Хэрэглэх арга болон тун

·         Бэлдмэлийн тунг ямагт эмч тогтоох ёстой.

·         Бэлдмэлийн өлөн болон хоол идэсний дараагаар бага зэрэг шингэнээр даруулж ууна.

·         Насанд хүрэгсэд болон 20кг-аас дээш жинтэй хүүхдэд 250мг буюу 500мг-р өдөрт 3 удаа ууна. Түүнийг илүү өндөр тунгаар тун хоорондын зайг уртасган хэрэглэж болно. Хоногийн дээд тун 6гр байна.

·         20кг-аас доош жинтэй хүүхдэд амоксициллиныг биеийн нэг кг жинд нь ерөнхийдөө хоногт 20-40мг тунгаар тооцож, түүнийгээ 3 хувааж хэрэглэнэ. Хоногийн дээд тун хүүхдийн биеийн жинд 100 мг/кг байна.

·         Насанд хүрэгсдэд давсагны цочмог үрэвслийн үед 3гр тунгаар зөвхөн нэг удаа хэрэглэж болно.  12 цагийн дараа мөн 3гр тунгаар давтан хэрэглэж болно.

·         Насанд хүрсэн хүн заг хүйтнээр өвдсөн бол амоксициллиныг нэг удаагийн тунг 3гр, бэлгийн бойжилтын өмнөх насны хүүхдэд амоксициллинийг биеийн жинд 50 мг/кг тунгаар тооцоолон нэг удаа хэрэглээд, түүн дээр пробенецидыг биеийн жинд нь 25 мг/кг тунгаар тооцон нэмж хэрэглэнэ.  

·         Насанд хүрэгсэд болон 30к-аасг дээш жинтэй хүүхдэд эндокардитаас урьдчилан сэргийлэх зорилгоор 3гр тунгаар мэс ажилбараас 1 цагийн өмнө хэрэглэх бөгөөд мөн мэс ажилбарын дараа 1.5гр тунгаар 6 цагийн зайтай хэрэглэнэ. 15-30кг жинтэй хүүхдэд насанд хүрэгсдийн тунгийн хагасыг, 15кг-аас доош жинтэй хүүхдэд насанд хүрэгсдийн тунгийн ¼-г өгнө.

·         Лаймын бореллиозтой насанд хүрэгсэд болон 20кг-с дээш жинтэй хүүхдэд хоногийн 500-1000мг тунг 3 хувааж өгөх бөгөөд 20кг-аас доош жинтэй хүүхдэд биеийн жинд хоногт 30-50мг/кг тунгаар тооцож түүнийгээ 3 хувааж хэрэглэнэ.

·         H.Pylori-ийн эсрэг эмчилгээнд бусад эмүүдтэй хавсарч хэрэглэнэ. Насанд хүрэгсэд болон 20кг-аас дээш жинтэй хүүхдэд хоногийн 1000мг тунг 2 хувааж өгөх бөгөөд 20кг-аас доош жинтэй хүүхдэд биеийн жинд нь хоногийн 50мг/кг тунг 2 хувааж хэрэглэнэ.

·         Амоксициллиныг бөөрний үйл ажиллагааны дутагдалтай өвчтөнд хэрэглэж болно. Бөөрний үйл ажиллагааны хүнд хэлбэрийн дутагдалтай (креатинин клиренс ˂0,16 мл/сек (10 мл/мин)) өвчтөнд тун хоорондыг зайг 12-24 цаг хүртэл уртасгаж хэрэглэнэ.

·         Хэдийгээр хэдэн өдрийн дотор өвчтөний биеийн байдал сайжирлаа ч гэсэн бэлдмэлийг эмчийн заасан хугацааг дуустал үргэлжлүүлэн хэрэглэх ёстой. Эмчилгээг хэрэв хэт эрт дуусгавал өвчин дахих магадлалтай байдаг.

·         Хэрэв уух тунгаа мартан алгассан бол дараагийн тунг уух хугацаа болоогүй ч гэсэн санангуутаа л хэрэглэх бөгөөд харин дараагийн тунг уух хугацаа ойртсон байвал мартсан тунг уулгүйгээр бэлдмэлийг ердийн схемээрээ л хэрэглэнэ.        

