Хэрэглэх арга, тун:

Клопидогрелыг хоолноос хамааралгүйгээр хоногт 1 удаа ууж хэрэглэнэ.

CYP2C19 изоферментийн идэвх хэвийн насанд хүрэгсэд ба өндөр настай хүмүүс:

Зүрхний булчингийн шигдээс, цус хомсролын цус харвалт, оношлогдсон захын артерийн судасны бөглөрөлт өвчин:

Зилт® бэлдмэлийг 75мг тунгаар (1 шахмал) хоногт 1 удаа хэрэглэнэ.

ST сегмент нь өргөгдөөгүй титэм судасны цочмог хам шинж (тогтворгүй зүрхний бах эсвэл Q шүдгүй зүрхний булчингийн шигдээс):

Зилт® бэлдмэлийн эмчилгээг 1 удаагийн ачааллын тунгаар (300мг) хэрэглэж эхлэх ба дараа нь 75мг тунгаар хоногт 1 удаа (ацетилсалицилын хүчлийг хоногт 75-325мг тунгаар хамт) хэрэглэн үргэлжлүүлнэ. Ацетилсалицилын хүчлийг илүү өндөр тунгаар хэрэглэсэнтэй холбоотойгоор цус алдах эрсдэл нэмэгддэг тул ацетилсалицилын хүчлийн тунг 100мг-с хэтрүүлж болохгүй.

Эмчилгээний хамгийн дээд эерэг нөлөө эмчилгээний 3 дахь сард ажиглагдана. Эмчилгээний хамгийн тохиромжтой үргэлжлэх хугацаа энэ заалтын үед тусгайлан тогтоогдоогүй. Эмнэл зүйн судалгааны үр дүнгээр ST сегмент нь өргөгдөөгүй титэм судасны цочмог хам шинж үүссэний дараа клопидогрелыг 12 сар хүртэл хугацаагаар хэрэглэдэг болох нь тогтоогдсон.

Бүлэн хайлуулах эмийн эмчилгээ явуулах боломжтой болон эмийн эмчилгээний үеийн ST сегмент нь өргөгдсөн титэм судасны цочмог хам шинж (зүрхний булчингийн цочмог шигдээс),  ацетилсалицилын хүчилтэй хамт хэрэглэнэ:

Зилт® бэлдмэлийг 75мг тунгаар (1 шахмал) хоногт 1 удаа хэрэглэх бөгөөд эхлээд ачааллын тунгаар (300мг) ацетилсалицилын хүчилтэй хамт бүлэн хайлуулах эмтэй хавсарч эсвэл бүлэн хайлуулах эмгүйгээр хэрэглэнэ. 75-с дээш насны өвчтөнд Зилт® бэлдмэлийн эмчилгээг ачааллын тунгүйгээр хэрэглэнэ.

Хавсарсан эмчилгээг өвчний шинж тэмдэг илэрсний дараа аль болох түргэн эхлэх ба дор хаяж 4 долоо хоног үргэлжлүүлнэ. Клопидогрел болон ацетилсалицилын хүчлийг эдгээр өвчтөнд 4 долоо хоногоос удаан хугацаагаар хавсарч хэрэглэсэн эмчилгээний үр дүн  судлагдаагүй.

Тосгуурын фибрилляци (мерцательный аритми):

Зилт® бэлдмэлийг 75мг тунгаар хоногт 1 удаа хэрэглэнэ. Клопидогрелтэй хамт ацетилсалицилын хүчлийн эмчилгээг эхлүүлэх ба цаашдаа  хоногт 75-100мг тунгаар  үргэлжлүүлнэ.

Хэрэглэх заалт:

Атеротромбозын хүндрэлийн хоёрдагч урьдчилан сэргийлэлт

Зүрхний булчингийн шигдээс (хэдэн өдрөөс 35 өдөр хүртэл), цус хомсролын цус харвалт (7 өдрөөс 6 сар хүртэл) эсвэл оношлогдсон захын артерийн судасны бөглөрөлт өвчтэй насанд хүрсэн хүмүүс

Титэм судасны цочмог хам шинж бүхий насанд хүрэгсэд:

ST сегмент нь өргөгдөөгүй өвчтөн (тогтворгүй зүрхний бах эсвэл Q шүдгүй зүрхний булчингийн шигдээс), үүнд арьсаар нь дамжуулан титэм судсанд хийх ажилбараар стент тавиулсан өвчтөнг оруулаад, ацетилсалицилын хүчилтэй хавсарч хэрэглэнэ.

Бүлэн хайлуулах эмийн эмчилгээ явуулах боломжтой болон эмийн эмчилгээний үеийн ST сегмент нь өргөгдсөн (зүрхний булчингийн цочмог шигдээс) өвчтөн (ацетилсалицилын хүчилтэй хамт хэрэглэнэ.):

Атеротромбозын болон тромбэмболийн хүндрэлээс (цус харвалт, тосгуурын фибриляцийн үеийг оруулаад (мерцательный аритми)) сэргийлэх

Тосгуурын фибриляцитай (мерцательный аритми) насанд хүрсэн өвчтөн: цус алдалт үүсэх эрсдэл багатай болон шууд бус үйлдэлтэй цусны бүлэгнэлтийг саатуулах эм хэрэглэх боломжгүй, судасны хүндрэл үүсгэх дор хаяж 1 эрсдэлт хүчин зүйлтэй өвчтөн (ацетилсалицилын хүчилтэй хамт).

