Хэрэглэх арга, тун:

6-12 насны хүүхдэд 1 шахмалаар хоногт 1 удаа хооллох үед хэрэглэнэ.

Насанд хүрэгсэд ба 12-оос дээш насны хүүхдэд 1 шахмалаар хоногт 2 удаа хооллох үед хэрэглэнэ.

20 долоо хоногтойгоос дээш жирэмсэн ба хөхүүл үед 1 шахмалаар хоногт 2 удаа хэрэглэнэ.

Эмчилгээний үргэлжлэх хугацаа:

Ясны сийрэгжилтийн урьдчилан сэргийлэлт болон бүрдэл эмчилгээнд хэрэглэх хугацааг эмч хүн бүрт өвөрмөцөөр тогтооно.

Витамин Д3 болон кальцийн дутагдлыг нөхөх зорилгоор хэрэглэх ээлж эмчилгээний дундаж хугацаа 4-6 долоо хоногоос багагүй байна. Жилийн хугацаанд явуулах давтан ээлж эмчилгээний тоог хүн бүрт өвөрмөцөөр тогтооно.

Элэгний үйл ажиллагааны өөрчлөлттэй өвчтөн: тунг тохируулах шаардлагагүй.

Бөөрний үйл ажиллагааны өөрчлөлттэй өвчтөн: хүнд явцтай бөөрний дутагдлын үед Кальцемин бэлдмэлийг хэрэглэж болохгүй.

Настангуудын хэрэглээ: насанд хүрэгсдийн тунгаар хэрэглэнэ.  Бөөрний үйл ажиллагаа багасаж болзошгүйг анхаарах хэрэгтэй.

Хэрэглэх заалт:

Кальци, витамин Д болон бичил элементүүдийн (цайр, зэс, марганец, бор) хэрэгцээг тохирсон хоолны дэглэмээр хангаж чадахгүй байгаа үед тэдгээрийн дутагдлыг нөхөх зорилгоор хэрэглэнэ. Ялангуяа удаан хугацааны дутагдал, тогтмол бус болон тэнцвэржүүлээгүй хооллолт,  эдгээр тэжээлийн бодисын хэрэгцээ ихсэх үед хэрэглэнэ. Тухайлбал:

Янз бүрийн шалтгаантай ясны сийрэгжилтийн бүрдэл эмчилгээ ба урьдчилан сэргийлэлт

Жирэмсэн болон хөхүүл үе

Өсөлтийн идэвхтэй үедээ байгаа 6-аас дээш насны хүүхэд

Цээрлэлт:

Бэлдмэлийн найрлага дахь бүрэлдэхүүн хэсгүүдэд хэт мэдрэгшилтэй хүмүүс (“Найрлага” гэсэн хэсгийг үз), хүнд явцтай гиперкальциури (кальци шээстэй их ялгарах),  ба гиперкальциеми (цусан дахь кальцийн хэмжээ ихсэх), гиперкальциеми болон гиперкальциурид хүргэж болох байдал буюу эсвэл өвчин (жишээ нь саркоидоз,  миелома, ясанд үсэрхийлэх, анхдагч гиперпаратиреоз),  бөөр кальцижих, бөөр чулуужих, гипервитаминоз Д, хүнд явцтай бөөрний дутагдал (креатинины клиренс <30мл/мин), 6 хүртэл насны хүүхэд зэрэгт тус тус хэрэглэхийг цээрлэнэ.

Хуурай сэрүүн нөхцөлд хүүхэд хүрэхгүй газарт хадгална. 

Болгоомжлол:

Удаан хугацааны эмчилгээний үед шээс ба цусан дахь кальцийн агууламжийг хянах хэрэгтэй. Ялангуяа шээс хөөх эм ба зүрхний гликозидын эмчилгээ хамт (эмийн ба бусад хэлбэрийн харилцан үйлчлэл гэсэн хэсгийг үз) хийлгэж буй настай өвчтөн болон бөөрөнд чулуу үүсэхэд өртөмтгий өвчтөнг ажиглах нь чухал.

Бөөрний үйл ажиллагааны өөрчлөлтийн шинж буюу эсвэл цусан дахь кальцийн хэмжээ ихэссэн тохиолдолд бэлдмэлийн тунг багасгах буюу эсвэл эмчилгээг зогсооно.

Витамин Д-г бөөрний дутагдалтай өвчтөнд болгоомжтой хэрэглэнэ. Энэ тохиолдолд цусан дахь кальци болон фосфатын агууламжийг хянах шаардлагатай.

Түүнчлэн зөөлөн эдийн кальциноз үүсэх эрсдлийг анхаарах хэрэгтэй.

Хүнд хэлбэрийн бөөрний дутагдалтай өвчтөнд холекальциферол хэлбэрийн витамин Д-ын метаболизм нь хэвийн явагддаггүй. Иймээс витамин Д-ын өөр хэлбэрийг хэрэглэнэ.

Тун хэтрэлтээс зайлсхийх зорилгоор витамин Д болон кальцийг өөр бусад эх үүсвэрээс нэмж хэрэглэж байгаа эсэхийг анхаарах хэрэгтэй. Энэ тохиолдолд цус ба шээсэн дэх кальцийн хэмжээг тогтмол хянана.

Цусан дахь кальцийн хэмжээ ихсэх эрсдэлтэй тул ясны сийрэгжил бүхий хэвтрийн дэглэмд байгаа өвчтөнд кальци болон витамин Д3-ыг болгоомжтой хэрэглэнэ.

Витамин Д-ыг саркоидозтой өвчтөнд болгоомжтой хэрэглэнэ. Учир нь тэд витамин Д-ын метаболизмын эмгэгтэй байдаг ба гиперкальциеми, бөөрний чулуу,  бөөрний дутагдал үүсэж болно. Ийм өвчтөний цус ба шээсэн дэх кальцийн хэмжээг тогтмол хянах хэрэгтэй.

Ерөнхийдөө тетрациклины бүлгийн антибиотик болон хинолины бүлгийн бэлдмэлтэй хамт хэрэглэхийг зөвлөхгүй буюу эсвэл болгоомжлох шаардлагатай. (эмийн болон бусад хэлбэрийн харилцан үйлчлэл гэсэн хэсгийг үз).

Витамин Д3-ыг их тунгаар хэрэглэх нь зохимжгүй. Учир нь витамин нь энэ тохиолдолд витамин Д3-ын биологийн идэвхт нэгдлийн үүсэлтийг дарангуйлдаг. Энэ үед бие махбодод хувиралд (исэлдэлт) ороогүй витамин Д3-ын агууламжийн хувь ихэсдэг. Ингэснээр Д-ын гипервитаминоз үүсэх эрсдэл нэмэгдэнэ.

Бэлдмэлийг витамин Д болон кальцийн бусад эх үүсвэртэй хамт хэрэглэх нь гиперкальциеми, шүлтшил бүхий сүүн-шүлтжих хам шинж, бөөрний үйл ажиллагааны өөрчлөлт, зөөлөн эдийн кальцижилт зэрэгт хүргэж болно. Иймээс эдгээр тохиолдолд цус ба шээсэн дэх кальцийн түвшин болон бөөрний үйл ажиллагааг хянах хэрэгтэй.

Кальцемины 1 шахмалд 1ммоль (23мг)-с бага натри агуулагддаг. Өөрөөр хэлбэл бэлдмэл практикын хувьд натри бараг агуулдаггүй.