Хэрэглэх тун: 

5-аас доош насны хүүхдэд өдөрт дунджаар 50 мг/кг биеийн жинд тооцон өгөх бөгөөд өвчний хүнд хөнгөнөөс шалтгаалан тунг өдөрт 100мг/кг хүртэл нэмэгдүүлж болно.

5 болон түүнээс дээш насны хүүхэд болон насанд хүрэгчид:

Өдөрт дунджаар 50 мг/кг –аар биеийн жинд тооцох ба 60 мг/кг хүртэл ихэсгэж болно.

Дээрх тунг өдөрт 4-6 хувааж өгөх бөгөөд хэрэв шаардлагатай бол халдварын хүндэрсэн үед эмчийн зааврын дагуу антибиотик эмчилгээ, хими эмчилгээтэй хавсран хэрэглэж  болно.

Дараах байдлаар эмчилгээний үргэлжлэх хугацааг тогтооно.

Үүнд:

1. Богино хугацааны цочмог вируст халдварын эмчилгээ: Өвчний шинж тэмдэг намжсаны дараагаар эмчилгээг 1-2 хоног эмчийн зөвлөсний дагуу үргэлжлүүлнэ. Ингэх нь өвчин дахин сэдрэхээс хамгаална.

2. Урт  хугацааны  цочмог вируст халдварын эмчилгээ: Өвчтөний шинж тэмдэг намжсаны дараагаар эмчилгээг 1-2 долоо хоног эмчийн зөвлөсний дагуу үргэлжлүүлнэ. Ингэх нь өвчин дахин сэдрэхээс хамгаална.

Хэрэглэх заалт:

• Вирусын шалтгаант амьсгалын замын эмгэгүүд

• Экзентема өвчин

• Элэгний эмгэгүүд

• Вирусын шалтгаант мэдрэлийн системийн зарим өвчин

• Гуурсан хоолойн үрэвсэл

• Насанд хүрэгчдийн болон хүүхдийн ханиад,томуу

• Ринофарингит 

• Салхин  цэцэг

• Улаан бурхан 

• Энгийн герпес болон бүслүүр үлд

• Гахайн хавдар

Хориглох заалт:

• Сийвэн дэхь шээсний хүчлийн түвшинг өсгөж болох учраас тулай өвчтэй өвчтөнд Ланавир® болгоомжтой хэрэглэнэ.

• Зүрх судасны дигиталис /хуруувчин цэцэг/-ийн эмчилгээ хийлгэж байгаа өвчтөнд болгоомжтой хэрэглэнэ.

• Ланавир® -ыг нянгийн эсрэг нөлөө байхгүй тул  нянгийн халдварын үед хэрэглэхгүй.

• Ланавир® -ыг жирэмсний эхний дөрвөн сард хэрэглэхгүй.

• Хөхний сүүгээр Ланавир® ялгардаг эсэх нь тодорхойгүй байна.

• Эмчилгээний тун болон хордох тунгийн хоорондох харьцаа   1:100 тул хорт нөлөө үзүүлдэггүй. Метизопринол нь бодисын солилцооны дүнд шээсээр хурдан гадагшилдаг тул биед хуримтлагддаггүй байна.

Хадгалалт:

Ланавир 500мг шахмал: 25°С-аас доош хэмд хуурай болон гэрлээс хамгаалж хадгална.

Ланавир  250 мг/мл сироп: 30°С-аас доош хэмд гэрлээс хамгаалж хадгална.

Анхааруулга ба болгоомжлол:

Ланавир шахмал эмийн сав баглааг нээсний дараа чийгтэнэ.