Хэрэглэх арга тун                                                             

Кальци ба Д витамины дутагдлыг арилгах зорилгоор

-Насанд хүрэгчдэд: нэг шахмалаар өдөрт  1-3 удаа ууна.

- Хүүхдэд:  : нэг шахмалаар өдөрт  1-2 удаа ууна.

Ясны сийрэгшилтэй өвчтөнд нэмэлт эмчилгээ байдлаар

- Насанд хүрэгчид болон өндөр настанд: нэг шахмалаар өдөрт  2-3 удаа ууна.

Бөөрний үйл ажиллагааны дутагдалтай хүмүүст

Кальций – Д3 Никомед Форте бэлдмэлийгбөөрний үйл ажиллагааны гүнзгийрсэн дутагдалтай хүмүүст хэрэглэхгүй.

Шахмалыг зажлах буюу  амандаа уусгаж ууна.  

Хэрэглэх заалт  

− кальци ба Д витамины дутагдлыг арилгах ба сэргийлэх зорилгоор

− ясны  сийрэгшилтэй өвчтөнд кальци ба Д витамины  дутагдлыг нөхөх зорилгоор   хэрэглэнэ.

Хориглох заалт  

− эмийн найрлагад орсон  үндсэн үйлчлэгч болон туслах бодист хэт мэдрэг бол

− бөөрний хүнд хэлбэрийн дутагдалтай хүн (түүдгэнцрийн шүүрлийн хурд  <30 мл/мин /1.73m2)

− цусанд кальци ихсэх  болон шээсээр кальци их хэмжээгээр гадагшилж байгаа буюу ийм байдал үүсэх өндөр эрсдэл бүхий өвчтэй хүмүүс  

− бөөр чулуужих өвчтэй (нефролитиаз)

− Д витамины илүүдэлтэй  хүн

-  Кальций – Д3 Никомед Форте бэлдмэлийн найрлагад изомальт (E953) ба сахароз агуулагдах учраас  фруктоз тохирдоггүй, глюкоз галактозын  шимэгдэлт алдагддаг ховор тохиолдох төрөлхийн эмгэгтэй хүмүүст хэрэглэхгүй

Бортоготой эмийг сайтар таглаад  30° С дээшгүй хэмд чийглэг багатай орчинд хадгална. Хүүхэд хүрэхээргүй газар хадгал!

Тээврийн хэрэгсэл жолоодох зэрэг  анхаарал, хурд шаардсан хөдөлмөр эрхлэх  чадварт нөлөөлөх

Тээврийн хэрэгсэл жолоодох зэрэг  анхаарал, хурд шаардсан хөдөлмөр эрхлэх  чадварт нөлөөлдөггүй.

Тун хэтрэлт  

Бэлдмэлийн тунг хэтрүүлбэл цусан дахь кальци ба Д амин дэмийн хэмжээ хэт ихсэнэ. Цусанд кальцийн хэмжээ хэтэрсний шинж тэмдэг бол  хоолонд дургүй болох, ам цангах, дотор муухайрах, бөөлжих, өтгөн хатах, хэвлийгээр өвдөх, булчин сулрах, ядрах, сэтгэн бодох чадвар муудах, сэтгэцийн өөрчлөлт,  их уух, их шээх, яс өвдөх, бөөрөнд кальци хуримтлагдах, бөөрөнд чулуу үүсэх, зүрхний хэм алдагдах зэрэг болно. Маш хүнд тохиолдолд  цусанд кальцийн хэмжээ хэт ихэссэнээс болж комад орж, эсвэл гэнэт нас барж болно. Кальцийн хэмжээ цусанд удаан хугацаанд өндөр байгаад байвал бөөрийг эргэлтгүй гэмтээж, зөөлөн эд шохойжих хүндрэлийг үүсгэнэ.

Их хэмжээний кальци ба шүлтлэг чанартай бүтээгдэхүүн хэрэглэж буй өвчтөнд сүү-шүлтийн хам шинж илэрч болох юм.  

Эмчилгээ : Кальци ба Д амин дэмийн хэрэглээг даруй зогсооно. Мөн бололцоотой бол тиазидын диуретик ба зүрхний гликозидын хэрэглээг хязгаарлана. Хэрэв өвчтөн ухаангүй байвал ходоодыг угааж цэвэрлэнэ. Өвчтөнд шаардлагатай хэмжээний шингэн юүлж шингэний дутагдлыг нөхөх ба өвчтөний биеийн байдлаас хамааран гогцооны диуретик, бисфосфонат, кальцитонин ба  кортикостероид эмүүдийг дангаар нь эсвэл хавсран хэрэглэнэ. Түүнээс гадна цусны сийвэн дэх эрдсүүдийн хэмжээ, бөөрний ажиллагаа, ялгарч буй шээсний хэмжээг  хянаж байх хэрэгтэй. Хүнд байдалтай  өвчтөний зүрхний цахилгаан бичлэг ба төвийн венийн даралтыг (монитороор) байнга хянаж байх хэрэгтэй. 

Гаж нөлөө  

Гарч болзошгүй гаж нөлөөг нэрвэгдсэн эрхтэн тогтолцоо болон тохиолдох давтамжаар нь (гаж нөлөөг плацебо ба давхар хяналттай  клиник туршилтын дүнд тогтоож) дараах байдлаар ангилсан. [Хааяа тохиолддог (≥1/1000гаас <1/100), ховор  ( ≥1/10000 –с  <1/1000 хүртэл); маш ховор (<1/10000), давтамж тодорхойгүй].

Бодисын солилцоо ба хоол тэжээлийн алдагдал

Хааяа тохиолддог: гиперкальциеми ба  гиперкальциури

Маш ховор: сүү-шүлтийн хам шинж (байнга шээс хүрэх;  толгой удаан хугацаагаар өвдөх; удаан хугацаагаар хоолонд дургүй болох; дотор муухайрах эсвэл бөөлжих; ядрах эсвэл бие сульдах;  цусан дахь кальцийн хэмжээ ихсэх (гиперкальциеми), бодисын солилцооны алдагдал (шүлтжилт) ба бөөрний үйл ажиллагааны алдагдал. Эдгээр нь эмийн тун хэтрэх үед ажиглагдана.  

Хоол боловсруулах замын хямрал

Ховор тохиолдох: өтгөн хатах, суулгах,  гэдэс дүүрч цардайх, дотор муухайрах, хэвлийгээр өвдөх ба  суулгалт (диарей).

Арьс ба зөөлөн эдийн талаас

Маш ховор: арьс загатнах, туурах ба чонон хөрвөс.

Бөөрний дутагдалтай өвчтөнд: цусанд фосфат ихсэх эрсдэл өндөршинө, бөөр чулуужих (нефролитиаз) ба бөөрөнд кальци ихээр хуримтлах(нефрокальциноз).

Дархлааны эрхтэн тогтолцооны талаас

Давтамж тодорхойгүй: Квинкийн хаван, төвөнх хавагнах гэх мэт хэт мэдрэгшлийн урвал

Эмчилгээ эхэлснээс хойш илэрч буй ямар нэгэн таагүй илрэлийг эмчдээ заавал мэдэгдэж байх хэрэгтэй. Ингэснээр уг бэлдмэлийг хэрэглэсний ач тус ба эрсдлийг тасралтгүй хянах бололцоо олгоно.