насанд хүрэгсэд ба 12оос дээш насны өсвөр насны хүүхдэд 1 шахмалаар хоногт 2 удаа хооллох үед хэрэглэнэ.  

Настангуудын хэрэглээ:

Тусгай зааварчилгаа байхгүй.

Бөөрний үйл ажиллагааны өөрчлөлттэй өвчтөн:

Хүнд явцтай бөөрний дутагдлын үед Кальцемин Адванс бэлдмэлийг хэрэглэж болохгүй.

Бөөрний үйл ажиллагааны хөнгөн болон дунд зэргийн өөрчлөлтийн үед  цус болон шээсэн дэх кальци, фосфорын концентрацийг хянаж болгоомжтой хэрэглэнэ.

Элэгний үйл ажиллагааны өөрчлөлттэй өвчтөн:

Тусгай зааварчилгаа байхгүй.

Эмчилгээний үргэлжлэх хугацаа:

Кальци болон витамин Д-ын дутагдлыг нөхөх зорилгоор хэрэглэх үед ээлж эмчилгээний үргэлжлэх хугацаа нь дунджаар 4-6 долоо хоногоос багагүй байна.

Ясны сийрэгжилтийн урьдчилан сэргийлэлтэнд хэрэглэх үед эмчилгээний үргэлжлэх хугацаа нь  дунджаар 2 сар байх ба ясны сийрэгжилтийн эмчилгээнд 3 сар хэрэглэнэ.

Жилийн хугацаанд үргэлжлэх давтан ээлж эмчилгээний тоог эмч тогтооно.

Кальци, витамин Д болон бичил элементүүдийн хэрэгцээг тохирсон хоолны дэглэмээр хангаж чадахгүй байгаа үед тэдгээрийн дутагдлыг нөхөх зорилгоор хэрэглэнэ. Ялангуяа удаан хугацааны дутагдал, тогтмол бус болон тэнцвэржүүлээгүй хооллолт,  хэрэгцээ ихсэх (ялангуяа амьдралын тодорхой үед)  үед хэрэглэнэ.

Хэрэгцээ ихэссэн амьдралын тодорхой үе:

Өсвөр нас

Цэвэршилтийн дараах үе

Жирэмсэн болон хөхүүл үе (эмнэл зүйн заалтаар буюу эсвэл эмчийн зөвлөмжөөр)

Настангууд

Түүнчлэн ясны сийрэгжилтийн өвөрмөц эмчилгээн дээр нэмж болон урьдчилан сэргийлэх зорилгоор хэрэглэнэ.

Цээрлэлт: 

Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүс, цусан дахь кальцийн хэмжээ ихсэх, кальци шээстэй их хэмжээтэй ялгарах (гиперкальциури), гипервитаминоз Д3, бөөр чулуужих, хүнд явцтай бөөрний дутагдал зэрэгт тус тус хэрэглэхийг цээрлэнэ.

Хуурай сэрүүн нөхцөлд хүүхэд хүрэхгүй газарт хадгална. 

Болгоомжлол:

Зөвлөсөн тунг хэтрүүлж болохгүй.

Витамин Д-ын өндөр тун бүхий  бусад эх үүсвэр буюу эсвэл кальци агуулсан эмийн бэлдмэл, хүнсний нэмэлт бүтээгдэхүүнтэй (сүү зэрэг)  хамт хэрэглэхдээ Кальцемин Адванс бэлдмэлийг эмнэлгийн нарийн хяналтанд хэрэглэнэ.

Энэ тохиолдолд цус болон шээсэн дэх кальцийн агууламжийг тогтмол хянах хэрэгтэй.

Кальци ба витамин Д-ын нийлмэл найрлагатай бэлдмэлийн удаан хугацааны эмчилгээний үед цус болон шээсэн дэх кальцийн агууламжийг хянах шаардлагатай бөгөөд цусан дахь креатинины агууламжийг хэмжих замаар ялангуяа настангууд, зүрхний гликозид, кальцийн сувгийг хориглогч, тиазидын бүлгийн шээс хөөх эм хавсарч хэрэглэж байгаа үед бөөрний үйл ажиллагааг хянана. Энэ нь мөн чулуу үүсэх өндөр магадлалтай өвчтөнд хамаарна. Цусан дахь кальцийн хэмжээ ихсэх, бөөрний үйл ажиллагаа өөрчлөгдөх шинж илэрвэл бэлдмэлийн тунг багасгах буюу эмчилгээг зогсооно.

Бөөрний үйл ажиллагааны хөнгөн болон дунд зэргийн өөрчлөлттэй өвчтөнд витамин Д-г болгоомжтой хэрэглэх бөгөөд цусан дахь кальци, фосфатын хэмжээг хянана. Зөөлөн эд кальцижих эрсдэлтэйг анхаарах хэрэгтэй.

Бөөрний хүнд явцтай дутагдалтай өвчтөнд витамин Д нь холекальциферол хэлбэрээр метаболизмд ордоггүй. Иймээс эдгээр өвчтөнд витамин Д-ын өөр хэлбэрийг хэрэглэхийг зөвлөнө.

Витамин Д идэвхтэй хэлбэрт шилжих метаболизм ихсэх эрсдэлтэй учир  бэлдмэлийг саркоидозтой өвчтөнд болгоомжтой хэрэглэнэ. Эдгээр өвчтөний цус болон шээсэн дэх кальцийн агууламжийг хянахыг зөвлөнө.

Бэлдмэлийг 12 хүртэл насны хүүхдэд хэрэглэхгүй.

Нийлмэл найрлагатай витамины бэлдмэлийг ясны сийрэгжилтэй удаан хугацаанд хэвтрийн дэглэмд байгаа өвчтөнд болгоомжтой хэрэглэнэ. Яагаад гэвэл цусан дахь кальцийн хэмжээ ихсэх эрсдэлтэй.

Бөөрний өвчин, бөөр чулуужих өвчин,  бамбайн ойролцоох булчирхайн өвчин, ясанд үсэрхийлсэн хавдрын үед бэлдмэлийг хэрэглэхдээ зайлшгүй эмчтэй зөвлөнө.