Хэрэглэх арга ба тун

Идэвхижүүлсэн нүүрсийг шахмал эм хэлбэрээр, эсвэл урьдчилан жижиглэж, усанд уусгаж хоол идэх, бусад төрлийн эмийн бэлдмэл уухаас цагийн өмнө ууна.

Шаардлагатай хэмжээний бэлдмэлийг ½ стакан усанд найруулна.

Насанд хүрсэн хүнд 1,0-2,0 г-аар (4-8 шахмал) хоногт 3-4 удаа уулгана, насанд хүрсэн хүний нэг удаагийн дээд тун 8г хүртэл байна.

Хүүхдэд биеийн жинд нь 0,05г/кг-аар тооцон өдөрт 3 удаа, нэг удаагийн дээд тун 0,2г/кг жинд нь тооцож өгнө.

Хурц, цочмог явцтай өвчний үед эмчилгээний нэг курс 3-5 хоног, харшил болон архаг өвчний үед 14 хүртэл хоног байна. Эмчийн зөвлөгөөгөөр 2 долоо хоногийн дараа давтан курс эмчилгээ хийж болно.

Хурц хордлогын үед эхлээд идэвхижүүлсэн нүүрстэй уусмалаар ходоодыг угааж дараа нь 20-30г бэлдмэлийг уулгана.

Гэдэс дүүрэлтийн үед 1-2г-аар (4-8 шахмал) өдөрт 3-4 удаа уулгана. Эмчилгээний нэг курс нь 3-7 хоног.

Хэрэглэх заалт

Төрөл бүрийн шалтгаантай, /дотоод болон гадаад/ хордлогын үед хордлого тайлах бэлдмэл байдлаар хэрэглэнэ.

Хориглох заалт

Ходоод, дээрх гэдэсний шархлаа өвчин сэдрэх, бүдүүн гэдэсний өвөрмөц бус шархлаат үрэвсэл, хоол боловсруулах замаас цус алдах, гэдэсний атони, хувь хүн бэлдмэлд хэт мэдрэг байх

Хуурай нөхцөлд, 25°С-аас ихгүй температурт хүүхдийн гар хүрэхээргүй газар хадгална.

Гаж нөлөө

Өтгөн хатах, эсвэл суулгах. Удаан хугацаагаар хэрэглэхэд (14 хоногоос илүү хугацаагаар) кальци, витамин, хүнсний шимт бодисын шимэгдэлт алдагдаж болно. Өтгөн хар өнгөтэй гарна.