн байдлаас хамаарч тохируулна.

Ээлж эмчилгээний хугацаа 11 хоног хүртэл байна.

Хүүхдэд: Реамберин (REAMBERIN®)  бэлдмэлийг нэг минутанд 3-4 мл (минутанд 60-80 дусал) дусахаар судсанд хийнэ. Хүүхдэд хоногийн тунг биеийн кг жинд 6-10 мл байхаар тооцох ба хоногийн тунг 400 мл-ээс хэтрүүлэхгүй.

Ээлж эмчилгээний хугацаа 11 хоног хүртэл байна.

Тухайн өдрийн тунг хэрэглээгүй бол дараагийн өдөр тунг нэмэхгүй, ердийн тунгаар хэрэглэнэ. Энэ тохиолдолд ээлж эмчилгээний хугацааг сунгаж болн

ХЭРЭГЛЭХ ЗААЛТ

Реамберин (REAMBERIN®) уусмалыг насанд хүрэгсэд, 1-ээс дээш насны хүүхдэд төрөл бүрийн дотоод болон гадаад шалтгаантай цочмог хордлогын үед хүчилтөрөгч дутагдлын эсрэг болон хордлого тайлах зорилгоор хэрэглэнэ.

ХАДГАЛАЛТ

-    Хадгалах хугацаа: 5 жил

-    30°С-аас доош хэмд, гэрлээс хамгаалж хадгална.

ОНЦГОЙ АНХААРУУЛГА

Бие махбодид аэроб исэлдэлт идэвхиждэгтэй холбоотой цусны сийвэнгийн глюкоз буурах, шээсний орчин шүлтлэг болж болзошгүй. Чихрийн шижинтэй эсвэл глюкозын тэсвэрлэх чадвар буурсан өвчтөнд цусан дахь глюкозын хэмжээг хянаж байх шаардлагатай.

Шүлтшил болон бөөрний дутагдалтай өвчтөнд Реамберин (REAMBERIN®) бэлдмэлийг маш болгоомжтой хэрэглэнэ.