Насанд хүрэгсэд ба өсвөр насныхан

Мэс заслын өмнө: 1-2 туншилыг булчинд эсвэл судсанд мэс ажилбараас 1 цагийн өмнө тарьна.

Мэс заслын үед: 1-2 туншилыг судсанд тарьна. Шаардлагатай бол давтан хийж болно.

Мэс заслын дараа: 1-2 туншилыг4-6 цаг тутамд  цус алдах эрсдэл арилах хүртэл тарьна.

Яаралтай тохиолдолд хүндрэлийн зэргээс хамаарч: 1-2 туншилыг булчин болон судсанд 4-6 цаг тутамд тарих ба цус алдах эрсдэл арилтал хийнэ.

Хэсэг газрын эмчилгээнд: 1 туншилыг самбайд шингээж цус гарч буй хэсэгт тавих, шүд авхуулсан бол тухайн хэсэгт тавьна. Шаардлагатай бол давтан хийж болно. Мөн бэлдмэлийг уух болон тарих аргаар хамт хэрэглэж болно.

Хүүхэд

Насанд хүрэгсдийн тал тунгаар хэрэглэнэ.

Нярай

Биеийн жин тутамд 10 мг-р тооцож (0.1 мл = 12.5 мг) төрсний дараах 2 цагийн  дотор булчинд тарьна. Цаашид 4 хоногийн турш 6 цаг тутамд тарьна.

Элэг, бөөрний үйл ажиллагааны дутагдалтай өвчтөн

Элэг, бөөрний үйл ажиллагааны дутагдалтай өвчтөнд эмнэл зүйн судалгаа хийгдээгүй учраас Дицинон тариаг болгоомжтой хэрэглэнэ.

Тарилгын уусмал нь натрийн гидрокарбонат эсвэл лактат агуулсан уусмалтай үл нийцнэ.

Дициноны уусмалыг бусад эмийн бодистой нэг тариурт хийхийг хориглоно.

Хэрэв бэлдмэлийг физиологийн уусмалтай хольж хэрэглэх бол найруулсан даруйд хэрэглэнэ.

ХЭРЭГЛЭХ ЗААЛТ

-       Судасжилт ихтэй эрхтэн хийх мэс засал эсвэл бүх төрлийн мэс заслын өмнө болон дараа урьдчилан сэргийлэх ба эмчилгээний зорилгоор хэрэглэнэ. Жишээ нь: чих хамар хоолой, эх барих эмэгтэйчүүд, бөөр шээсний зам, шүд, эрүү нүүр, нүд, гоо сайхны болон нөхөн сэргээх зэрэг мэс засал.

-       Янз бүрийн шалтгаан, байрлал бүхий капилярын цус алдалтын урьдчилан сэргийлэлт, эмчилгээнд хэрэглэнэ. Жишээ нь: гематури, цустай бөөлжих, өтгөн цустай гарах, хамраас цус гарах, буйлнаас цус гарах.

-       Дутуу төрсөн нярайн перивентрикуляр цус харвалтаас урьдчилан сэргийлэх

ХАДГАЛАХ НӨХЦӨЛ

250С-хэмээс ихгүй, нарны гэрэл тусахгүй, хуурай, хүүхэд хүрэхгүй газар  хадгална.

ХҮЧИНТЭЙ ХУГАЦАА

5 жил, хадгалах хугацаа блистерт бичигдсэн байх бөгөөд хугацаа хэтэрсэн бэлдмэлийг хэрэглэхгүй. Хадгалах хугацаа нь заагдсан сарын сүүлийн өдрөөр дуусгавар болно. Туншилд агуулагдах уусмалын өнгө хувирсан бол хэрэглэхгүй.

ОНЦГОЙ ЗААЛТ, АНХААРУУЛГА

Артерийн даралт багатай, тогтворгүй байдаг хүмүүст судсаар тарих үед артерийн даралт буурах эрсдэлтэй тул болгоомжтой хэрэглэнэ(гаж нөлөө хэсгээс үзнэ үү). Бэлдмэл нь натрийн метабисульфит агуулдаг тул харшлын урвал, дотор муухайрах, гүйлгэх зэрэг шинж илэрч болзошгүй.

Харшлын урвал нь  анафилаксийн шок, багтрааны сэдрэл зэрэг аюултай шинжээр илэрч болзошгүй. Эдгээр харшлын урвал илэрсэн тохиолдол үгүй ч магадлалтай. Сульфитад хэт мэдрэг хүмүүст гуурсан хоолойн багтрааны шинж ажиглагдана (хориглох заалт хэсгээс үзнэ үү). Хэт мэдрэгших урвал илэрсэн тохиолдолд эмчилгээг даруй зогсооно. Арьсны талаас урвал илрэх, халуурах зэрэг хэт мэдрэгших урвалын шинж илэрвэл эмчид мэдэгдэж эмчилгээг зогсооно.                Сарын тэмдэг их хэмжээгээр ирж байгааг багасгах, хугацааг богиносгох зорилгоор хэрэглэхэд үр дүнгүй.

Хүүхэд

Бэлдмэлийг дутуу төрсөн нярайн перивентрикуляр цус харвалтаас урьдчилан сэргийлэх зорилгоор хэрэглэж болно. Тунг “эм хэрэглэх арга, тун” хэсгээс үзнэ үү.

Бөөрний үйл ажиллагааны дутагдалтай өвчтөн

Бөөрний үйл ажиллагааны дутагдалтай өвчтөнд этамзилат нь аюулгүй, үр дүнтэй байх талаар судлагдаагүй ч этамзилат бөөрөөр ихэнх хэсэг нь ялгардаг тул тунг багасгах шаардлагатай.

Лабораторийн шинжилгээний үр дүнд нөлөөлөх

Этамзилатийг эмчилгээний тунгаар хэрэглэхэд ферментийн үзүүлэлтэнд нөлөөлж креатинины хэмжээг багасгадаг.