Хэрэглэх арга, тун:

Захын мэдрэлийн мэдээгүйжүүлэлтэнд 1-2% уусмал; дээд тун 400мг (2%- ийн 20мл)

Мэдрэлийн сүлжээнд хориг үүсгэхэд 2%- ийн 5- 10мл

Нугасны хатуу хальсны гаднах мэдээгүйжүүлэлтэнд (эпидураль) 1-2%- ийн уусмал (300мг- аас ихгүй)

Лиокаины үйлдлийн үргэлжлэх хугацааг уртасгахын тулд 0,1%- ийн адреналины уусмалыг нэмнэ.

Нүдний практикт лидокаины 2% ба 4%- ийн уусмалыг хагалгаа буюу шинжилгээний өмнө 2 дуслаар 30- 60 минутын зайтай 2- 3 удаа нүдэнд дусаана.

Мөгөөрсөн хоолойд гуурс тавих, бронхоэзофагоскопи хийх, полип авах гайморын хөндийг цоолох зэрэгт 1- 2%- ийн хааяа 5%- ийн уусмалыг 20мл- ээс ихгүй хэмжээгээр хэрэглэнэ. Уусмалыг хэрэглэхийн өмнө 0,1%- ийн адреналины уусмалыг 10мл- т 1 дусал ноогдохоор тооцож нэмнэ. (5дуслаас ихгүй)

Лидокайныг аритмийн үед хэрэглэхдээ эхлээд дунджаар 80мг тунгаар судсанд аажим тарьж дараа нь минутанд 2мг орохоор тооцон судсанд дуслаар тарина. Үүний тулд 2%- ийн 6мл лидокаины уусмалыг 60мл натрийн хлоридын изотоник уусмалд шингэлнэ. Хоногт тарих уусмалын нийт хэмжээ ойролцоогоор 1200мл байна.

Хэрэглэх заалт:

Өнгөц, нэвчүүлэх, дамжуулалтын, нугасны ба нугасны хальсны гаднах мэдээгүйжүүлэлт

Аритмийн үед

Хориглох заалт:

Бэлдмэлд хэт мэдрэг хүмүүс

Зүрх судасны системийн дутагдал

Элэг бөөрний өвчтэй хүмүүст хэрэглэхийг хориглоно.

15-25 градус хэмд гэрлээс хамгаалж хадгална.

Хүүхэд хүрэхгүй газарт хадгална.

Хадгалах хугацаа дууссан бэлдмэлийг хэрэглэж болохгүй.

Онцгой анхааруулга:

Зүрхний архаг дутагдал, артерийн даралт багасах, элэг ба бөөрний үйл ажиллагааны илэрхий өөрчлөлт зэргийн үед болгоомжтой хэрэглэнэ. Бэлдмэлийг цусанд шимэгдэхээс зайлсхийдэг учир судасжилт ихтэй эдэд (бамбай булчирхайн мэс заслын үед хүзүүний хэсэгт) лидокаины уусмалыг болгоомжтой хэрэглэнэ. Энэ тохиолдолд бэлдмэлийг бага тунгаар хэрэглэнэ.