Хэрэглэх арга тун

Нэг шахмалыг хоногт нэг удаа, өглөө хооллохын өмнө ууж хэрэглэнэ.

Ко-Амлесса бэлдмэлийн тунг сонгохдоо агуулагдах идэвхт бодисуудын тунг урьдчилан титрэлсний дараа тогтооно.

Ко-Амлесса бэлдмэлийн хоногийн дээд тун 10 мг амлодипин + 5 мг индапамид + 8 мг периндоприл байна.

Өндөр настан ба бөөрний үйл ажиллагааны алдагдалтай өвчтөнүүд

Ко-Амлесса бэлдмэлийг бөөрний үйл ажиллагааны хүнд хэлбэрийн өөрчлөлттэй өвчтөнд хэрэглэхийг хориглоно (КК 30-60мл/мин багагүй) (<Хориглох заалт> хэсгийг үзнэ үү).

Ко-Амлесса бэлдмэлийг бөөрний үйл ажиллагааны дунд зэргийн өөрчлөлттэй өвчтөнд хэрэглэж болно (КК 30-60мл/мин). Эдгээр өвчтөнд  амлодипин, индапамид, периндоприлын тунг тус бүрд нь тогтооно.

Бөөрний үйл ажиллагааны өөрчлөлттэй (КК 60мл/мин ба түүнээс их) өвчтөнд тунг тохируулах шаардлагагүй. Зохих тунгаар хэрэглэхэд амлодипин нь өндөр настан ба залуучуудад зохимж сайтай, тунг өөрчлөх шаардлагагүй байдаг боловч насны өөрчлөлт, Т1/2 уртсалтай холбоотой тунг болгоомжтой ихэсгэдэг. Амлодипины цусны сийвэн дэх концентрац нь бөөрний дутагдлын илрэлийн зэрэгтэй хамааралгүй. Амлодипин нь диализаар ялгарахгүй.

Периндоприлатын ялгарал бөөрний дутагдалтай, өндөр настанд удааширна. Иймд эдгээр өвчнүүдэд креатинины концентрац ба цусны сийвэн дэх калийн хэмжээг тогтмол хянах шаардлагатай.

Элэгний үйл ажиллагааны алдагдалтай өвчтөнүүд

Ко-Амлесса бэлдмэлийг элэгний үйл ажиллагааны хүнд хэлбэрийн дутагдалтай өвчтөнүүдэд хэрэглэхийг хориглоно (<Хориглох заалт> хэсгийг үзнэ үү).

Хөнгөн ба дунд зэргийн үйл ажиллагааны алдагдалтай өвчтөнүүдэд болгоомжтой хэрэглэнэ.

Хэрэглэх заалт

·                    Артерийн гипертензи (амлодипин, индапамид, периндоприлыг дангаар нь хэрэглэдэг ч хослуулан хэрэглэх шаардлагатай).

Хориглох заалт

·                    Амлодипин ба бусад дигидропиридины уламжлал, индапамид ба сульфонамидын бусад уламжлал, периндоприл ба бусад АХФ-г хориглогчид, бэлдмэлийн найрлага дахь туслах бодисуудад хэт мэдрэг.

·                    Судас-мэдрэлийн хаван (Квинкийн хаван)-гаар өвчилж байсан өгүүлэмжтэй.

·                    Удамшлын/идиопатик судас-мэдрэлийн хаван.

·                    Артерийн даралтын хүнд хэлбэрийн гипотензи (систолын даралт 90 мм муб-с бага).

·                    Шок, түүний дотор зүрхний гаралтай шок.

·                    Зүүн ховдлын гарах замын бөглөрөл (жишээлбэл эмнэлзүйн хувьд ач холбогдол бүхий гол судасны нарийсал).

·                    Зүрхний булчингийн цочмог шигдээсийн дараах зүрхний дутагдал.

·                    Бөөрний хүнд хэлбэрийн дутагдал (КК- 30 мл/мин).

·                    Элэгний хүнд хэлбэрийн дутагдал, элэгний энцефалопати.

·                    Рефрактер гипокалеми.

·                    Алискирен эсвэл алискирен агуулсан бэлдмэл хэрэглэж буй чихрийн шижинтэй өвчтөн болон бөөрний дунд ба хүнд зэргийн үйл ажиллагааны алдагдалтай (бөөрний түүдгэнцрийн шүүрлийн хурд 60 мл/мин/1,73м2 биеийн гадаргуугийн талбайгаас бага) өвчтөнүүдэд хамт хэрэглэх.

