Хэрэглэх арга, тун

Нярай болон 2 хүртэлх насны хүүхэд:өдөрт 1 уутыг хооллох явцад

2-12 насны хүүхэд: өдөрт 1-2 уутыг хооллох явцад

Хүүхдийн Линексийг өвчний шинж тэмдэг арилтал хэрэглэж болно.

Ууттай нунтагийг бага зэргийн шингэнд хольж (хүүхдийн тэжээл, сүү, сок, ус) хэрэглэнэ.

Бэлдмэлийг зөвхөн дотуур ууж хэрэглэнэ.

Халуун ундаанд уусгаж хэрэглэхгүй!

Хүүхдийн Линекс гэж юу вэ? Түүнийг юунд хэрэглэдэг вэ?

Эмийн эмчилгээний бүлэг: Гүйлгэлтийн эсрэг бичил биетүүд.

АТХ код: А07FA

Хүүхдийн Линекс - хүүхдийн гэдэсний хэвийн бичил орчинг бүрдүүлдэг бифидобактери агуулсан бэлдмэл юм.

Бифидобактери нь хоол боловсруулах замын хэвийн үйл ажиаллагаа, гэдэсний гүрвэлзэх хөдөлгөөнийг сайжруулдаг хүчил-шүлтний харьцааг тэнцвэржүүлж, нарийн болон бүдүүн гэдэсний хэвийн орчинг бүрдүүлэхэд оролцдог.

Хөхний сүүгээр хооллодог нярай хүүхдийн гэдэсний бичил орчин нь голцуу бифидобактерээс бүрддэг ба энэ нь нярай хүүхдийн хоол боловсруулалтад чухал үүрэг гүйцэтгэдэг.

Хүүхдийн гэдэсний хэвийн тэнцвэрт байдал алдагдаснаас болж үүссэн хямралд (тэр тусмаа суулгалт) бифидобактерийг тогтмол хэрэглэснээрхүнд болон хөнгөн хоол боловсруулах бусад хямралын шинж тэмдгийн давтамжийг бууруулдаг.

Хүүхдийн Линекс нь лиофилжүүлсэн (бага хэмд хатаасан) бэлдмэл бөгөөд энэ нь хэлбэр дүрс, шинж чанарын өөрчлөлтгүйгээр тасалгааны ердийн хэмд хадгалах боломжийг бүрдүүлдэг.

Хүүхдийн Линексийг хөхүүл болон 12 хүртэлх насны хүүхдэд хэрэглэнэ.

·         Гэдэсний бичил орчны бүрдүүлэлт, түүний тэнцвэрт байдлын алдагдал

·         Суулгах, өтгөн хатах, гэдэс дүүрэх болон хоол боловсруулах замын бусад хямралын шинж тэмдгийн үед урьдчилан сэргийлэх болон эмчлэх зарилгоор хэрэглэнэ. 

Цээрлэлт:

Уг бэлдмэлийн найрлага дахь бүрэлдэхүүн хэсгүүдэд мэдрэг болон харшилтай хүүхэд

25°С-аас доош хэмийн, хуурай, хүүхэд хүрэхээргүй газар өөрийн сав баглаа боодолд хадгална.

Хадгалах хугацаа: 2 жил. Цаасан хайрцган дээр заасан хугацаа хэтэрсэн тохиолдолд бэлдмэлийг хэрэглэхгүй.

Онцгой анхааруулга:

Бэлдмэлийг хэрэглэхийн өмнө доорх шинж тэмдэг илэрвэл эмчээс зөвлөгөө авна.

·         380С-аас дээш халуунтай;

·         өтгөнд цусархаг буюу салсархаг зүйл;

·         гүйлгэлт 2-оос дээш хоног үргэлжлэх;

·         усгүйжих жин багасах архаг суулгалт;

·         хүчтэй өвдөлттэй гүйлгэлт суулгалт;

·         архаг хууч өвчний голомттой хүүхдийн суулгалт (Ж: чихрийн шижин, зүрх судасны системийн өвчлөл, халдварт өвчин г.м.)

Бүх төрлийн суулгалтын үед алдагдсан шингэнийг маш сайн нөхөх хэрэгтэй.