Хэрэглэх арга ба тун:

Судсанд дуслаар тарьж хэрэглэнэ.

Насанд хүрэгсдэд: 60-80 дусал/минутанд дуслаар тарина. Хоногийн тун 5-20 мл/кг, шаардлагатай тохиолдолд 30-50 мл/кг болгож хэрэглэнэ.

Хүүхдэд: Хоногийн тун 5-10 мл/кг, тарих хурд 30-60 дусал/минутанд байх ба шингэн алдагдлын шокын үед эхлэх тун 20-30 мл/кг байна. Курс эмчилгээ 3-5 хоног үргэлжилнэ.

Хэрэглэх заалт:

Цусны сийвэнг орлох, хордлого тайлах бэлдмэл. Шок, коллапс, түлэгдэлт, хөлдөлт, удаан хугацаагаар бөөлжих, суулгах үед, мөн хурц хэлбэрийн перитонит ба гэдэсний түгжрэл, гэдэсний цоорлын гаралтай ус давсны тэнцвэр алдагдах үед тус тус хэрэглэнэ. Бодисын солилцооны алкалоз, янз бүрийн шалтгаантай шингэн алдалтын үед шингэн сэлбэх зорилгоор хэрэглэнэ.

25 градус-аас ихгүй температурт, гэрлээс хамгаалсан нөхцөлд, хүүхэд хүрэхгүй газарт хадгална. Хөлдөөж болохгүй!

Онцгой заалт:

Удаан хугацаагаар хэрэглэх үед цусны сийвэн дэхь электролитийн хэмжээ болон хоногийн шээсний ялгарлыг хянах хэрэгтэй. Цусан дахь хлорын хэмжээ их байвал урт хугацаагаар хэрэглэхгүй байх хэрэгтэй.

Их эзлэхүүнтэй рингерийн уусмалыг судсанд хурдан оруулах эсвэл дуслаар тарьж буй үед электролитийн хэмжээ болон ацидозыг хянах шаардлагатай. Цусны pH-ын өөр