Тун ба хэрэглэх арга:

Насанд хүрэгсдэд: 500мг тунгаар 6 цагаар буюу хоногийн 50мг/кг тунг хувааж 6 цагаар хэрэглэнэ.

Элэгний эмгэгтэй буюу бөөрний үйл ажиллагааны дутмагшилтай өвчтөнд хлорамфениколын тунг багасган хэрэглэх ёстой.

Хүүхдэд: Хоногийн 25-50мг/кг тунг хувааж 6 цагаар хэрэглэнэ.

Хэрэглэх заалт:

Хижгийн халууралт болон системийн хоолны хордлогот халдварын бусад хэлбэрүүдийн үед хэрэглэнэ.

Хориглох заалт:

Хэт мэдрэгжилт болон хорт урвал үүсч байсан өгүүлэмжтэй өвчтөн,

Жижиг халдварууд буюу урьдчилан сэргийлэх зорилгоор,  

Цус багадалтын үед тус тус хэрэглэхгүй.

Сэрүүн (25°C-ээс доош хэмд), хуурай газарт гэрэл болон чийгшилтээс хамгаалж, ХҮҮХЭД ХҮРЭХГҮЙ ГАЗАРТ ХАДГАЛНА.

Гаж нөлөө ба тусгай анхааруулга:

Хэт мэдрэгшлийн урвалууд: Хлорамфениколд хэт мэдрэгшилтийн урвал нь арьсны толбот буюу цэврүүт тууралтаар илэрдэг. Халууралт нь зэрэгцэн илрэх буюу эсвэл цорын ганц илрэл нь ч болж болдог. Хааяа судаслаг хаван үүсдэг. Херксхеймерийн урвал илэрч байсан бөгөөд олон хэлбэрт улайлт үүсч байсан нь бүртгэгдсэн.

Цус төлжүүлэх эрхтэний хордлогын шинж: Хлорамфениколын ихээхэн ноцтой гаж нөлөө бол чөмөгний үйл ажиллагааг дарангуйлдагт оршино.

Бусад гаж нөлөө: Хлорамфениколыг ууж хэрэглэхэд ходоод гэдэсний талаас дотор муухайрах, бөөлжих, эвгүй амт амтагдах, суулгах болон хошного орчмоор загатнах шинж илэрч болдог. Амны хөндийн болон гэдэсний ашигтай нян өөрчлөгдсөний улмаас амны салстын болон хэлний үрэвсэл, мөн шулуун гэдэсний буюу үтрээний цочролын шинж үүсч болзошгүй.

“Саарал хам шинж”-ийн хорт илрэл: Хлорамфениколыг их тунгаар хэрэглэсэн нярай болон дутуу нярайд үүсдэг. Түүнийг өндөр тунгаар хэрэглэсэн хүүхэд болон насанд хүрэгсдэд ч мөн адил хам шинж үүсдэг болох нь бүртгэгдсэн. Хлорамфениколыг хэзээ ч жижиг халдварын үед буюу урьдчилан сэргийлэх зорилгоор хэрэглэж болохгүй бөгөөд ээлж эмчилгээг давтах буюу удаан хугацаагаар эмчилгээнд хэрэглэхээс зайлсхийх хэрэгтэй.