·         Хүүхдэд зориулсан дусаалга болон суспенз бэлтгэх:

o   Хүүхдэд зориулсан суспенз болон дусаалгыг цэвэр ус буюу буцалгаж хөргөсөн усаар бэлтгэнэ.

·         Суспенз бэлтгэх:

o   Флаконыг зөөлөн сэрсрэн нутагийг жигд тарааж өгнө. Дараа нь флаконоо нээж флаконы ¼ хүртэл ус хийнэ. Флаконоо таглаж сайтар сэгсэрнэ. Флаконыг дахин нээж тэмдэглэгдсэн хэмжээс хүртэл  ус нэмнэ. Флаконыг дахин таглаж сайтар сэгсэрнэ.

·         Хүүхдийн дусаалга бэлтгэх:

o   Флаконыг зөөлөн сэрсрэн нутагийг жигд тарааж өгнө. Дараа нь флаконоо нээж 6мл усыг хоёр тунд хувааж аажим флаконд хийнэ. Тун тус бүрийг нэмсэний дараа флаконоо таглаж сайтар сэгсэрнэ.

Хэрэглэх заалт

Хиконцил бэлдмэлийг дунд чих, хамар, хоолой, амьсгалын доод замын үрэвсэл, шээс ялгаруулах замын, бэлгийн замын, ходоод гэдэсний замын, арьс болон зөөлөн эд, заг хүйтэн, Лаймын бореллиоз өвчний үед хэрэглэнэ. Хиконцилыг аминопенициллин тарьж хэрэглэх эмчилгээний үргэлжлэл байдлаар хэрэглэнэ. Бэлдмэлийг нүүр амны эмчилгээний үед болон  амьсгалын дээд замын мэс заслын эмчилгээний үед үжилт эндокардитаас урьдчмлан сэргийлэх зорилгоор хэрэглэнэ. Хиконцилыг ходоодны шархлаа болон дээд гэдэсний шархлаа өвчний үед H.Pylori-г устгах зорилгоор (ямагт бусад бэлдмэлтэй хослуулж) хэрэглэнэ.

Хориглох заалт

o   Бэлдмэлийг амоксициллинд, пенициллиний бүлгийн бусад антибиотикт болон бэлдмэлийн найрлагад буй аль нэгэн туслах бодист хэт мэдрэгшсэн, мөн түүнчлэн халдварын гаралтай мононуклеоз буюу тунгалагийн булчирхайн хорт эмгэгтэй өвчтөнд тус тус хэрэглэхгүй.

o   Бэлдмэлийг савлалтанд заасан хугацаанд хэрэглэнэ.

o   Хүүхэд хүрэхээргүй газарт, гэрлээс хамгаалагдсан нөхцөлд,  250С-ээс доош хэмд хадгална.

o   Хүүхдэд зориулан бэлтгэсэн дусаалга болон суспензийг  250С-ээс доош хэмд 7 хоног буюу хөргөгчинд 14 хоног хадгална.

Болгоомжлох арга хэмжээ

o   Амоксициллиныг халдварын гаралтай мононуклеоз болон тунгалагийн булчирхайн хорт эмгэгтэй өвчтөнд хэрэглэхэд ямагт арьсны тууралт үүсгэдэг.

o   Пенициллин, бетта-лактамын цагираг агуулсан бусад бэлдмэлүүд болон цефалоспоринд зөрмөл харшил үүсгэх магадлалтай хэдий ч түүний тохиолдол ховор тэмдэглэгджээ.

o   Хэрэв эдгээр бэлдмэлүүдийн аль нэгэнд харшилын урвал илэрвэл өвчтөн эмчдээ мэдэгдэх хэрэгтэй.

o   Бөөрний үйл ажиллагааны хүнд хэлбэрийн дутагдалтай өвчтөнд хэрэглэхдээ бэлдмэлийн тун хоорондын зайг уртасгаж хэрэглэнэ.

Жирэмсэн ба хөхүүл үед

o   Хиконцил жирэмсэн үед хортойгоор нөлөөлдөг эсэх нь тодорхойгүй. Жирэмсэн ба хөхүүл эхчүүдэд хиконцилыг зөвхөн зайлшгүй хэрэглэх заалттай үед эмчийн хяналтын дор л хэрэглэж болох юм.