Өдөрт 2 удаа хэрэглэх 

Насанд хүрэгсэд, өндөр настан,  12- оос дээш насны хүүхдэд:

Та өглөө,  орой  тус бүр1 тун, хоногт  нийтдээ 2 тун  хэрэглэнэ. Нэг удаагийн тун нь 200-400 мкг байна./ Танд ямар тунтай эм байгаагаас хамаарна/.  Хүнд явцтай Багтраа өвчний үед хоногийн дээд тунг1600 мкг хүртэл ихэсгэж болно. / өглөө 800 мкг, орой 800 мкг /. Үүнээс  хэтрүүлж болохгүй.

5-12 настай хүүхдэд:

Хүүхдэд  өглөө , орой  тус бүр1 тун ,өдөрт нийтдээ 2 тун  хэрэглэнэ. Нэг удаагийн тун нь 200-400 мкг байна./ Таньд ямар тунтай эм байгаагаас хамаарна/. Хэрэв Гуурсан хоолойн багтраа өвчний явц хүнд байвал хоногийн  дээд тунгаа 800 мкг хүртэл ихэсгэж болно. / өглөө 400 мкг, орой 400 мкг/. Үүнээс  хэтрүүлж болохгүй.

Өдөрт 1 удаа хэрэглэх

Х эрэв  эмч таньд өдөрт 1 удаа хэрэглэхийг зөвлөсөн бол та өдөрт 1 удаа л хэрэглэнэ. Та өдөрт хэрэглэх 1 удаагийн тунгаа орой болгон тогтмол цагт хэрэглэх ёстой. Энэ нь  таны эмчилгээнд маш чухал.

12- оос дээш насны хүүхэд болон насанд хүрэгчдэд, өндөр настанд:   Ихэвчлэн  200-400мкг -р , 1-2 удаа цацлагаар орой тогтмол цагт хэрэглэнэ. / Танд ямар тунтай эм байгаагаас хамаарна/.  Хэрэв та өдөрт 2 удаа хэрэглэдэг байснаа 1 удаа хэрэглэдэг болж байгаа бол дээд тун 800мкг байна. Үүнээс хэтрүүлж болохгүй.

 5-12 настай хүүхдэд:

Ихэвчлэн  200-400мкг –аар , 1-2 удаа цацлагаар орой тогтмол цагт хэрэглэнэ. / Танд ямар тунтай эм байгаагаас хамаарна/.  Хэрэв  өдөрт 2 удаа хэрэглэдэг байснаа 1 удаа хэрэглэдэг болж байгаа бол  мөн өмнө нь стеройд цацлагаар эмчилгээ хийгдэж байгаагүй хүүхдэд өдөрт 1 удаа хэрэглэнэ. Хоногийн дээд тун 400мкг байна. Үүнээс хэтрүүлж болохгүй.

Та эмийн тун,  өдөрт хэдэн удаа хэрэглэхийг заавал эмчийн зааврын дагуу хэрэглээрэй. Хэрэв таны Багтраа өвчин намдахгүй байвал та илүү тун хэрэглэж болохгүй. Энэ тухай нэн даруй эмчдээ хэлээрэй.

Алхам 1: 

Цацлагыг эгц босоо барих ёстой.

Цацлагыг эгц босоо барьсан байдлаас тагыг  цагийн зүүний эсрэг эргүүлж  хамгаалалтын савнаас  татаж гаргана.

Тайлбар :

Эгц босоо барьж үйлдлийг зөв хийсэн тохиолдолд дуу сонсогддоггүй. Онгойлгохдоо эгц босоо байрлалаар  бариагүй тохиолдолд тагийг эргүүлэх үед /хазгай барьж/ чаг чаг гэсэн дуу тод сонсогдоно. Энэ тохиолдолд үйлдлийг эхнээс давтана уу.

Алхам 2                                          

Дээд хэсэгт байрлах ^ хэлбэрийн хэрчлээсний ховилд их бие дээрх Δ хэлбэрийн хэрчлээс орж таардаг. Ховилууд зөрж байрласан тохиолдолд тагийг  эргүүлж ховилуудыг тааруулна уу.Таган дээр дараад авна.

Алхам 3

Цацлагыг амандаа ойртуулахаас өмнө аажим амьсгал авч гаргана уу.

Цацлагыг амандаа байрлуулсны дараа  (цацлагыг эгц босоо байхаар барьсан байна) гүнзгий  амьсгал авна уу.

Цацлагыг амнаас холдуулсны дараа хэдэн хором амьсгалаа түгжээд  гаргана уу.

Шаардлагатай тунгаа бүрэн авч чадаагүй тохиолдолд алхам 3-ийг давтана уу.

Тайлбар:

Цацлага үл мэдэг чихэрлэг амттай.Энэ нь та хэрэгцээт тунгаа бүрэн авсныг илэрхийлнэ. FRENOLYN Miat – Haler®-ийг хэрэглэх үед зарим тохиолдолд  ямар нэгэн амт мэдрэгдэхгүй байж болно.

 Алхам 4

Эгц босоо байрлалаар цацлагыг  хамгаалалтын саванд хийж цагийн зүүний дагуу эргүүлж  хаана.

Тайлбар:

Та давтан тун авах шаардлагатай  1-4 алхамыг дахин давтна уу.