·                    Чихрийн шижингийн шалтгаант бөөрний эмгэгтэй өвчтөнд ангиотензин II рецептор хориглогчидтой хамт хэрэглэх.

·                    Сакубитрил + валсартан агуулсан бэлдмэлтэй зэрэг хэрэглэх. Хэрэв эдгээрийг агуулсан бэлдмэл хэрэглэсэн бол Ко-Амлесса бэлдмэлийг 36 цагийн дараа хэрэглэнэ.

·                    Жирэмсэн болон хөхүүл эмэгтэйчүүд (<Жирэмсэн ба хөхүүл үеийн хэрэглээ> хэсгийг үзнэ үү).

·                    18 нас хүртэлх хүүхдүүд (үр дүн, аюулгүй байдал нь тогтоогдоогүй).

Эмнэлзүйн хангалттай туршлага байхгүй тул гемодиализ хийлгэж буй өвчтөн болон эмчлэгдээгүй, зүрх судасны дутагдлын декомпенсацийн үед байгаа өвчтөнүүдэд хэрэглэхгүй.        

Бэлдмэлийг 25 градус-с ихгүй хэмд, гэрэл, чийгнээс хамгаалсан өөрийнх нь савлагаанд хадгална.

Хүүхэд хүрэхгүй газар хадгална.

Болгоомжлол

Элэгний хөнгөн ба дунд зэргийн дутагдал, бөөрний дунд зэргийн дутагдал (КК 30-60 мл/мин), холбогч эдийн системийн өвчнүүд (чонон яр, склеродерми), бөөрний артерийн 2 талын нарийсал, нэг бөөрний артерийн нарийсал, иммунодепрессант, аллопуринол, прокаинамидын (нейтропени, агранулоцитоз үүсэх эрсдэл) эмчилгээ,<пируэт > хэлбэрийн ховдлын полиморф тахикарди үүсгэж чадах эмийн бэлдмэлүүдтэй хамт хэрэглэх, кали хөөдөггүй шээс хөөх эм, кали ба литийн бэлдмэлтэй хамт хэрэглэх, QT интервал уртасгах эм, гиперкалеми, ясны чөмөгний цус төлжилт дарангуйлагдах, эргэлдэх цусны эзлэхүүн буурах (шээс хөөх эм, хоолны давсны хэмжээг хянах дэглэм, бөөлжилт, суулгалт, гемодиализ), зүрхний цусан хангамжийн дутагдал, тогтворгүй зүрхний бах (Принцметал зүрхний бахаас бусад), атеросклероз, тархины судасны эмгэгүүд, бөөрний судасны шалтгаант артерийн даралт ихсэх өвчин, чихрийн шижин, зүрхний дутагдалд (NYHA ангилаллын III-IV зэрэг), зүрхний цочмог инфаркт (инфарктын дараах 1 сарын дотор),  синусын зангилааны сулрах хам шинж, ус-эрдсийн тэнцвэр алдагдах, зүрхний цахилгаан бичлэгт QТ интервал уртассан өвчтөнүүд, гиперурикеми (тулай ба уратын нефролитиазтай тохиолдолд), гиперпаратиреоз, дантролена, эстрамуситиныг хамт хэрэглэх, CYP3A4 изоферментийг дарангуйлагч ба өдөөгчтэй хамт хэрэглэх, мэс засал/ерөнхий мэдээгүйжүүлэлтийн үе, артерийн даралт тогтворгүй байх, өндөр урсалттай мембран ашигласан гемодиализ хийлгэх (жишээлбэл АN69), декстран сульфатын тусламжтай бага нягтралтай липопротеидын аферезын өмнө, харшил төрүүлэгчээр хэт мэдрэгшил бууруулах эмчилгээ хийлгэж байх үед, бөөр шилжүүлэн суулгасны дараа, гол судасны нарийсал, митрал хавхлагын нарийсал, гипертрофи бөглөрөлтөт зүрхний булчингийн эмгэг, глюкозо-6-фосфатдегидрогеназын төрөлхийн дутмагшил, өндөр настан,  негроид арьстай хүмүүст хэрэглэх.