ХЭРЭГЛЭХ ЗААЛТ

Тобрамицин, Дексамитазоны нүдний хөвмөлийг стероид-мэдрэг нүдний үрэвсэл, бактерийн халдвар, нүдний бактерийн халдварын эрсдэлтэй үед кортикостероидын заалтын дагуу хэрэглэнэ. Нүдний стероидыг зовхи, нүдний алим, эвэрлэг, урд камерын үрэвсэлд хэрэглэх ба стероид хэрэглэх эрсдэлтэй зарим эмгэгийн ялангуяа коньюктивитын үрэвсэл, хаван бууруулахын тул хэрэглэхийг зөвлөдөг. Мөн нүдний урд талын судасны үрэвсэл, эвэрлэгийн химийн гэмтэл, цацраг туяа эсвэл дулааны түлэгдэл, гадны биетний нөлөөнд эвэрлэгийн гэмтэл зэрэгт хэрэглэнэ.

Халдварын эсрэг бүрэлдэхүүн бүхий нийлмэл бэлдмэлийг нүдний дахилтат халдвар, аюултай тооны бактераар үүсгэгдсэн халдварын эмчилгээнд хэрэглэнэ.

Бэлдмэл нь нүдний эмгэг төрүүлэгч дараах төрлийн бактерийн халдварын эсрэг хэрэглэнэ:

Staphylococci, S. aureus, S. epidermidis (коагулаза эерэг, коагулаза сөрөг), пенициллинд тэсвэртэй омог.

ХОРИГЛОХ ЗААЛТ

Эпителийн энгийн херпесийн кератит (сэтрэнт кератит), вакцин, салхин цэцэг, бусад вирүсийн гаралтай эвэрлэгийн болон коньюктивитын үед хориглоно. Нүдний микобактерийн халдварт хэрэглэхгүй. Нүдний бүтцийн мөөгөнцрийн халдвар болон бэлдмэлийн найрлага дах нэгдэлд хэт мэдрэг бол хэрэглэхийг хориглоно.

ХАДГАЛАЛТ

250C ихгүй хэмд хадгална.

ХАДГАЛАХ ХУГАЦАА

Үйлдвэрлэснээс хойш 24 сар хадгална.

СЭРЭМЖЛҮҮЛЭГ

Ерөнхий

Стероидыг удаан хугацаанд хэрэглэснээр эвэрлэгийн мөөгөнцрийн халдвар үүсч болно. антибиотикийн бусад бэлдмэлийг удаан хугацаанд хэрэглэснээр түүнд тэсвэртэй нянгийн ургалт ихсэх, мөөгөнцөр үүснэ. Хэрэв халдвар дахивал зохих эмчилгээг эхлүүлнэ. Олон эмийн хэрэглээ шаардлагтай үед эмнэл зүй, багажийн шинжилгээ ялангуяа биомикроскопи, флуоресценцт будалтаар будаж шалгаж байх ёстой.

Бусад аминогликозидуудтай зөрмөл мэдрэг үүсгэж болох тул; хэрэв хэт мэдрэгшил үүсвэл эмийн хэрэглээг яаралтай зогсооно.