КЕТОТИФЕН БЭЛДМЭЛИЙГ ЯАЖ ХЭРЭГЛЭХ ВЭ ?

Кетотифен бэлдмэлийг эмчлэгч эмчийн зааврын дагуу хэрэглэнэ. Хэрэв танд ямар нэгэн эргэлзээтэй асуулт гарвал эмчлэгч эмч болон эм зүйчдээ хандаж зөвлөгөө аваарай.Шахмалыг хоол идэж байх үед усаар даруулж ууж хэрэглэнэ.

Тунг хэрэглэх хэмжээ 

Насанд хүрэгсэд :  1 шахмалаар хоногт 2 удаа, өглөө болон орой ууж хэрэглэнэ.

Хэрэв танд тайвшруулах нөлөө хүчтэй нөлөөлж байгаа бол эмчлэгч эмчтэйгээ зөвлөлдөж тунг багасгаж болно. Шаардлагатай үед хоногийн тунг 4 мг-аар буюу    2 ширхэгээр хоногт 2 удаа ууж хэрэглэнэ.

3-аас дээш насны хүүхэд : 1 шахмалаар хоногт 2 удаа өглөө болон орой ууж хэрэглэнэ.

Эмчилгээг 2-3 сараас багагүй  хугацаанд үргэлжлүүлнэ.

Эмчилгээг гэнэт зогсоож болохгүй бөгөөд аажмаар буюу 2-4 долоо хоногийн турш ууж хэрэглэнэ.

КЕТОТИФЕН-ИЙГ ЮУНД ХЭРЭГЛЭХ ВЭ?

Кетотифен нь гистамины эсрэг (харшлын эсрэг) үйлчилгээтэй эмийн бүлэгт хамаарагдана. Энэхүү бэлдмэл нь харшлын үед бие махбодид үүсдэг гистамин болон бусад бодисын ялгаралтыг багасгадаг. Бронхитын багтраа хөдлөлийн үед дангаар нь хэрэглэхэд нөлөөлөхгүй.Удаан хугацааны эмчилгээний явцад бронхын багтрааны хөдлөлтийг багасгахаас гадна үргэлжлэх хүчийг богиносон, зарим тохиолдолд уг шинж тэмдгийг бүрэн арилгах нөлөөг үзүүлнэ.

Харшлын гаралтай хөнгөн хэлбэрийн бронхын багтрааг удаан хугацаагаар эмчлэх, харшлын шинж тэмдгийн эсрэг эмчилгээ, түүнчлэн харшлын гаралтай ринит (хамрын салст бүрхүүлийн үрэвсэл), коньюктивит ( нүдний холбогч бүрхүүлийн үрэвсэл)-н үед нэмэгдэл эмчилгээ болгож хавсруулан хэрэглэдэг.

Бронхын багтраа өвчний хөдлөлтийн үед Кетотифен нөлөөлөхгүй.

Кетотифен бэлдмэлийг дараах тохиолдолд хэрэглэхийг цээрлэнэ.

-        Уг бэлдмэлийн үйлчлэгч болон туслах бодист хэт мэдрэг эсвэл харшилтай бол

-        Жирэмсний эхний гурван сар ба хөхүүл үед хэрэглэхгүй.

Кетотифен бэлдмэлийг дараах тохиолдолд онцгой богоомжтой хэрэглэнэ.

-        Цочмог  бронхын багтрааны хөдлөлийг эмчлэх зорилгоор

-        Хэрэв та  кортикостериодын эмчилгээтэй бол уг бэлдмэлийг хэрэглэж эхлэхдээ кортикостероидыг гэнэт зогсоож болохгүй эмчлэгч эмчээсээ зөвлөгөө авсны үндсэн дээр тунг аажмаар багасгаж зогсооно.

-        Хэрэв Кетотифен бэлдмэлийн эмчилгээний явцад халдвар авсан тохиолдолд халдварын эсрэг өвөрмөц үйлчилгээ хийх хэрэгтэй.

