Хэрэглэх арга, тун:

o   Элэгний архаг, цочмог өвчин, цөсний чулуу зэрэгт хоногт 10 мг/кг тунгаар удаан хугацаагаар тасралтгүй ууна. Элэгний архаг өвчнүүдийн үед эмчилгээг хэдэн сараас 2 жил хүртэл хугацаагаар үргэлжлүүнэ.

o   Цөс чулуужих өвчний үеийн эмчилгээ 6 сараас 2 жил хүртэл үргэлжлэх ба хэрэглэснээс хойш 12 сарын дотор цөсний чулуу багасаагүй бол цаашид хэрэглэх шаардлагагүй.

o   Бэлдмэлийн хоногийн тунг өдөр бүр унтахын өмнө залгиж ууна.

o   Рефлюкс-гастрит ба рефлюкс-эзофагитын үед 200-300 мг-аар унтахын өмнө ууна. Эмчилгээний үргэлжлэх хугацаа 10-14 хоног байна.

Хэрэглэх заалт:

o   Элэгний анхдагч цирроз, анхдагч хатууралт холангит, уйланхайт фиброз, элэгний дотоод цөсний замын битүүрэлт, судсаар хооллох үеийн холестоз, архины шалтгаант элэгний цочмог гепатит, жирэмслэлтээс хамгаалах дааврын бэлдмэл, хавдарын эсрэг бэлдмэлийг хэрэглэж байгаа үед элэг гэмтэхээс урьдчилан сэргийлэх, цөсний хүүдий чулуужих өвчин, рефлюкс-гастрит ба рефлюкс-эзофагит, цөсний замын дискинези, нярайн шарлалт зэрэгт хэрэглэнэ.

Хориглох заалт:

o   Бэлдмэлийн найрлага дахь бодисуудад хэт мэдрэг хүмүүст;

o   Цөсний болон цөсний замын цочмог үрэвсэлт өвчний үед;

o   Элэгний цирроз (судасны ба паренхимийн декомпенсацийн эсвэл илэрхий үйл ажиллагааны үе шатанд)д

o   Бөөрний хүнд хэлбэрийн дутагдлын үед;

o   Кроны өвчний үед хэрэглэхийг хориглоно.

 Бэлдмэлийг 25 градус-с дээшгүй хэмд, гэрлээс хамгаалж, хүүхэд хүрэхээргүй газарт хадгална.

Анхааруулга ба болгоомжлол:

Цөсний чулууг хайлуулах зорилгоор хэрэглэхдээ 6 сар тутам чулуу уусаж байгаа эсэхийг хянах шаардлагатай. Урсомоныг дараах нөхцөлд цөсний чулуу хайлуулах зорилгоор хэрэглэнэ.

Үүнд:

o   Чулуу нь цэвэр холестрины гаралтай байх;

o   Чулууны хэмжээ 15-20 мм-ээс томгүй;

o   Цөсний хүүдийн ажиллагаа хэвийн;

o   Цөсний хүүдийд байгаа чулуу нь хүүдийн дундуураас доош байх;

o   Цөсний суваг бөглөрөөгүй байх зэрэг болно.