Хэрэглэх арга ба тун

Стопдиар шахмалыг дотуур ууж хэрэглэнэ.

Насанд хүрэгсдэд болон 7-оос дээш насны хүүхдэд хоногт хоёр шахмалаар 4 удаа ууж хэрэглэнэ. Бэлдмэлийг хоол унднаас хамаарахгүй тогтмол 6 цагийн зайтай ууж хэрэглэнэ.

Шахмалыг зажлахгүй бүхлээр залгин хангалттай хэмжээний усаар даруулж ууна. Цочмог суулгалтын үед Стопдиар бүрхүүлтэй шахмалыг  3 хоног ууж хэрэглэнэ. Энэ хугацаанд өвчний шинж арилахгүй тохиолдолд эмчид хандана уу!

Бэлдмэлийг эмчийн зөвшөөрөлгүйгээр 3 хоногоос илүү хэрэглэхийг хатуу хориглоно.

Хэрэглэх заалт

Staphylococcus spp., Escherichia coli-аар үүсгэгдсэн нянгийн гаралтай цочмог суулгалт болон нян илрээгүй ч хэрэглэнэ (ерөнхий байдал буурах, халуурах, хорлдлогот халдвар г.м).

Тун болон шингэн нөхөх арга (дотуур уух ба судсанд тарих) нь суулгалтын явц, нас болон дагалдах эмгэгээс хамаарна.

Хадгалах хугацаа

4 жил.

Хайрцаганд заасан хугацаа дууссан тохиолдолд эмийг хэрэглэхгүй.

Савлалт

24 ширхэг бүрхүүлтэй шахмалыг ПВХ материалаар хийгдсэн блистерт савлан гадуур нь хөнгөн цагаан фольгагаар битүүмжилсэн байна. 

Нэг блистерийг эм хэрэглэх зааврын хамт картон хайрцаганд савлана.

Хадгалах нөхцөл

Уг эмийн бэлдмэл нь хадгалах өвөрмөц нөхцөлийг шаардахгүй.

Хүүхдийн гар хүрэхээргүй газар хадгал!

Эмийг хэрэглэхэд болгоомжлох зүйлс

Стопдиар® шахмалыг 3 хоног хэрэглэхэд өвчний шинж тэмдэг арилахгүй тохиолдолд эмчлэгч эмч дахин үзлэг хийж өвчний шалтгааныг тогтоон, шаардлагатай гэж үзвэл антибиотик эмчилгээг авна.

Стопдиар® шахмалыг хоолны нарийн дэглэмтэй хэрэглэнэ. Жимсний шүүс, түүхий ногоо, жимс, халуун ногоо болон хүнд боловсрогддог хоолтой хамт хэрэглэхгүй.

Эмийн эмчилгээний явцад спиртийн төрлийн ундааг хэрэглэхийг хориглоно. Учир нь архи нь нифуроксазидын бие махбодид мэдрэг чанарыг ихэсгэснээр суулгалт, бөөлжилт, хэвлийгээр өвдөх шинж нэмэгдэх, арьс улайх, нүүр болон дээд мөчдөөр халуун оргих, толгой шуугих, амьсгалахад хүндрэлтэй болох болон айх түгшүүрийг сэдээж хурцатгадаг.