Хэрэглэх арга  ба тун:

Нянгийн халдвараар үүсгэгдсэн нүдний салстын үрэвслийн  (коньюктивит) эмчилгээнд дараах тунгаар хэрэглэнэ.

Эхний 1 - 2 өдөрт: Сэрүүн байх үедээ халдвартай нүдэнд 1 дуслаар 2 цаг тутамд буюу өдөрт 8 хүртэл удаа дусааж хэрэглэнэ.

Дараагийн (3- 7 дахь) өдрүүдэд: Сэрүүн байх үедээ 1 дуслаар өдөрт 4 удаа дусааж хэрэглэнэ.

Эмчилгээнд хэрэглэх заалт:

Коралын гатифлоксацин  нүдний дусаалгыг, энэ антибиотикт мэдрэг (дор дурьдсан) нянгуудаар үүсгэгдсэн халдварын гаралтай коньюктивитын эмчилгээнд хэрэглэдэг. Үүнд:

Грам эерэг агаартан нян: Corynebacterium propinquum, Staphylococcus aureus, Staphylococcus epidermidis, Streptococcus mitis, Streptococcus pneumoniaе.

Грам сөрөг, агаартан  нян: Haemophilus influenzae

Нарны шууд тусгалаас хамгаалагдсан, чийг багатай газарт,  300-с дээшгүй хэм хадгална. Хөлдөөж болохгүй. Хүүхэд  хүрэхгүй газар байрлуул.

Анхааруулга : Coralis Gatifloxacin уусмалыг зөвхөн нүдэнд  дусааж хэрэглэх бөгөөд  нүдний салстад болон нүдний өмнөд камер руу тарьж огт болохгүй.

Хинолины бүлгийн эм болох гатифлоксациныг ууж хэрэглэсэн өвчтөнд (зарим тохиолдолд эхний тунгийн дараа) хүнд хэлбэрийн, аминд аюултай харшлын урвал болох анафилаксийн шок илэрч байсан тухай мэдээлэгдэж байсан. Зарим тохиолдолд  зүрх судасны үйл ажиллагааны цочмог дутагдал (коллапс), ухаан алдах, судас мэдрэлийн хаван үүсэх (хоолой, залгиур эсвэл нүүр хавагнах), амьсгал боогдох, амьсгаадах, арьсаар загатнах болон тууралт гарах шинж тэмдэг илэрч болзошгүй. Хэрэв дээр дурьдагдаж буй, харшлын урвалуудаас  илэрвэл, энэ эмийн эмчилгээг нэн даруй зогсооно. Хүнд цочмог явцтай харшлын урвал илэрвэл, эмнэлгийн яаралтай тусламж авах хэрэгтэй. Шаардлагатай тохиолдолд эмчийн байнгын хяналт,  хүчилтөрөгч болон зохиомол амьсгалаар хангана.