Хэрэглэх арга ба тун

Судсанд маш аажим (аажим) буюу 0.75-1.5мл/мин-аас илүүгүй хурдтайгаар дуслаар тарина.

Эмчлүүлэгчид тариа тарьж дууссаны дараа богино хугацаанд <<хэвтээ>> байрлалд байлгана.

Харшлын урвалын үед (чонон хөрвөс, судас мэдрэлийн хаван, харшлын дерматоз, ийлдсийн өвчин), шавьжинд хазуулах, хатгуулах, хар тугалганы шалтгаант хатгаж өвдөх, магнийн бэлдмэлийн тун хэтрэлтийн үед – 7.5-15мл-ийг тарина.

Цусан дахь кальцийн түвшин цочмогоор багасах үед – 7.5-15мл-ийг 1-3 хоногийн турш, шаардлагатай тохиолдолд 1-3 хоног тутамд давтан тарина.

Цусан дахь кальцийн түвшин багассанаас үүсэх таталтын үед 5-17.5мл-ийг тарина. Эмчилгээний хангалттай үр дүн илрэх хүртэл 8цагийн зайтай давтан тарина.

Цусан дахь калийн түвшин ихэссэн үед (ЗЦБ-ийн хяналтан дор) 2.45-15мл-ийг тарих ба шаардлагатай тохиолдолд 1-2минутын дараа тунг давтан тарина.

Хүүхдэд 0.3мл/кг тунгаар, хоногийн дээд тун 15мл байна.

Уусмалыг судсанд дуслаар тарих үед урьдчилан 5% декстрозын уусмал эсвэл 0.9% натрийн хлоридын уусмалаар шингэлнэ.  

Хэрэглэх заалт

Харшлын өвчнүүд (чонон хөрвөс, судас мэдрэлийн хаван, харшлын дерматоз, ийлдсийн өвчин), шавьжинд хазуулах болон хатгуулах, цусан дахь кальцийн түвшин буурах (цусан дахь кальцийн түвшин буурсанаас татах, бамбайн ойролцоох булчирхайн дутмагшлын үед г.м), хар тугалганы шалтгаант хатгаж өвдөх, цусан дахь калийн түвшин ихсэх, магнийн бэлдмэлийн тун хэтрэлтийн (цогц эмчилгээнд багтана) үед хэрэглэнэ.

Хориглох заалт

Бэлдмэлд хэт мэдрэг, цусан дахь кальцийн түвшин ихсэх, шээсээр кальци ихээр ялгарах, бөөрний хүнд хэлбэрийн архаг дутагдал, ховдлын жирвэгнээ, шээсний замын чулуу, саркойдоз, зүрхний гликозидийг хамт хэрэглэх, жирэмсэн, хөхүүл үед хэрэглэхийг цээрлэнэ.

5-25 градус хэмд хадгална.

Хүүхэд хүрэхээргүй газар хадгална.

Тусгай анхааруулга

Цусан дахь кальцийн концентрацийн хяналтан дор  эмчилгээг үргэлжлүүлнэ.

Арьсан дор, булчинд хэзээ ч тарьж болохгүй – эдийн үхжил үүснэ (кальцийн хлорид өндөр тунгаар, 5%-аас эхлээд орчны эдийг хүчтэй цочрооно).

Тарьсан хэсэгт өвдөж, халуу оргивол бэлдмэлийг тарихаа зогсоон, судаснаас гадуур тарьсан бэлдмэлийг биеэс зайлуулна.

Кальцийн хлоридыг судсанд тарихад эхлээд амны хөндий халуу оргиод, дараа нь бүх бие халуу оргино.