Хэрэглэх арга, тун хэмжээ:

Левоцетризин нь 2.5 мг/5мл (0.5 мг/мл) уусмал болон 5 мг шахмал хэлбэрээр байна.

Насанд хүрэгчид болон 12-с дээш насны хүүхдэд: Левоцетризиныг 5 мг (1 шахмал эсвэл 2 цайны халбага (10 мл) сироп) тунгаар оройд 1 удаа хэрэглэнэ. Зарим өвчтөн 2.5 мг (1/2 шахмал эсвэл 1 цайны халбага (5 мл) уусмал) тунгаар оройд 1 удаа хэрэглэж болно.

6-11 настай хүүхдэд: Левоцетризины зөвлөмжит тун болох 2.5 мг (1/2 шахмал эсвэл цайны 1 халбага (5мл) уусмал)-аар оройд 1 удаа хэрэглэнэ. Системийн ачаалал үүсдэг учир 2.5 мг тунгаас хэтрүүлэлгүй хэрэглэх хэрэгтэй бөгөөд 6-аас доош насны хүүхдэд насанд хүрэгчдийн тун болох 5 мг-аар хэрэглэхгүй.

6 сараас 5 нас хүртэлхи хүүхдэд: Эхлэх зөвлөмжит тун 1.25 мг (1/2 цайны халбага уусмал) Левоцетризин бөгөөд оройд 1 удаа ууж хэрэглэнэ. 1.25 мг тунг хэтрүүлэхгүй хэрэглэх шаардлагатай.

Бөөр болон элэгний өөрчлөлттэй үед хэрэглэх тун:

Насанд хүрэгчид болон 12-с дээш насны хүүхдэд:

Хөнгөн зэргийн бөөрний өөрчлөлттэй (креатинины клиренс [CL]=50-80 мл/мин): өдөрт 1 удаа 2.5 мг тунгаар хэрэглэнэ.

Дунд зэргийн бөөрний өөрчлөлттэй (креатинины клиренс [CL]=30-50 мл/мин): 2 өдөр тутам 1 удаа 2.5 мг тунгаар хэрэглэнэ.

Хүнд зэргийн бөөрний өөрчлөлттэй (креатинины клиренс [CL]=10-30 мл/мин): Долоо хоногт 2 удаа (3-4 хоногт 1 удаа) 2.5 мг тунгаар хэрэглэнэ.

Бөөрний өвчний сүүлийн шатанд буй өвчтөнд (креатинины клиренс [CL]<10 мл/мин) болон гемодиализ хийлгэж буй өвчтөнд Левоцетризиныг хэрэглэхгүй.

Дан элэгний өөрчлөлттэй өвчтөнд тун тааруулах шаардлагагүй. Элэгний болон бөөрний өөрчлөлттэй хавсарсан өвчтөнд тунг тааруулж хэрэглэнэ.

Хэрэглэх заалт:

Улирлын харшлын ринит: Левоцетризиныг шинж тэмдэг нь илэрхий улирлын харшлын ринитын үед насанд хүрэгчид болон 2 болон түүнээс дээш насны хүүхдэд хэрэглэнэ.

Олон наст ургамлын харшлын ринит: Левоцетризиныг шинж тэмдэг нь илэрхий олон наст ургамлын харшлын ринитын үед насанд хүрэгчдэд болон 6 сар болон түүнээс дээш насны хүүхдэд хэрэглэнэ.

Архаг шалтгаан тодорхойгүй чонон хөрвөс: Левоцетризиныг эмчилгээний зорилгоор энгийн арьсны өөрчлөлт бүхий архаг шалтгаан тодорхойгүй чонон хөрвөсийн үед насанд хүрэгчдэд болон 6 сар болон түүнээс дээш насны хүүхдэд хэрэглэнэ.

Хориглох заалт: 

Левоцетризин, түүний найрлагад орсон бодис болон цетризинд хэт мэдрэг өвчтөнгүүдэд эсрэг заалттай. Чонон хөрвөс болон анафилаксийн урвал илэрч болно.

