Хэрэглэх арга ба тун

Хувийн ариун цэврийг чанд сахисны дараагаар бэлдмэлийг хэрэглэнэ.

Хошногоны амсрын эргэн тойрны арьсыг бүлээн усаар угааж, гэмтсэн хэсгийг зөөлөн, чийгтэй алчуураар цэвэрлээд, ариун цэврийн цаас эсвэл зөөлөн даавуугаар болгоомжтой дарж хатаана. Лааг хийхийн өмнө түүний хамгаалах зориулалттай хуванцар бүрхүүлийг тайлж авна. Өдөрт 4 удаа нэг ширхэг лааг шулуун гэдсэнд шургуулж хийнэ (өглөөд, унтахын өмнө, мөн хүндэрсний дараа хэрэглэнэ).

Ээлж эмчилгээний үргэлжлэх хугацаа 7 хүртэл хоног.

Хэрэглэх заалт

Хүндрээгүй хэлбэрийн шамбарам, хошногоны амсрын урагдалт, шалбархай, проктитын хавсарсан эмчилгээнд хэрэглэнэ.

Хориглох заалт

Эмийн бэлдмэлийн найрлага дахь бодисуудад хэт мэдрэгшилтэй байх, эмийн бэлдмэлийг хэрэглэх хэсэг газрын орчимд бактерийн, мөөгөнцөрийн, вирусын халдвартай байх, хошного, шулуун гэдэсний орчимд хавдрын үүсгэвэртэй байх, сүрьеэ, Иценго-Кушингийн хам шинж, чихрийн шижингийн хүнд хэлбэрүүд, гипернатриеми, тромбоэмболи (ялангуяа өмнө нь өвдөж байсан), жирэмсэн ба хөхүүл хүмүүст хэрэглэхийг хориглоно.

25 ºС-ээс ихгүй температурт, хүүхдийн гар хүрэхээргүй газарт хадгална.

Анхааруулга ба авах арга хэмжээ

Артерийн даралт ихсэх өвчний хүнд хэлбэр, зүрхний хэм алдагдал, дархлаа дутмагшил, ясны сийрэгжилт, чихрийн шижин болон дотоод шүүрлийн бусад эмгэгийн үед эмийн бэлдмэлийг эмнэлгийн зайлшгүй хэрэглэх хатуу заалтаар, хүлээгдэж буй эмчилгээний үр нөлөө илэрч болзошгүй гаж нөлөөний эрсдэлээс илүү гэж үзсэн тохиолдолд эсвэл үндсэн өвчний хүндрэлийн үед л хэрэглэж болно.

Хамгаалах хуванцар бүрхүүл байхгүй, эсвэл гэмтсэн тохиолдолд лааг хэрэглэж болохгүй.

Нүдэнд оруулж болохгүй. Эмийн бэлдмэлийн найрлаганд гидрокортизон агуулагддаг тул хараа бүрэлзэх, төвийн серозон бүрхүүлийн хориоретинопати зэрэг гаж нөлөө илрэх эрсдэлтэй.

Эмийн бэлдмэлийг хэрэглэх үед хошногоноос их хэмжээний цусархаг ялгадас гарч байгаа, эсвэл эмчилгээний үр нөлөө илрэхгүй байгаа бол эмчлэгч эмчдээ зайлшгүй хандах хэрэгтэй.

Метилпарагидроксибензоат болон пропилпарагидроксибензоат агуулагддагтай холбоотой аажим илрэх харшлын урвал өрнөж болно.