Цээрлэлт:

Клопидогрел болон бэлдмэлийн найрлага дахь ямар нэгэн туслах бодист хэт мэдрэг өвчтөн

Элэгний үйл ажиллагааны хүнд явцтай өөрчлөлт

Цочмог цус алдалт, жишээ нь идэгдмэл шархлаанаас цус алдах, гавлын доторх цус харвалт

Лактазын дутагдал, лактозын үл зохицол, глюкоз-галактозын шингээлтийн алдагдлын хам шинж

Жирэмсэн ба хөхүүл үе (“жирэмсэн ба хөхүүл үеийн хэрэглээ” гэсэн хэсгийг үз)

18 хүртэл насны хүүхэд (эмчилгээний үр нөлөө болон аюулгүй эсэх нь тогтоогдоогүй)

25°С-аас доош хэмд хадгална. Чийгнээс хамгаалах зорилгоор үйлдвэрийн савлагаанд нь хадгална.

Хүүхэд хүрэхээргүй газар хадгална.

Онцгой анхааруулга!

Клопидогрелын эмчилгээний үед ялангуяа эмчилгээний эхний долоо хоногт эсвэл зүрхний инвазив ажилбар/мэс ажилбарын дараа цус алдалтын шинж (ялангуяа далд хэлбэрийн цус алдалт) илэрч байгаа эсэхийг үгүйсгэхийн тулд өвчтөнг сайтар ажиглана.

Цус алдах эрсдэл ба цусны зүгээс илрэх гаж нөлөөтэй (“гаж нөлөө” гэсэн хэсгийг үз) холбоотойгоор эмчилгээний явцад цус алдалт үүсэж буй эмнэлзүйн  шинж илэрсэн тохиолдолд яаралтай цусны шинжилгээ хийж хэсэгчлэн идэвхжүүлсэн тромбопластины хугацаа, тромбоцитын тоо, тромбоцитын үйл ажиллагааны үзүүлэлт зэргийг тодорхойлох ба шаардлагатай бусад шинжилгээг хийх хэрэгтэй.

Клопидогрел цус гоожих хугацааг уртасгадаг учир түүнийг гэмтэл, мэс ажилбар,  цус алдалт үүсэхэд (ялангуяа хоол боловсруулах замын, нүдэн доторх) өртөмхий бусад эмгэг байдал болон өвчин зэрэг цус алдалт үүсэх эрсдэл өндөр өвчтөн, түүнчлэн ацетилсалицилын хүчил, стероид бус үрэвсэлийн эсрэг эм (ЦОГ-2-ыг хориглогчийг оруулаад), серотонины мэдрэлийн төгсгөлд эргэн орохыг сонгомлоор хориглогч эм, цус алдалт үүсгэж болзошгүй бусад эм (пентоксифиллин, гепарин, гликопротеины IIb/IIIa-г хориглогч) хэрэглэж байгаа өвчтөн зэрэгт тус тус болгоомжтой хэрэглэнэ.

Клопидогрелыг варфаринтай хамт хэрэглэх үед цус алдах эрсдэл ихсэж болно. (“эмийн харилцан үйлчлэл” гэсэн хэсгийг үз) Иймээс клопидогрелийг варфаринтай хамт хэрэглэхдээ болгоомжлох хэрэгтэй.

Хэрэв өвчтөн төлөвлөгөөт хагалгаанд орох гэж байгаа бол энэ үед тромбоцитын агрегацийг дарангуйлах үйлдэл шаардлагагүй байвал хагалгаанаас  7 хоногийн өмнө клопидогрелыг хэрэглэхээ зогсооно.

Клопидогрелыг хэрэглэж байгаа үед (дангаар нь болон ацетилсалицилын хүчилтэй хамт хэрэглэх) цус алдалтыг тогтооход  илүү удаан хугацаа шаардагдаж болохыг өвчтөнд мэдэгдэх хэрэгтэй. Түүнчлэн ер бусын цус алдалт (байрлал болон үргэлжлэх хугацаагаараа) илэрсэн тохиолдол бүрийг өвчтөн эмчлэгч эмчдээ зайлшгүй мэдэгдэнэ.

Өвчтөн хагалгааны (нүүр амны хагалгааг оруулаад) өмнө болон ямар нэгэн шинэ эмийн бэлдмэл хэрэглэхийн өмнө клопидогрел хэрэглэж байгаа тухайгаа эмчдээ зайлшгүй мэдэгдэнэ.

Клопидогрелыг хэрэглэх үед маш ховор тохиолдолд (зарим үед бүр богино хугацаагаар) бүлэнт тромбоцитопенийн пурпур үүссэн тохиолдол илэрсэн. Энэ нь тромбоцитын тоо цөөрөх болон бичил судасны эмгэгийн цус задралын цус багадалтын шинжээр илрэх ба мэдрэлийн өөрчлөлт, бөөрний үйл ажиллагааны өөрчлөлт, халууралт дагалдаж ажиглагдана.

Бүлэнт тромбоцитопенийн пурпур нь плазмаферез зэрэг яаралтай эмчилгээ шаардагддаг  амь насанд аюултай байдал юм.