Хэрэглэх арга, тун:

Реналганы шахмалыг хоолны дараа усаар даруулж ууж хэрэглэнэ. Зөвлөж буй хоногийн тун нь насанд хүрэгсэд ба 15-аас дээш насны хүүхдэд хоногт 1-2 шахмал байх ба хоногийн дээд тун нь 2 шахмал.

Эмчилгээний үргэлжлэх хугацаа 3 өдрөөс хэтрэхгүй байна.

Хэрэглэх онцлог

Бэлдмэлийг дараах тохиолдолд болгоомжтой хэрэглэнэ.

·         Элэг ба бөөрний үйл ажиллагааны дунд зэргийн өөрчлөлтийн үед

·         Ходоодны өвчний үед (ахалази, ходоод ба улаан хоолойн сөөргөө, ходоодны гарах хэсгийн нарийсал)

·         Артерийн гипотензи ба ортостатик урвалд өртөмтгий үед

·         Архаг бронхит ба бронхын багтрааны үед (Реналган бронхын шүүрлийн зуурамтгай чанарыг ихэсгэнэ)

·         Гипертиреозын үед

·         Зүрхний хэмт үйл ажиллагааны өөрчлөлт (тахиаритмийн үед – цээрлэлт гэсэн хэсгийг үз), зүрхний бах (ялангуяа зүрхний булчингийн шигдээсийн үед), зүрхний зогсонгишилт дутагдал

·         Наркозын бус өвдөлт намдаах бэлдмэлд хэт мэдрэг буюу эсвэл харшлын бусад илрэлийн (харшлын гаралтай хамрын салст бүрхүүлийн үрэвсэл) өгүүлэмжтэй үед

Реналган бэлдмэлийг удаан хугацаагаар хэрэглэх үед  элэгний үйл ажиллагаа болон захын цусны байдлыг хянах шаардлагатай.

Бэлдмэлийг согтууруулах ундаа, төв мэдрэлийн системийг дарангуйлах эмийн бэлдмэлтэй хамт хэрэглэж байгаа тохиолдолд өвчтөний сэтгэц бие махбодын  байдалд нөлөөлж болно.

Бэлдмэл эмийн бодис метамизол натри агуулдаг. Метамизол натри нь агранулоцитоз, тромбоцитопени үүсгэж болно. Агранулоцитоз үүсэх нь тунгаас хамаарахгүй бөгөөд түүнийг урьдчилж мэдэх боломжгүй. Энэ нь бэлдмэлийг анх хэрэглэсний буюу эсвэл олон удаа хэрэглэсний дараа илэрч болно. Агранулоцитозын тодорхой шинжид халуурах, хоолой өвдөх, юм залгихад хүндүүр болох, ам, хамар, залгиур, хошного шулуун гэдэс болон бэлэг эрхтний хэсгийн салст бүрхүүлийн үрэвсэл орно. Өвчтөний биеийн байдал болон агранулоцитозын шинж гэнэт муудвал метамизолын эмчилгээг зогсоож  цусны дэлгэрэнгүй шинжилгээг хийнэ.

Найрлагандаа метамизол агуулсан бусад эмийн бэлдмэлтэй Реналганыг хамт хэрэглэхийг зөвлөхгүй.

Метамизолын натрийн метаболит шээсний өнгийг улаан болгож өөрчлөх ба энэ нь эмнэл зүйн хувьд ач холбогдолгүй.

25°С-аас доош хэмд үйлдвэрийн савлагаанд нь хүүхэд хүрэхээргүй газар хадгална.

Шинж тэмдэг: Тун хэтрэх үед холинолитик үйлдэлтэй хавсарсан метамизолын хордлогын шинж, бөөр, элэгний үйл ажиллагааны өөрчлөлт, амьсгалын замын саажил илэрнэ. Хордлогот харшлын хам шинж, цус төлжүүлэх үйл ажиллагааны гэмтлийн шинж, хоол боловсруулах замын хямрал, хүнд явцтай үед тархины гэмтлийн шинж илэрнэ.

Эмчилгээ:

Тун хэтэрсэн гэж сэжиглэсэн тохиолдолд бэлдмэлийг хэрэглэхээ яаралтай зогсоож түүнийг бие махбодоос түргэн гаргах арга хэмжээ (бөөлжүүлнэ, ходоод угаана, ялгарах шээсний хэмжээг ихэсгэнэ) авах хэрэгтэй. Шинж тэмдгийн эмчилгээ хийнэ. Өвөрмөц антидот байдаггүй.

Гаж нөлөө:

Дархлалын системийн зүгээс: харшлын урвал (хэт мэдрэгшлийн) чонон хөрвөс, арьсны тууралт, загатнаа, гуурсан хоолой агчих, нүдний салст бүрхүүлийн үрэвсэл, судас мэдрэлийн хаван, анафилаксын шок ба эпидермийн хордлогот үхжил,  Стивенс-Джонсоны хам шинж.

Хоол боловсруулах замын зүгээс: зовиур илрэх, ам хатах, өтгөн хатах, ходоодны үрэвсэл болон ходоод ба 12 хуруу гэдэсний шархлаа хурцдах

Зүрх судасны системийн зүгээс: зүрх дэлсэх, артерийн даралт багасах, зүрхний цохилт олшрох,  зүрхний хэмнэл алдагдах

Цус төлжүүлэх системийн зүгээс: гранулоцитопени, цус багадалт, агранулоцитоз,  тромбоцит ба лейкоцитын тоо цөөрөх.

Шээс ялгаруулах системийн зүгээс: шээсний ялгаралт багасах, шээсний ялгаралт саатах,  шээстэй уураг ялгарах,  шээс улаан өнгөтэй болох, бөөрний цочмог дутагдал ба бөөрний завсрын эдийн үрэвсэл үүсэх.

Бусад:

Харааны өөрчлөлт, элэгний үрэвсэл, хөлс ялгаралт багасах,  толгой эргэх.