Гемодиализ хийлгэж байгаа бөөрний өвчний сүүлийн шатанд буй өвчтөнд (ККCL< 10 мл/мин)

Бөөрний үйл ажиллагааны өөрчлөлттэй хүүхэд: 6 сараас 11 настай бөөрний өөрчлөлттэй хүүхдэд.

30 градус-аас хэтрэхгүй хэмд хадгална.

Чийг болон гэрлээс хамгаална.

Хүүхдээс хол байлгана.

Зөвхөн жороор олгоно.

Анхааруулга, Болгоомжлол

Сэтгэц нөлөөлөх үйлчлэл: Клиник судалгаануудад Левоцетризин эмчилгээ хийлгэж буй өвчтнүүдэд нойрмог болох, ядрах, aстени илэрсэн. Оюуны болон хөдөлгөөний өөрчлөлттэй холбоотой ажил мэргэжилтэй өвчтөнгүүдэд болгоомжтой хэрэглэх хэрэгтэй. Сэрэмж буурах болон нэмэлтээр төв мэдрэлийн системийн үйл ажиллагааны өөрчлөлт илэрч болдог тул Левоцетризинтэй архи болон бусад төв мэдрэлийн системийг дарангуйлагчтай хамт хэрэглэхээс зайлсхийх хэрэгтэй.

Өвөрмөц бүлгийн хүмүүсийн хэрэглээ

Жирэмслэлт:

Тератогены нөлөө: US FDA-ийн жирэмсний категори В

Харх болон туулайн дээр хийгдсэн судалгаан дээр Левоцетризиныг 320 болон 390 тунгаар хэрэглэхэд тератогенийн нөлөө илрээгүй бөгөөд хугацаа болон өдөрт хэрэглэх тунгийн хэмжээ нь насанд хүрэгчдийн мг/м2 дээр суурилсан болно.

Жирэмсэн эмэгтэйчүүдэд хангалттай хийгдсэн судалгаа байхгүй. Амьтны нөхөн үржихүйн судалгаа нь байнга хүний судалгаатай адил биш байдаг тул Левоцетризиныг жирэмсний үед зайлшгүй шаардлагатай үед хэрэглэнэ.

Хөхүүл эхчүүдэд: Левоцеризины төрсний өмнөх болон төрсний дараахи амьтан дээр хйигдсэн судалгаа байхгүй.

Хүүхдэд: Левоцетризиныг 6 сараас 17 нас хүртэлх өвчтөнд энгийн арьсны өөрчлөлт бүхий архаг шалтгаан тодорхойгүй чонон хөрвөсийн үед зөвлөгдсөн тунгаар хэрэглэнэ. Тунг 18-аас дээш болон насанд хүрэгчдийн хэрэглэсэн тун, үр нөлөөн дээр суурилж тооцсон.

Өндөр настанд: Левоцетризины клиникийн судалгаанаас үзэхэд 65-аас дээш настангууд нь залуу өвчтөнгүүдээс ялгаатай бөгөөд хэрэглэх заалт зарим тохиолдолд ялгаатай байдаг байна. Бусад клиник судалгаанд настангууд болон залуу өвчтөнүүдийн хооронд тодорхой ялгаа илрээгүй байна. Ерөнхийдөө настангуудад тунг сонгохдоо болгоомжтой байх хэрэгтэй бөгөөд бусад эмийн эмчилгээ эсвэл элэг, бөөр, зүрхний хавсарсан өвчтэй байх зэргээс шалтгаалан тунг багаар эхлэнэ.

Бөөрний өөрчлөлтэй өвчтөнд: Левоцетризин нь бөөрөөр ялгардаг тул бөөрний өөрчлөлттэй өвчтөнд гаж нөлөө илрэх эрсдлийг нэмэгдүүлнэ. Ялангуяа өндөр настанд бөөрний үйл ажиллагаа буурсан байдаг тул бөөрний үйл ажиллагааг хянаж тунг болгоомжтой тааруулан хэрэглэх шаардлагатай.

Элэгний өөрчлөлттэй өвчтөнд: Левоцетризин нь ихэвчлэн өөрчлөлтөд оролгүйгээр бөөрөөр ялгардаг тул дан элэгний өөрчлөлттэй үед Левоцетризины клиренс буурах эсэх нь эргэлзээтэй.