ун, хэрэглэх арга

Булчинд, судсанд тарина.

Хэрэглэх тун, арга, давтамжийг халдварын хүндрэл, эмгэг төрүүлэгчийн мэдрэг байдал, өвчтөний нөхцөлөөс хамааран тодорхойлно. Мэдрэг байдлын шинжилгээний хариу гарахаас өмнө эмчилгээг эхлүүлж болно.

Насанд хүрэгчид болон 12-аас дээш насны, 50 кг ба түүнээс дээш жинтэй хүүхдүүд: хөнгөн ба дунд зэргийн халдварын үед - 12 цаг тутамд 1 г. Халдварын хүндрэл, эмгэг төрүүлэгчийн мэдрэг байдал, өвчтөний нөхцөлөөс шалтгаалан тун нь өөр өөр байж болно.

Хүнд халдварын үед тунг өдөрт 12 г хүртэл нэмэгдүүлж, 3-4 удаа хувааж тарьж болно.

Pseudomonas spp., шалтгаалсан халдварын үед хоногийн тун 6 г.

12-аас доош насны, 50 кг хүртэл жинтэй хүүхдэд зориулагдсан ердийн тун нь өдөрт 100-150 мг / кг ба 2-4 удаа тарина. Маш хүнд халдварын үед тунг өдөрт 200 мг/кг хүртэл нэмэгдүүлж болно.

Шинэ төрсөн хүүхдэд Тун нь өдөрт 50 мг / кг ба 2-4 удаа хуваан тарина. Хүнд халдварт – өдөрт 150-200 мг/кг тунг 2-4 хуваан тарина.

Заг хүйтэнд: нэг удаа булчин эсвэл судсанд 1 г тунгаар тарина.

Хагалгааны өмнө (хагалгааны өмнө 30-90 минутын өмнө) халдвараас урьдчилан сэргийлэхийн тулд 1 г тунгаар булчинд эсвэл судсанд тарина.

Кесар хагалгааны үед хүйн ​​судсыг хавчих үед 1 г эмийг судсанд, 6-12 цагийн дараа 1 г булчинд эсвэл судсанд дахин тарина.

Бөөрний дутагдалтай өвчтөнд

Креатинины клиренс 10 мл/мин-ээс бага тохиолдолд тунг багасгах шаардлагатай. Эхний нэг тунг хэрэглэсний дараа хэрэглэх давтамжийг өөрчлөхгүйгээр өдрийн тунг хоёр дахин багасгах хэрэгтэй, өөрөөр хэлбэл 12 цаг тутамд 1 г-ийн оронд - 12 цаг тутамд 0.5 г, 8 цаг тутамд 1 г-ийн оронд - 0.5г тутамд, 8 цаг тутамд 2 г-ийн оронд - 8 цаг тутамд 1 г гэх мэт.

Халдварын явц, өвчтөний ерөнхий байдлаас шалтгаалан нэмэлт тунг тохируулах шаардлагатай байж болно.

Гемодиализтэй өвчтөнүүдэд халдварын хүндрэлээс хамааран өдөрт 1-2 г-аар тогтоодог. Гемодиализын үед цефотаксимыг зайлуулдаг тул гемодиализийн өдөр цефотаксимыг гемодиализийг дууссаны дараа хэрэглэнэ.

Хэвлийн диализ хийлгэж буй өвчтөнүүдэд халдварын хүндрэлээс хамааран өдөрт 1-2 г-аар тогтоодог. Цефотаксим хэвлийн диализаар арилгадаггүй.

Уусмал бэлтгэх

Судсанд тарихдаа тарилгын усыг уусгагч болгон ашигладаг (0.5-1г 4мл-т шингэлнэ).

Судсаар тарихад уусмалыг 3-5 минутын дотор хийнэ.

Судсаар тарихад 0.9% натрийн хлоридын уусмал эсвэл 5% декстрозын уусмалыг уусгагч болгон ашигладаг (1-2г 40-100мл уусгагчаар шингэлнэ). Рингерийн лактат уусмалыг бас хэрэглэж болно.

Дуслын үргэлжлэх хугацаа - 20-60 мин.

Булчинд тарихад тарилгын ус эсвэл 1% лидокаины уусмал (0.5-1г 4мл уусгагчаар шингэлнэ) хэрэглэнэ.

