Хэрэглэх арга, тун:

Лоратин 5 мг шахмал: 2-оос 12 хүртэл насны хүүхэд хоногт 5 мг-аар 1 удаа хоолны өмнө (өглөө) эсвэл 2,5 мг-аар хувааж (өглөө, орой) хоолны өмнө ууж хэрэглэнэ. Хэрэв хүүхдийн жин 30 кг-аас их бол 10 мг-аар хоногт 1 удаа ууна.

Лоратин 10 мг шахмал: 12-аас дээш насны хүүхэд болон насанд хүрэгсэд хоногт 1 удаа (өглөө) хоолны өмнө ууж хэрэглэнэ.

Хэрэглэх заалт:

Жилийн турш ба улирлаар үүсдэг найтаах, нулмас гоожих, харшлын ринит, коньюктивит, чонын хөрвөс, харшлын гаралтай загатнаат дерматоз, архаг намарс зэрэгт тус тус хэрэглэнэ.

Хориглох заалт:

Жирэмсэн ба хөхүүл эхчүүд, 2 хүртлэх насны хүүхэд, уг бэлдмэлд хэт мэдрэг хүмүүс хэрэглэхгүй.

25С-ээс дээшгүй температурт гэрлээс хамгаалж, хүүхэд хүрэхээргүй газар  хадгална.

Хэрэглэхээс өмнө эмийн талаар эмчийн зөвлөгөөг авна уу. Машин жолоодож яваа болон анхаарал ихээр шаардсан ажил эрхэлдэг хүмүүст тунг хэтрүүлж болохгүй.

Гаж нөлөө:

Насанд хүрэгсэд ам хатах, дотор муухайрах, бөөлжих, ходоод үрэвсэх, ядрах, толгой өвдөх, нойрмоглох, харшлын тууралт гарах зэрэг шинж тэмдэг илэрнэ. Мөн анафилаксын урвал, үс унах, элэгний үйл ажиллагаа өөрчлөгдөх, зүрхний цохилтын тоо олшрох зэрэг шинж ажиглагдаж болзошгүй.