-         Кетотифен бэлдмэлийг таталт өгдөг өвчтөн маш анхааралтай хэрэглэх хэрэгтэй.

Үйлдвэрийн савлагаанд нь 250С дээшгүй хэмд хадгална.

Хүүхэд үзэхээргүй болон хүрэхээргүй газар хадгална.

Савлалтан дээрх хүчинтэй хугацаа дууссанаас хойш бэлдмэлийг хэрэглэхгүй. Хүчинтэй хугацаа нь тусгайлан заасан сарын сүүлийн өдөртэй тохирно.

Бэлдмэлийг бохир усны систем болон гэр ахуйн хог хаягдалтай хаяж болохгүй.

Хэрэгцээгүй болсон бэлдмэлийг хэрхэн цэгцлэж хаях талаар эмч болон эм зүйчээсээ асуугаарай. Энэ арга хэмжээ нь хүрээлэн буй орчноо бохирдохоос сэргийлэхэд тусална.

Кетотифен бэлдмэлийг дараах тохиолдолд онцгой богоомжтой хэрэглэнэ.

-        Цочмог  бронхын багтрааны хөдлөлийг эмчлэх зорилгоор

-        Хэрэв та  кортикостериодын эмчилгээтэй бол уг бэлдмэлийг хэрэглэж эхлэхдээ кортикостероидыг гэнэт зогсоож болохгүй эмчлэгч эмчээсээ зөвлөгөө авсны үндсэн дээр тунг аажмаар багасгаж зогсооно.

-        Хэрэв Кетотифен бэлдмэлийн эмчилгээний явцад халдвар авсан тохиолдолд халдварын эсрэг өвөрмөц үйлчилгээ хийх хэрэгтэй.

-         Кетотифен бэлдмэлийг таталт өгдөг өвчтөн маш анхааралтай хэрэглэх хэрэгтэй.

Бусад эмийн харилцан нөлөөлөл

Хэрэв та ямар нэгэн өөр эмийн бэлдмэл болон жоргүй олгодог бэлдмэл хэрэглэж байгаа мөн хэрэглээд удаагүй байгаа бол эмчлэгч эмч болон эм зүйчдээ мэдэгдэх шаардлагатай.

-        Кетотифен бэлдмэлийг чихрийн шижин өвчний үед ууж хэрэглэдэг бэлдмэлтэй хамт хэрэглэхэд тромбоцитын тоо хэмжээг цөөрүүлдэг ( цусны эсийн тодорхой нэгэн хэлбэр).

-        Кетотифен бэлдмэл нь ерөнхий тайвшруулах, нойрсуулах болон бусад харшлын эсрэг бэлдмэлүүдийн үйлдлийг идэвхжүүлэх нөлөө үзүүлдэг учраас хамт хэрэглэхээс татгалзах хэрэгтэй.

Кетотифен бэлдмэлийг хоол хүнс болон ундаа зэрэгтэй  хамт хэрэглэх

Кетотифен бэлдмэлийг хэрэглэх эмчилгээний үед архи болон согтууруулах ундааны төрлийн зүйлтэй хэрэглэж болохгүй. Учир нь тархи мэдрэлийн системд хүчтэй дарангуйлах нөлөөг нь ихэсгэнэ.

Жирэмсэн ба хөхүүл үеийн хэрэглээ

Ямар нэгэн эмийн бэлдмэл хэрэглэхээс өмнө эмчлэгч эмч болон эм зүйчдээ мэдэгдэнэ үү.

Жирэмсний эхний гурван сард  Кетотифен бэлдмэлийг хэрэглэхээс зайлсхийнэ. Жирэмсний бусад саруудад эмчилгээг зөвхөн эмчлэгч эмчийн хяналтан дор хэрэглэнэ.

Хөхүүл үед хэрэглэх зайлшгүй шаардлага гарвал хөхөөр хооллолтыг зогсооно.Учир нь уг бэлдмэл хөхний сүүгээр ялгардаг  тул хүүхдэд нөлөөлж болно.