Хэрэглэх заалт

Цефотаксимд мэдрэг организмаар үүсгэгдсэн халдварын эмчилгээнд хэрэглэнэ:

Амьсгалын замын халдвар

шээс дамжуулах замын халдвар

цусан үжил, бактериеми

үнхэлцгийн үрэвсэл,

хөвлийн хөндийн үрэвсэл (перитонит);

менингит (листериозыг эс тооцвол), ТМС-н бусад халдвар;

арьс, зөөлөн эдийн халдвар

яс, үе мөсний халдвар

Ходоод гэдэсний замын мэс засал, урологи, эх барих эмэгтэйчүүдийн мэс заслын дараах халдвараас урьдчилан сэргийлэх.

Хадгалах нөхцөл. Гэрлийн тусгалаас хамгаалан 25ºС ихгүй хэмд хадгална. Хүүхэд хүрэхгүй газарт хадгална.

Хүчинтэй хугацаа: 2 жил. Хугацаа дууссан бэлдмэлийг хэрэглэхгүй.

Тусгай анхааруулга

Анафилаксийн урвал. Цефалоспориныг хэрэглэхийн өмнө харшлын түүхийг цуглуулах шаардлагатай (харшлын диатез, бета-лактамын антибиотикт хэт мэдрэгшил).

Хэрэв өвчтөн хэт мэдрэгийн хариу урвал илэрвэл эмчилгээг зогсоох хэрэгтэй. Цефотаксимыг хэрэглэх нь цефалоспорины хэт мэдрэгийн өгүүлэмжтэй өвчтөнүүдэд эсрэг заалттай байдаг. Ямар нэгэн эргэлзээтэй тохиолдолд анафилаксийн урвал үүсч болзошгүй тул эмийг анх удаа хэрэглэх үед эмчийн оролцоо заавал байх ёстой. Ийм нөхцөлд үүссэн анафилаксийн урвал нь ноцтой эсвэл бүр үхэлд хүргэж болзошгүй юм.

Цефалоспорин ба пенициллиний хооронд зөрмөл харшил үүсдэг нь мэдэгдэж байгаа бөгөөд энэ нь 5-10% -д тохиолддог.

Пенициллиний харшилтай өвчтөнд эмийг маш болгоомжтой хэрэглэдэг. Анафилаксийн урвал үүсч болзошгүй тул эмийг анх удаа хэрэглэх үед өвчтөний нөхцөл байдлыг сайтар хянаж байх ёстой.

Анафилаксийн шокын анхны шинж тэмдэг илэрвэл эмийг шууд зогсоох шаардлагатай. Өвчтөн хэвтээ байрлалд хөлөө дээшлүүлсэн байх ёстой. Судасны цохилт, цусны даралтыг хянан 0.1 мг (1 мл) эпинефрин (адреналин) уусмалыг судсанд аажим тарих, түүнчлэн цусны сийвэн орлуулагч, хүний ​​альбумин эсвэл тэнцвэржүүлсэн электролитийн уусмалыг судсанд тарих; дараа нь глюкокортикостероидыг нэг удаа эсвэл шаардлагатай бол судсанд давтан тарина (жишээлбэл, 250-1000 мг гидрокортизон). Шаардлагатай бол туслах эмчилгээний арга хэмжээ авна: уушгины хиймэл агааржуулалт, хүчилтөрөгчөөр амьсгалах, антигистамин эм хэрэглэх.

Clostridium difficile-ээс үүдэлтэй өвчин (жишээлбэл, псевдомембраноз колит). Эмчилгээний явцад эсвэл янз бүрийн антибиотик, ялангуяа өргөн хүрээний антибиотик эмчилгээ дууссаны дараах эхний долоо хоногт, ялангуяа хүнд эсвэл удаан үргэлжилсэн суулгалт нь Clostridium difficile-ээс үүдэлтэй өвчний шинж тэмдэг байж болох бөгөөд хамгийн хүнд хэлбэр нь псевдомембраноз колит юм. Энэ ховор боловч үхэлд хүргэж болзошгүй өвчний оношийг дурангийн болон гистологийн аргаар баталгаажуулдаг. Псевдомембраноз колитийн оношийг батлах хамгийн чухал арга бол ялгадас дахь Clostridium difficile хорт бодисыг илрүүлэх явдал юм. Хэрэв псевдомембраноз колитыг сэжиглэж байгаа бол цефотаксимыг нэн даруй зогсоож, зохих антибиотик эмчилгээг (жишээлбэл, уухаар ванкомицин эсвэл метронидазол) нэн даруй эхлүүлэх хэрэгтэй. Гэдэсний хөдөлгөөнийг саатуулдаг эмүүд эсрэг заалттай байдаг.