Анхааруулга:

Хэрэглэсний  дараа үргэлж хамгаалалтын саванд хийж хадгална . Энэ нь дараа хэрэглэхэд  бэлэн байхад зориулагдсан зайлшгүй хийх үйлдэл юм.

Цацлагыг хэрэглэсний дараа амаа усаар зайлах буюу шүдээ угаана уу.Ингэснээр амны хөндийд нян үржихээс сэргийлнэ.

ФРЕНОЛИН – ыг хэрэглэхдээ эмчийн зааврыг чанд  мөрдөнө . Эмч  таны  Гуурсан хоолойн багтраа өвчнийг эмчлэхэд тохирсон хамгийн бага тунг  таньд тохируулан зөвлөнө. 

·        Хэрэв  та стеройд бэлдмэлийг шахмалаар хэрэглэж байгаа бол ФРЕНОЛИН – ыг хэрэглэж эхлэх үед эмч  шахмал эмийн тунг бууруулж болно.  Хэрэв та стеройд бэлдмэлийг шахмалаар удаан хугацаагаар хэрэглэсэн тохиолдолд  эмч таньд цусны шинжилгээ хийлгэхийг зөвлөж  болно.  Танд хамар битүүрэх, нус гоожих, арьсан дээр тууралт гарах , булчин болон үеэр өвдөх, бие тавгүйрхэх зэрэг зовиур илэрвэл  стеройд шахмалын тунг багасгана.

·        Та  стеройд цацлагыг өндөр тунгаар, удаан хугацаагаар хэрэглэж байх явцад  та өвдөх, эсвэл сэтгэл санаа тавгүйрхэх тухайлбал хагалгаанд орохын өмнө гэх мэт шаардлагатай тохиолдолд эмч танд стеройд  бэлдмэлийг шахмалаар нэмж хэрэглэхийг зөвлөж болно.

·        Хэрэв хүүхдэд стеройд цацлагыг  удаан хугацааны туршид хэрэглэхээр бол /ялангуяа өндөр тунгаар/  эмч хүүхдийн биеийн өндрийг заавал хянаж байх ёстой.

·         Эмч танд стеройд эмийн анхааруулах хуудас  биедээ  авч явахыг зөвлөж болох ба энэ нь эмнэлэгийн ажилтнуудад таны эмчилгээний талаар мэдээлэл өгөх болно. Та эмчилгээ хийлгэхийн өмнө эсвэл шүдний эмчид үзүүлэхдээ анхааруулах хуудсыг үзүүлж байх ёстой.

Та эмчийн зөвлөсөн хэмжээ, тунгийн дагуу эмийг хэрэглэх ёстой.  Эмийн  тун нь  Гуурсан хоолойн багтраа өвчнийг эмчлэхэд тохирсон хамгийн бага тун байна.  Та эмээ шинж тэмдэг арилтал тогтмол зөв хэрэглэх шаардлагатай.

Хүүхдээс хол байлгана.

30 –аас доош хэмд хадгална.     

Хөргөгч болон хөлдөөгчинд хадгалахгүй .

Чийг орохоос хамгаалж таглааг  сайтар таглах хэрэгтэй.

Хүчинтэй хугацаа дууссан бол хэрэглэхгүй .Хугацааны тухай мэдээллийг цацлагын сав болон хайрцаг дээр бичсэн .

Цацлагыг энэ зааврын хамт анх ирсэн хайрцагт хадгална. Хэрэглэх тунгийн хэмжээг дурьдсан зааврын хамт мөн хайрцагт хадгална.

Цацлагын хайрцагны ёроолд  зориулалтын хатаасан бэлдмэл байрлуулсан бөгөөд түүнийг авч хэрэглэх эсвэл хаяж болохгүй. Энэ нь эм бэлдмэлийг хадгалах тохиромжтой нөхцөлийг бүрдүүлдэг. Эм бэлдмэлийг  ил хаях, усанд уусгахыг хориглоно.

Найрлаганд орсон бүтээгдэхүүнд харшилтай хүмүүст хэрэглэхийг хориглоно.

Дараахи тохиолдолд Френолинийг ХЭРЭГЛЭЖ БОЛОХГҮЙ.

- Эмийн бэлдмэлд агуулагдах бодист хэт мэдрэг тохиолдолд хэрэглэхгүй. /эмийн зааврын 6-р хэсэгт орц бичигдсэн/

- Урьд нь Френолин хэрэглэхэд хүндрэл гарч байсан бол

- Сүрьеэгийн эмчилгээ хийлгэж байгаа

ФРЕНОЛИН-цацлага дуусаж байгаа, бүрэн дууссаныг хэрхэн мэдэх вэ?

Цацлага дуусах дөхөж байгаа үед савны баруун талд байрлах цонхны хажуу талаас улаан өнгөтэй зурвас цухуйж эхэлнэ.Цацлага бүрэн дууссан үед цонх бүтэн улаан өнгөтэй болно. Энэ үед бор өнгөтэй таг дарагдахгүй түгжигддэг.

Та улаан өнгөтэй зурвас анх удаагаа харж байгаа бөгөөд учрыг нь мэдэхгүй байгаа бол эмчээс лавлана уу.