Ууж хэрэглэх амьд вакцин, энэ эмийн хооронд 4 долоо хоногийн завсарлагатай байхыг зөвлөнө.

Насанд хүрэгчид, 12с дээш насныханд

Амьсгалын замын халдвараас урьдчилан сэргийлэхийн тулд Бронхо-мунала 1 капсулыг 3 сар дараалан 10 өдрийн курсээр ууна. Боломжтой бол хэрэглээг сар бүрийн нэг өдөр эхлүүлж, курс хооронд 20 хоногийн зайтай байна

6-12 насны хүүхдэд

Амьсгалын замын халдварт өвчнөөс урьдчилан сэргийлэхийн тулд Бронхо-мунал П өдөрт 1 капсулыг 10 хоногийн курсээр 3 сар дараалан ууна. Боломжтой бол хэрэглээг сар бүрийн нэг өдөр эхлүүлж, курс хооронд 20 хоногийн зайтай байна.

Капсулыг залгих боломжгүй бага насны хүүхдүүдэд (жишээлбэл, 5-аас доош насны хүүхдүүд) капсулыг онгойлгож, бага хэмжээний шингэнд (цай, сүү, жүүс) хольж болно. Уусмалыг бэлтгэсний дараа хэдхэн минутын дотор бүрэн уух ба уухын өмнө байнга хутгана.

Хэрэв та бэлдмэлийн хэрэглээг мартсан бол

Хэрэв та санамсаргүйгээр тунг алдвал маргааш өглөө нь эм ууна.

Алдсан тунг нөхөхийн тулд давхарлан ууж болохгүй.

Хэрэв та зөвлөсөн тунг хэтрүүлэн хэрэглэсэн бол

Эмч эсвэл эм зүйчтэйгээ даруй зөвлөлд.

Тунг хэтрүүлснээр үүсэх үр дагавар нь магадлал багатай.

Насанд хүрэгчид, 6 сар ба түүнээс дээш насны хүүхдүүдэд амьсгалын замын халдварын дахилтаас урьдчилан сэргийлэх.

Хүчинтэй хугацаа 5 жил. Савлагаан дээр заагдсан хугацаа дууссан бэлдмэлийг хэрэглэхгүй.

Хүүхдийн гар хүрэхгүй газарт хадгална.

Чийгнээс хамгаалах 25°С ихгүй хэмд хадгална.

Эмийг ус зайлуулах суваг руу бүү хая.

Хэрэглээгүй үлдсэн эмийг хэрхэн устгах талаар эм зүйчээсээ асуугаарай. Эдгээр арга хэмжээ нь байгаль орчныг хамгаалахад тусална.

Энэ эм нь бүх эмийн нэгэн адил гаж нөлөө үүсгэх боловч хүн бүрд илрэхгүй байж болно.

Илрэлийн давтамжаас хамааран гаж нөлөөг дараах байдлаар ангилна:

Маш түгээмэл (≥ 1/10), түгээмэл (≥ 1/100, <1/10), цөөн (≥ 1/1000, < 1/100), ховор (≥ 1/10 000, < 1/1000), маш ховор (<1/10 000),  давтамж тодорхойгүй (мэдээлэлд үндэслэн тодорхойлох боломжгүй).

Ходоод гэдэсний замд илрэх өөрчлөлт

Түгээмэл: суулгах, ходоод өвдөх

Давтамж тодорхойгүй: бөөлжих, дотор муухайрах

Амьсгалын систем, цээжний хөндий, голтын эрхтэнд гарах өөрчлөлт

Түгээмэл: ханиах

Арьс, арьсан доорх эдэд гарах өөрчлөлт

Түгээмэл: тууралт

Давтамж тодорхойгүй: чонон хөрвөс.

Дархлалын системд гарах өөрчлөлт

Цөөн:  хэт мэдрэгийн урвал (улайлтат тууралт, бүх биеийн тууралт, улайлт, хавагнах, нүдний зовхи, нүүр хавагнах, захын хаван, загатнаа, бүх бие загатнах, амьсгаадах).

Давтамж тодорхойгүй: ангионевротик хаван.

Ерөнхий, хэсэг газарт гарах өөрчлөлт

Давтамж тодорхойгүй: халуурах, ядрах.

Мэдрэлийн системд гарах өөрчлөлт

Давтамж тодорхойгүй: толгой өвдөх.

Амьсгалын систем эсвэл ходоод гэдэсний замд байнга гаж нөлөө үүсвэл эмийн хэрэглээг цуцлахыг зөвлөнө.

Гаж нөлөөг мэдээлэх

Хэрэв танд ямар нэгэн гаж нөлөө илэрвэл эмч, эм зүйч, сувилагчид мэдэгдэнэ үү.

Энэхүү зааварт тусгаагүй гаж нөлөө байж болно.

Мөн та сэжигтэй гаж нөлөөний талаар үндэсний сөрөг урвалын мэдээний системээр дамжуулан шууд мэдээлж болно.