Галазолин 0,1 % эмийн бэлдмэлийг хэрхэн хэрэглэх вэ?

Эмийн бэлдмэлийг уг зааварт бичсэн зааврын дагуу эсвэл эмч болон эм зүйчийн өгсөн зөвлөгөөний дагуу хэрэглэх хэрэгтэй. Ямар нэг эргэлзээ үүсвэл эмч болон эм зүйчид хандана уу.

Хамрын хөндийд хэрэглэхэд зориулагдсан.

Нэг дусалд 0,05мг ксилометазолин гидрохлорид агуулагдана.

Эмийн бэлдмэлийг зөвхөн хамарт дусаана (мөн түүнчлэн дунд чихний үрэвслийн үед хэрэглэнэ).

Эрүүл ахуйн үүднээс нэг бэлдмэлийг нэл өвчтөн хэрэглэх хэрэгтэй.

Энэ бэлдмэлийг 3-5 хоногоос илүү хэрэглэж болохгүй. Хэрэв 3-5 хоногийн дараа сайжрал авахгүй бол эсвэл өвчтөн хүндэрвэл эмчид хандах хэрэгтэй.

Дор өгөгдсөн тунгаас илүү тунгаар хэрэглэж болохгүй.

Тугнах

Насанд хүрэгсэд болон 12-оос дээш насны хүүхэд

Нэг хамрын хөндийд 8-10 цаг тутамд 2-3 дусал дусаана.

Хоногт нэг хамрын хөндийд 3 тунгаас илүү хэрэглэж болохгүй.

Галазолин 0.1 % бэлдмэлийг хэрэглэх заалт

Шинж тэмдгийн эмчилгээ:

Вирус болон нянгийн гаралтай цочмог ринит

Хамрын дайвар хөндийн цочмог болон архаг, дахилтат үрэвсэл

Харшлын ринит

Дунд чихний цочмог үрэвсэл – сонсголын гуурсны дамжуулах чадварыг сэргээх зорилгоор

Галазолин 0.1 % бэлдмэлийг насанд хүрэгсэд болон 12-оос дээш насны хүүхдэд хэрэглэнэ.

Галазолин 0.1 % эмийн бэлдмэлийг хэрэглэж болохгүй тохиолдол

Хэрэв өвчтөн ксилометазолины гидрохлоридод эсвэл зааврын 6-р хэсэгт бичигдсэн туслах аль нэг бодист харшилтай бол (тууралт, нүүр, залгиурын хаван, амьсгал боогдох шинж тэмдэг илэрвэл).

Хэрэв өвчтөнд өнчин тархи авах хагалгаа хийгдсэн, эсвэл тархинд өөр төрлийн хагалгаа хийлгэж байсан бол.

Хэрэв өвчтөнд хамрын салстын гажиг эсвэл ямар нэг өөрчлөлттэй байх.

25 °С хэмээс ихгүй, гэрлээс хамгаалсан газарт хадгална.

Хүүхдийн гар хүрэхээргүй газар хадгална.

Эмийн савлагаан дээр тэмдэглэсэн хугацаа хэтэрсэн тохиолдолд хэрэглэж болохгүй. Хүчинтэй хугацаа нь тухайн сарын сүүлийн өдрийг заана.

Онгойлгосон флаконыг 12 долоо хоногийн дотор хэрэглэнэ.

Эмийн бэлдмэлийг нийтийн усан хангамжруу асгах эсвэл хогийн хувинд хаяж болохгүй. Хэрэглээгүй эмийн бэлдмэлийг яах ёстой талаар эм зүйчээс асуух хэрэгтэй. Энэ нь хүрээлэн байгаа орчныг хамгаалахад тустай.

Галазолин 0.1 % эмийн бэлдмэлийг хэрэглэхийн өмнө эмч болон эм зүйчид хандах хэрэгтэй.

Хэрэв эмийн бэлдмэлийг хэрэглэх явцад нойргүйдэл, толгой эргэх, чичрэх, зүрхний хэм алдагдах, артерийн даралт ихсэх зэрэг шинж тэмдэг илэрвэл эмийг хэрэглэхээ зогсооно. Ялангуяа энэ төрлийн үйлдэлтэй эмийн бэлдмэлийг хэрэглэх үед ийм шинж тэмдэг илэрч байсан хүмүүст энэ илүүтэй хамаатай.

Хэрэв өвчтөнд дараах эмгэг байгаа бол эмийг хэрэглэхийн өмнө эмчтэй зөвлөлдөх хэрэгтэй:

Зүрхний өвчин (QT интервал уртсах)

Артерийн даралт ихсэх

Зүрхний бах (хүчлэх үед цээжний хэнхэрцэгт өвдөлт үүсэх) эсвэл цусны эргэлтийн тогтолцооны өөр өвчин

Чихрийн шижин (цусны глюкозын хэмжээ ихсэх)

Хаалттай өнцөгт глауком (нүдний даралт ихсэх)

Түрүү булчирхай томрох

Бамбай булчирхайн гиперфункци

Галазолин 0.1 % эмийн бэлдмэлийн 5 хоногоос илүү хэрэглэж болохгүй, учир нь уг эмийн бэлдмэлийг урт хугацаагаар хэрэглэхэд эмчлэхэд төвөгтэй хамрын салстын өөрчлөлт үүсгэдэг.

Галазолин 0.1 % эмийн бэлдмэл 12 хүртэл насны өсвөр үеийнхэнд хэрэглэж болохгүй.