Бэлдмэлийг эмч болон эм зүйчийн зааврыг нарийн баримтлан хэрэглэнэ. Хэрэв таньд ойлгомжгүй зүйл байвал эмч болон эм зүйчээс асууна.

Тун

Насанд хүрэгсдэд үдэш 1 лаа хэрэглэх ба хүнд тохиолдолд хоногт 2-3 лаа хэрэглэнэ.

Эмчилгээ үргэлжлэх хугацаа

Лааг өвдөлт бүрэн намдтал хэрэглэх ба харин 7 хоногоос удаан хугацаагаар хэрэглэж болохгүй. Сайжрал илрэхгүй байгаа тохиолдолд эмчээс зөвлөгөө авна.

Хэрэглэх арга

Хэрэглэхийн өмнө фольгийн гурвалжин төгсгөлтэй хэсгийг урж лааг блистерээс гаргаад шулуун гэдсэнд хийнэ.

Бэлдмэлийг 25°С-ээс бага хэмд хадгална.

Бэлдмэлийг үзэж хүүхэд хүрэхээргүй газар хадгална.

Хайрцаг ба блистер дээр бичсэн хүчинтэй хугацаа хэтэрсэн тохиолдолд бэлдмэлийг хэрэглэхгүй. Хүчинтэй хугацаанд тухайн сарын сүүлийн өдөр хамаарна.

Эмийг бохирын ус болон ахуйн хог хаядал руу хийхийг хориглоно. Цаашид хэрэглэгдэхгүй болсон эмийн бэлдмэлийг хэрхэн хаяж устгах талаар эм зүйчээс асууна. Энэ арга хэмжээ нь хүрээлэн буй орчныг хамгаалахад тустай.

Геморол бэлдмэлийг хэрэглэх үед гаж нөлөө илэрсэн талаар бүртгэгдээгүй байна. 

Бусад эмүүдийн нэгэн адилаар  уг бэлдмэлийг хэрэглэх үед  гаж нөлөө илэрч болох боловч энэ нь  хүн бүрт илрэхгүй.

Эрхтэн тогтолцооны MedDRA ангилал ба давтамжтай холбоотой илэрч болох гаж нөлөө: давтамж тодорхойгүй (байгаа мэдээлэл дээр үндэслэж үнэлэх боломжгүй).

Цус болон тунгалгийн тогтолцооны зүгээс илрэх өөрчлөлт: метгемоглобинеми - давтамж нь тодорхойгүй.

Дархлалын тогтолцооны зүгээс илрэх өөрчлөлт: хүнд явцтай харшлын урвал (амьсгаадах, Квинкийн хаван, коллапс, анафилаксийн шок) илэрнэ - давтамж нь тодорхойгүй.