Хэрэглэх арга ба тун:

Пеллагра өвчний үед насанд хүрэгсдэд: 1%-1мл уусмалаар буюу 10 мг-аар өдөрт 2-3 удаа нийт 10-15 хоног арьсан дор, булчин болон венийн судсаар тарьж хэрэглэнэ.

Бусад заалтаар хэрэглэхдээ: 10 мг тунгаар өдөрт 1-2 удаа 10-15 хоног тарьж хэрэглэнэ.

Насанд хүрэгсдийн нэг удаагийн дээд тун 100 мг, хоногийн дээд тун 300 мг болно.

Хартнупын өвчний үед хоногт 40-200 мг хүртэл тунгаар тарьж хэрэглэнэ.

Булчин болон арьсан дор тарьж хэрэглэсэн нь илүү үр нөлөөтэй байдаг.

Хэрэглэх заалт:

Гиповитаминоз РР, авитаминоз РР (пеллагра), мөчний судасны агчил, цус хомсдолт инсультийн үеийн бүрдэл эмчилгээ, мөчний судасны бөглөрөлт өвчнүүд (бөглөрөлт эндоартерит, Рейногийн өвчин), нүүрний мэдрэлийн үрэвсэл, чихрийн шижин, ялангуяа түүний хүндрэл (чихрийн шижингийн шалтгаант олон мэдрэлийн, бичил судасны эмгэгшил), Хартнупын өвчин (зарим амин хүчлүүд буюу түүний дотор триптофаны шингэц алдагддаг удамшлын эмгэг) зэргийн үед тус тус хэрэглэнэ.

Хориглох заалт:

Тухайн бэлдмэлд хэт мэдрэгшсэн хүн, артеросклерозтой болон никотины хүчилд хэт мэдрэгшсэн хүн хэрэглэхийг хориглоно. Мөн ходоод, 12 хуруу гэдэсний шархлаа, подагра, гиперурикеми, гепатит, элэгний цирроз, чихрийн шижин өвчний тэнцвэржилт алдагдсан, жирэмсэн болон хөхүүл эхчүүд тус тус хэрэглэхийг хориглоно.

25 градус-аас ихгүй температурт,  гэрлээс хамгаалсан нөхцөлд, хүүхэд хүрэхгүй газарт хадгална. Хөлдөөж болохгүй!

Анхааруулга:

Элэгний талаас гарах хүндрэлийг багасгах зорилгоор метиониноор баялаг хүнсний бүтээгдэхүүн (тараг г.м.) хэрэглэх буюу метионин, липоин хүчил болон бусад липотроп эмийн бэлдмэл хэрэглэж болно.