Ууж хэрэглэнэ. 1 уут бэлдмэлийг 1 стакан буцалсан халуун бүлээн усанд уусгаж халуун бүлээнээр нь хэрэглэнэ. 12-оос дээш насны хүүхэд болон насанд хүрэгсдэд 1 уутаар өдөрт 3 удаа, халууралт үргэлжилж байвал 3-5 хоногийн турш хэрэглэнэ.

Бэлдмэлийг хэрэглэснээр биеийн байдал илэрхий сайжрахгүй байвал эмчилгээг зогсоож эмчид хандах хэрэгтэй.

·         Бэлдмэлийн үйлчлэгч болон туслах бодисын аль нэгт мэдрэг байх

·         Жирэмсэн болон хөхүүл үе

·         Фенилкетонури (аспартам агуулдагтай холбоотой)

Римантадин болон парацетамолтой холбоотой эсрэг заалт

·         Бөөрний хурц болон архаг өвчин, элэгний цочмог өвчин, тиреотоксикоз

Цетиризин агуулсантай холбоотой эсрэг заалт

·         Бөөрний дутагдлын төгсгөлийн үе шат (креатинины клиренс <10)

Аскорбины хүчид агуулсантай холбоотой эсрэг заалт

·         Венийн судасны бүлэнт үрэвсэл, судасны бүлэнт бөөгнөрөл болох эрсдэлтэй, чихрийн шижин

Туслах бодистой холбоотой эсрэг заалт

·         Бэлдмэдийн бүрэлдэхүүнд сахар агуулагддаг тул төрөлхийн фруктозын шимэгдэх үйл ажиллагааны дутагдалтай болон глюкоз-галактозын шимэгдэлт буурсан үед хэрэглэхгүй.

·         Бэлдмэлд агуулагдах аспартам нь фенилаланины үүсвэр болдог тул фенилкетонури бүхий өвчтөнд эсрэг заалттай.

·         1 уут бэлдмэлд 9.1 гр сахар агуулагддаг тул чихрийн шижинтэй өвчтөнд болгоомжтой хэрэглэнэ.

250С-аас ихгүй температурт, гэрэл, чийгнээс хамгаалж хадгална. Хүүхэд хүрэхээс сэргийлнэ.

Хадгалах хугацаа 2 жил.

Заасан хугацаанаас хэтэрсэн тохиолдолд бэлдмэлийг хэрэглэхгүй.

Анхаарах зүйл, болгоомжлол:

 Эмийн бэлдмэлийг урьдчилан сэргийлэх зорилгоор хэрэглэхгүй. Өвчний эхний шинж тэмдэг илэрснээс хойш 24-48 цагийн дотор эмийг хэрэглэнэ. Эмчилгээний үргэлжлэх хугацаа 5 хоногоос дээшгүй. Удаан хугацаагаар хэрэглэх (7 хоногоос дээш) тохиолдол нь архаг хавсарсан өвчний үед байж болно. Артерийн даралт ихсэлт бүхий настай хүнд хэрэглэхэд тархины цус харвалт үүсгэх эрсдэлийг нэмэгдүүлнэ (эмийн найрлага дахь римантадинтай холбоотой).

 Томуугийн үед бэлдмэлийг хэрэглэхийн өмнө биеийн температур 38.50С-аас дээш бол эмчийн зөвлөгөөгөөр хэрэглэнэ. Биеийн байдал сайжрахгүй өвчний шинж тэмдэг нэмэгдэж илэрвэл эмчид хандана.

Парацетамолтой холбоотой болгоомжлол: Элэг бөөрний дутагдал,  хоргүй билирубин үүсэлт ихсэх хавдар (Жильберийн хам шинж), вирусын гепатит, глюкоз-6-фосфат-дегидрогеназ ферментийн дутагдал бүхий өвчтөнд, элэгний гэмтэлтэй, архаг архичин, настай хүмүүст болгоомжтой хэрэглэнэ. Элэг бөөрний үйл ажиллагаа дутагдсан, элэг бөөрний үйл ажиллагааны алдагдал бүхий өвчтөн, архийг хэтрүүлэн хэрэглэгч хүмүүст бэлдмэлийг хэрэглэхийн өмнө эмчийн зөвлөгөөг авна. Заасан тунгаас илүүг хэрэглэхгүй. Парацетамол агуулсан бусад эмийн бэлдмэлтэй хавсруулан хэрэглэхгүй. Парацетамолыг заасан тунгаас хэтрүүлэн хэрэглэвэл элгийг гэмтээж болзошгүй.

Римантадинтай холбоотой болгоомжлол: Артерийн даралт ихсэлттэй, унаж татдаг өвчинтэй (өмнө нь өвдөж байсан түүхтэй), тархины судасны хатуурал, элэгний дутагдал, ходоод гэдэсний замын өвчин бүхий хүмүүст мөн өндөр настай хүмүүст болгоомжтой хэрэглэнэ. Эмийн бэлдмэлд тэсвэртэй вирус илэрч болно, хавсарсан архаг өвчин сэдэрч болно. Артерийн даралт ихсэлттэй настай хүнд хэрэглэхэд цус харвалт үүсч болзошгүй. Өвчний түүхэнд унаж татдаг өвчнөөр өвдөж байсан бол уналт сэдэрч болзошгүй.   

Цетиризинтэй холбоотой болгоомжлол: Элэгний дутагдалтай, унаж татдаг өвчинтэй, булчингийн хэсэгчилсэн таталт бүхий өвчтөнд болгоомжтой хэрэглэнэ. Шээс барих эмгэгийн урьдчилсан нөхцөл болох (нуруу нугасны гэмтэлтэй, түрүү булчирхайн томролт) бүхий хүмүүст болгоомжтой хэрэглэнэ. Учир нь цетиризин шээсний замын эмгэг үүсэх эрсдэлийг нэмэгдүүлнэ.

Аскорбины хүчилтэй холбоотой болгоомжлол: Бөөрний замын чулуужих өвчин, шээсээр оксалат давс их хэмжээгээр ялгарах, бөөрний дутагдалтай, бие махбод эрхтэнд төмөр хуримтлагдах удамшлын өвчин, гемоглобины нийлэгжилт буурах удамшлын өвчин, цусны хоргүй хавдар, цусны цагаан эсийн өмөн, гемоглобин буурсанаас чөмгөнд төмөр хангалтгүй хүргэгдсэнээс үүдсэн (сидеробласт) хэлбэрийн цус багадалт, глюкоз-6-фосфат-дегидрогеназ ферментийн дутагдал бүхий өвчтөн, хадуур хэлбэрт эсийн цус багадалт, хоруу явцтай хорт хавдрын өвчнүүд, жирэмсэн үед болгоомжтой хэрэглэнэ.