Хэрэглэх арга ба тун

Энэ бэлдмэлийг судсаар тарих зориулалттай, хэсэг газрын цочролын урвал илэрч болзошгүй тул түүнийг булчинд тарихгүй.  Эмч өөрөөр зөвлөөгүй бол эмийг судсаар 1-2 ампулыг (5-10 мл) удаан  тарих  эсвэл хүнд тохиолдолд өдөрт 2-4 ампулыг (10-20 мл) тарина. Хоёр ампулын агууламжийг нэг дор  тарьж болно. Нэг тариураар бусад эмтэй хольж болохгүй. Уусмалыг өвчтөний цусаар 1: 1 харьцаагаар шингэлэхийг зөвлөж байна.

Хэрэв эмийг шингэлэх шаардлагатай бол зөвхөн  5% эсвэл 10%-ийн декстрозын уусмалд шингэлэн дуслаар тарих  бөгөөд шингэрүүлсэн эмийн уусмал нь дусал тариаг хийх хугацааны туршид тунгалаг байх ёстой. Бэлдмэлийг электролитийн уусмалаар (изотоник уусмал, Рингерийн уусмал) шингэлж болохгүй!

Эмийн бэлдмэлийг судсаар тарих хэлбэрийг аль болох хурдан ууж хэрэглэх хэлбэрээр сольж үргэлжлүүлэхийг зөвлөдөг.

Хэрэглэх заалт

Төрөл бүрийн шалтгаантай элэгний өөхлөлт (чихрийн шижингийн үед ч) элэгний хурц болон архаг үрэвсэл (гепатит), элэгний хатуурал, элэгний эсийн үхжил, элэгний ком болон комын өмнөх байдал, элэгний хордлого, жирэмсний хордлого, хагалгааны өмнө болон дараах эмчилгээ, ялангуяа элэгний гепатобилиар бүсэд мэс засал хийлгэх, псориаз, туяаны хам шинжийн үед тус тус хэрэглэнэ.

Хориглох заалтууд

Эмийн найрлага дахь аль нэг бодист хэт мэдрэг байдал.

3 хүртэл насны хүүхэд.

2 ° C-аас 8 ° C-ийн хэмд хадгална.

Хүүхдийн гар хүрэхгүй газар хадгална уу.

Гаж нөлөө:

Гаж нөлөөг үнэлэхийн тулд дараахь тодорхойлолтыг ашигладаг: маш элбэг (> 1/10 элбэг (> 1/100 - <1/10), заримдаа (> 1/1000 - <1/100), ховор (> 1) / 10000 - <1/1000), маш ховор (<1/10000),  давтамж тодорхойгүй (байгаа өгөгдлүүдийг үндэслэн давтамжийг тогтоох боломжгүй).

Дархлааны тогтолцооны талаас:

Бэлдмэлд  бензилийн спиртийн агуулагддаг тул болж хэт мэдрэгшлийн урвал ховор тохиолдолд үүсэх боломжтой байдаг.

Маш ховор тохиолдолд арьсны харшлын урвал (тууралт, экзантем эсвэл чонон хөрвөс) үүсэх боломжтой байдаг.

Давтамж тодорхойгүй: загатнах.

Бусад эмийн бэлдмэлтэй харилцан үйлчлэл:

Одоогоор бусад бэлдмэлтэй харилцан үйлчлэлцдэг эсэх нь тодорхойгүй байна.

Онцгой заалт:

Зөвхөн тунгалаг уусмалыг ашиглана уу!