КлопиКейр нь тромбоцитын бөөгнөрөмтгий чанарыг багасгадаг бэлдмэл. Энэ нь тромбоцит (цусны эсийн нэг хэлбэр) хоорондоо наалдаж, аюултай цусны бүлэгнэл үүсэхээс сэргийлдэг. Түүнийг зүрхний шигдээс болон цус харвалт үүсэхээс сэргийлэх зорилгоор дээрх эмгэгийн өндөр эрсдэлтэй хүмүүст (зүрхний шигдээс ба титэм судасны цочмог хам шинжийн бусад хэлбэр болон захын артерийн судасны эмгэгийн өгүүлэмжтэй хүмүүсийг оруулаад) хэрэглэнэ.

• ST-сегмент нь өргөгдсөн зүрхний булчингийн шигдээсийн эмчилгээнд:

- Арьсаар нь дамжуулж хийдэг титэм судасны ажилбарын өмнө ачааллын тунгаар хэрэглэнэ, цаашдаа судасны стенд тавиулсан хүмүүсийн эмчилгээнд бүтэн жил хэрэглэнэ.

- Фибрин хайлуулах эмчилгээний өмнө ачааллын тунгаар хэрэглэх ба эмчилгээ дор хаяж 14 өдөр үргэлжилнэ.

• ST-сегмент нь өргөгдөөгүй зүрхний булчингийн шигдээс эсвэл зүрхний тогтворгүй бахын эмчилгээнд:

- Аспирины эмчилгээ тохиромжгүй байгаа болон арьсаар дамжуулан титэм судасны ажилбар хийлгэсэн хүмүүст ачааллын тун болон барих эмчилгээг оруулаад

- Инвазив бус эмчилгээний стратеги сонгосон дундаас өндөр эрсдэл бүхий хүмүүст барих эмчилгээг 12 сар хүртэл хугацаагаар хэрэглэнэ.

• Зүрхний тогтвортой цус хомсрох өвчтэй хүмүүст клопидогрелийн эмчилгээг зарим өндөр эрсдэлтэй өвчтөнд клопидогрел ба аспирины хавсарсан эмчилгээ хийдэгтэй адилаар аспирин хэрэглэх боломжгүй өвчтөний дан эмчилгээний “ухаалаг” сонголт гэж тодорхойлдог.

Ууж хэрэглэнэ.

Титэм судасны цочмог хам шинжтэй өвчтөнд зүрхний шигдээс эсвэл цус харвалтаас сэргийлэх зорилгоор:

Насанд хүрэгсэд

4 шахмалыг 1 удаагийн тун болгон хэрэглэнэ. Дараа нь барих тун 1 шахмалаар хоногт 1 удаа хэрэглэнэ. Эмчлэгч эмч уг бэлдмэлтэй хамт аспирин хэрэглэж болно.

Хүүхэд

Хэрэглээ болон тунг зайлшгүй эмчлэгч эмч тогтоох хэрэгтэй.

Зүрхний шигдээс, цус харвалт эсвэл захын артерийн судасны өвчний өгүүлэмжтэй хүмүүст зүрхний шигдээс эсвэл цус харвалт үүсэхээс сэргийлэх зорилгоор:

Насанд хүрэгсэд

1 шахмалаар хоногт 1 удаа.

Хүүхэд

Хэрэглээ болон тунг зайлшгүй эмчлэгч эмч тогтоох хэрэгтэй.

КлопиКейр бэлдмэлийн 1 шахмал 75мг клопидогрел агуулдаг.

Клопидогрелыг нарийн мэргэжлийн эмчийн зөвлөгөөгүйгээр 18 хүртлэх насны хүүхдэд хэрэглэхгүй.

КлопиКейр бэлдмэлийг дараах тохиолдолд хэрэглэхгүй.

• Та Клопидогрелд харшилтай бол

• Та идэвхтэй идэгдмэл шархлаатай бол. Саяхан тархины цус алдалт илэрсэн бол.

• Гемофили ба цус алдалтын бусад эмгэг.

• Клопидогрелд хэт мэдрэг хүмүүс

• Танд саяхан зүрхний цус хомсролын түр зуурын дайрлага (бичил цус харвалт) байсан бол

Бусад эмийн бэлдмэл хэрэглэх нь

Хэрэв та өөр ямар нэгэн эмийн бэлдмэл (жоргүй олгодог эмийн бэлдмэлийг оруулаад) хэрэглэж байгаа, саяхан хэрэглэсэн бол эмчлэгч эмч эсвэл эм зүйчид мэдэгдээрэй.

Зарим бэлдмэл ба КлопиКейр нь нэг нэгэнтэйгээ харилцан үйлчилдэг. Хамгийн түгээмэл нь:

• Аброцитиниб

• Дефибротид

• Репагинид, Клопидогрелтэй хамт хэрэглэж болохгүй. Эдгээр эмийг хамтад нь хэрэглэвэл Репагинидийн бие махбод дахь хэмжээ ихсэх ба цусан дахь сахарын түвшин багасахад хүргэдэг. Хэрэв та эдгээр эмийг хамтад нь хэрэглэж байгаа бол эмчлэгч эмч Репагинидын тунг болгоомжтой тохируулна.

Жирэмсэн ба хөхүүл үе

• КлопиКейр бэлдмэлийг жирэмсэн үед ерөнхийдөө хэрэглэхийг зөвлөдөггүй боловч шаардлагатай үед түүнийг хэрэглэж болно. Таны хүүхдэд хортой нөлөөгүй гэж үздэг боловч баталгаа хязгаарлагдмал байдаг. Клопидогрелийг хэрэглэх эрсдэл болон ашиг тусын талаар эмчлэгч эмчтэйгээ ярилцаарай. Зарим нөхцөл байдлын үед клопидогрелыг үргэлжлүүлэн хэрэглэх нь чухал байдаг.

• Хөхүүл үед уг бэлдмэлийг хэрэглэхэд нярай хүүхдэд эрсдэлтэй эсэхийг тогтоох зорилгоор эмэгтэйчүүдэд хийсэн судалгаа хангалтгүй байдаг. Хөхүүл үед уг бэлдмэлийг хэрэглэхээс өмнө ашиг тус болох эрсдэлийг нь харьцуулж үзэх хэрэгтэй.

Жолоо барих болон машин механизмтай ажиллах үед

КлопиКейр бэлдмэл нь жолоо барих эсвэл ямар нэгэн машин механизмтай ажиллах чадварт нөлөөлөх магадлал бага.