Хэрэглэх арга, тун.

Насанд хүрэгсдэд хэрэглэнэ. Хоолны өмнө нэг удаа 200 мг тунгаар ууна.

Урьдчилан сэргийлэх зорилгоор: Томуутай өвчтөнүүдтэй шууд харьцах үед 200 мг тунгаар өдөрт нэг удаа 10-14 хоногийн турш хэрэглэнэ.

Томуугийн тархалтын үед: 3 долоо хоногийн турш долоо хоногт 2 удаа 200 мг тунгаар ууна.

Томуугийн эмчилгээнд: 200 мг тунгаар өдөрт 4 удаа (6 цаг тутамд) 5 хоногийн турш ууна. Өдөр тутмын хамгийн дээд тун нь 800 мг.

Хүүхэд.

Хүүхдэд хэрэглэхгүй.

Заалт. А ба В томуунаас урьдчилан сэргийлэх, эмчлэх үед хэрэглэх.

Эсрэг заалт. Бэлдмэлд хэт мэдрэг байх.

25 ° C-аас ихгүй хэмд анхны сав баглаа боодолтой хадгална.

Хүүхдүүдийн гар хүрэхгүй газар хадгална.

Хэрэглэх үед анхаарах зүйлс.

- өндөр настай өвчтөн ( өндөр настай өвчтөнүүдэд хэрэглэх үед аюулгүй байдал, үр нөлөөг хангалттай судлаагүй);

- элэг, бөөрний үйл ажиллагааны алдагдалтай өвчтөн (одоогоор ийм өвчтөнд фармакокинетик байдал, аюулгүй байдлыг судлаагүй ).

Энэхүү бэлдмэлийг удаан хугацаагаар хэрэглээд гарах нөлөөний талаар мэдээлэл одоогоор байхгүй. Эмийн бүтээгдэхүүнд агуулагдсан шар өнгийн будаг бүхий FCF (E 110) нь харшлын урвал үүсгэж болзошгүй.

Жирэмсэн эсвэл хөхүүл үед хэрэглэх.

Жирэмсэн үед тухайн эмийн бэлдмэлийг хэрэглэхийг хорино. Хөхүүл үед идэвхтэй бодис болон түүний метаболит нь хөхний сүүгээр дамждаг эсэх нь тодорхойгүй байна. Эмийг хэрэглэх зайлшгүй шаардлагатай үед хөхөөр хооллохоо зогсоох хэрэгтэй.

Тээврийн хэрэгсэл эсвэл бусад механизм жолоодох үед хариу үйлдэл үзүүлэх хурдад нөлөөлөх нь. Зөвлөмж болгож буй тунгаар уг эмийн бэлдмэл нь тээврийн хэрэгсэл жолоодох эсвэл бусад механизмыг ажиллуулах үед хариу урвалын хурдад нөлөөлөхгүй.