-Насанд хүрэгчдэд системийн кандидозын өвчтөнд эхний өдөр 400 мг тунгаар дараагийн өдрүүдэд 200мг-аар хоногт 1 удаа хэрэглэх ба ээлж эмчилгээ 4 долоо хоногоос багагүй хугацаагаар буюу өвчний шинж тэмдэг арилснаас хойш 2 долоо хоногоос дээш хугацаагаар үргэлжилнэ.

-Үтрээний кандидозын үед 150мг-аар хоногт 1 удаа ууж хэрэглэнэ.

-Ам залгиур ба улаан хоолойн  кандидозын үед эхний өдөр 200мг-аар 1 удаа уух ба дараа нь хоногт 100мг тунгаар хэрэглэнэ. Эмнэл зүйн эдгэрэлт хэд хоногоос ажиглагдах боловч дахин сэдрэхээс урьдчилан сэргийлж эмчилгээг 2 долоо хоногоос доошгүй хугацаагаар үргэлжлүүлнэ. Эмч тунг 400мг хүртэл нэмэгдүүлж болно.

-Криптококкын менингитийн үед эхлээд хоногт 400мг, дараа нь 200мг-аар тус тус хэрэглэнэ. Тухайн үеийн байдлаас хамаарч хоногт 400мг-аар хэрэглэх ба ээлж эмчилгээ нугасны шингэний өсгөврийн үр дүн сөрөг гарснаас хойш 10-121 долоо хоног үргэлжилнэ.  ДОХ-той өвчөнд криптококкын менингит дахихаас урьдчилан сэргийлэх зорилгоор хоногт 200мг-ын барих тун хэрэглэнэ.

-Дерматомикоз(хөлийн улны эпидермофити, их биеийн микоз, цавины дерматомикоз) болон Candida albicans- аар үүсгэгдсэн арьсны халдварын үед долоо хоногт 1 удаа 150мг-аар эсвэл хоногт 50мг-аар нэг удаа хэрэглэнэ. Олон өнгөт үлдийн үед хоногт 50мг-аар нээг удаа хэрэглэнэ. Ээлж эмчилгээ 2-4 долоо хоног үргэлжилнэ.

-Гар болон хөлийн онихомикозын үед 7 хоногт 150мг-аар нэг удаа 3-6 сар хэрэглэнэ.

-Нэгээс дээш насны хүүхдэд: Системийн кандидоз ялангуяа криптококкийн халдварын үед 3-6мг/кг тунгаар, амь насанд аюултай халдварын үед өндөр тунгаар буюу 12мг/кг тунгаар хэрэглэнэ. Хоногийн дээд тун 400мг.

-Арьсны кандидозын үед 1-2мг/кг тунгаар хэрэглэнэ.

-Бөөрний архаг дутагдалтай хүүхдэд эмийн тунг креатинины клиренсээс хамаарч тогтооно. 18-аас доош насны хүүхдийн үтрээний кандидозын үед эмчилгээний үр нөлөө болон эрсдлийн талаар тогтоогдоогүй.

-Бөөрний архаг дутагдалтай өвчтөнд бөөрний үйл ажиллагаа өөрчлөлттэй үед эхлээд 50-400мг тунгаар хэрэглэнэ. Бэлдмэлийг цохилтын тунгаар хэрэглэсний дараа бөөрний үйл ажиллагааны үзүүлэлтүүдээс хамаарч эмчлэгч эмч хоногийн тунг тогтооно.

 Балнад, хүнд явцтай системийн кандидоз, үтрээний кандидоз, ам залгиур ба улаан хоолойн кандидоз, криптококкийн менингит, дерматомикоз ялангуяа хөлийн улны эпидермопити, их биеийн мөөгөнцөр, цавины дерматикоз, олон өнгөт үлд, онихомикоз, Candida albicals-р үүсгэгдсэн арьсны халдвар зэрэгт хэрэглэнэ

Чөмөг шилжүүлэн суулгахын өмнө болон цитостатик, туяа эмчилгээний үед кандидоз үүсэхээс урьдчилан сэргийлэх зорилгоор мөн хэрэглэнэ.

 Нейтропени үүсэж байгаа болон нейтропени үүсэх эрсдэл бүхий дархлалын дутмагшилтай өвчтөнд кандидоз үүсэхээс урьдчилан сэргийлэх зорилгоор хэрэглэнэ.

250С-аас дээшгүй хэмд гэрлээс хамгаалж, хүүхэд хүрэхээргүй газар  хадгална.

Эмчилгээний явцад арьсан дээр тууралт гарах улмаар тууралтын хэмжээ ихэсвэл эмчилгээг зогсооно. Хэдийгээр бэлдмэл элэг хордуулах нь ховор боловч эмчилгээний явцад элэгний үйл ажиллагааны үзүүлэлтүүдэд өөрчлөлт илэрвэл эмчилгээг зогсооно. Тун хэтэрсэн үед ходоод угаах ба шинж тэмдгийн эмчилгээ хийнэ.

Гемодиализын 3 цагийн эмчилгээний туршид цусны плазм дах бэлдмэлийн хэмжээ ойролцоогоор 50% буурна.

Жирэмсэн ба хөхүүл эмэгтэйчүүдэд хэрэглэхгүй.Бэлдмэл хөхний сүүнд цусны плазмын концентрацитай адил тунгаар нэвтэрдэг тул хөхүүл үед хэрэглэхгүй.