БРОМГЕКСИН 8 БЕРЛИН-ХЕМИ БЭЛДМЭЛИЙГ ХЭРХЭН ХЭРЭГЛЭХ ВЭ?

Энэхүүбэлдмэлийг тухайн хэрэглэх зааварт заасан зааврын дагуу эсвэл эмчлэгч эмчийн буюу эмийн сангийн ажилтны зааврын дагуу хэрэглэх шаардлагатай. Хэрэв эргэлзэж байвал эмчлэгч эмчээсээ эсвэл эмийн сангаас зөвлөгөө аваарай.

Тун хэмжээ

Санал болгож буй тунг дараах хүснэгтэд нарийвчлан үзүүлэв.

Бромгексин 8 Берлин-Хеми бэлдмэл нь бромхексин гидрохлоридыг агуулдаг бөгөөд цэрховхлох бэлдмэл (өтгөн, зууралдсан цэр үүсгэдэг амьсгалын замын өвчлөлийн үед цэрийг шингэлж, цэр ховхлоно).

Бромгексин 8 Берлин-Хеми бэлдмэлийг гуурсан хоолой ба уушигны цочмог болон архаг өвчний үед хэрэглэх ба цэрийг шингэлж улмаар цэр ховхлоно.

6-аас дээш насны хүүхэд, өсвөр насныхан, насанд хүрэгчдэд хэрэглэхэд зориулагдсан.

Бромгексин 8 Берлин-Хеми бэлдмэлийг дараахь тохиолдолд хэрэглэж болохгүй:

Та бромгексины гидрохлорид эсвэл энэ эмийн найрлага дахь бусад нэгдлүүдэд харшилтай байдаг  бол (6-р хэсгийг үз).

Хүүхэд

Идэвхтэй үйлчлэгч бодисын концентраци их байдаг тул 6-аас доош насны хүүхдэд Бромгексин 8 Берлин-Хеми бэлдмэлийг хэрэглэхийг хориглоно.

Анхааруулга ба урьдчилан сэргийлэх арга хэмжээ

Бромгексин 8 Берлин-Хеми бэлдмэлийг хэрэглэхээс өмнө эмчлэгч эмч болон эм зүйчтэйгээ зөвлөлдөх хэрэгтэй.

Бромгексин гидрохлоридыг хэрэглэсэнтэй холбоотой арьсны хүнд хэлбэрийн хариу урвалын тухай мэдээллүүд байдаг. Хэрэв таны арьсанд тууралт үүссэн (ам, хоолой, хамар, нүд, бэлэг эрхтний салст бүрхэвчийг гэмтээх зэрэг) байвал Бромгексин 8 Берлин-Хеми бэлдмэлийг  даруй хэрэглэхээ зогсоож, эмчид хандаарай.

Бромгексин 8 Берлин-Хеми бэлдмэлийг  дараах тохиолдолуудад хэрэглэхээсээ өмнө заавал эмчтэйгээ зөвлөлдөх хэрэгтэй:

Хэрэв та ходоод, арван хоёр гэдэсний шархтай (эсвэл өмнө нь өвчилж байсан) бол -Бромгексин 8 Берлин-Хими нь ходоод, гэдэсний салст бүрхүүлийн хамгаалах үйл ажиллагааг бууруулах боломжтой,

Зарим нэгэн ховор тохиолдох шүүрэл хэт их ялгаруулдаг гуурсан хоолойн эмгэг өвчний хувьд (жишээлбэл, анхдагч цилиарный дискинези[сормууслагийн дискинези]). Эдгээр тохиолдолд шүүрэл  ихээр хуримтлагдаж болзошгүй тул Бромгексин 8 Берлин-Хеми бэлдмэлийг  зөвхөн эмчийн хяналтан дор хэрэглэхийг зөвшөөрнө.

Бөөрний үйл ажиллагаа алдагдсан эсвэл элэгний ноцтой өвчлөлийн үед (эдгээр тохиолдолд Бромгексин 8 Берлин-Хеми бэлдмэлийг эмчийн зааврын дагуу тун хоорондын хугацааг уртасгах эсвэл багасгасан тунгаар хэрэглэнэ). Бөөрний үйл ажиллагаамэдэгдэхүйц алдагдсан үед Бромгексин 8 Берлин-Хеми бэлдмэлийн задралын бүтээгдэхүүн нь элгэнд хуримтлагдах боломжтой.

Ялангуяа удаан эмчилгээний  үед элэгний үйл ажиллагааг үе үе  шалгаж байх шаардлагатай.

Хүүхдийн гар хүрэхгүй газар хадгална уу.

Үүрэн сав  болон картон хайрцагт заасан хугацаа дууссан бол энэ эмийг бүү хэрэглээрэй. Хүчинтэй хугацаа нь заасан сарын сүүлийн өдөр юм.

25 хэмээс хэтрэхгүй температурт хадгална.

Хүчинтэй хугацаа: 3 жил.

Ямар нэгэн эмийг бохирын хоолой болон ахуйн хог хаягдал руу бүү хая. Шаардлагагүй эмийг хэрхэн яаж устгах талаар эмийн сангийн ажилтантай зөвлөлдөнө. Эдгээр арга хэмжээ нь хүрээлэн буй орчныг хамгаалахад тусалдаг.

Бүх эмийн нэгэн адил энэ эм нь гаж нөлөө үзүүлдэг боловч тэр болгон хүн бүрт тохиолдоод байдаггүй.

Хэрэв та доор дурдсан гаж нөлөө илэрсэн бол Бромгексин 8 Берлин-Хеми бэлдмэлийг  уухаа больж, даруй эмчид хандаарай

Заримдаа тохиолддог гаж нөлөө (100 өвчтөн тутмын 1 нь тохиолдож болно)

Халуурах

Дотор муухайрах, хэвлийгээр өвдөх, бөөлжих, суулгах

Ховор тохиолддог гаж нөлөө (1000 өвчтөний 1-д тохиолддог)

хэт мэдрэгших урвал

тууралт, чонон хөрвөс

Үл мэдэгдэх (байгаа мэдээлэл дээр үндэслэн, давтамжийг тооцоолох боломжгүй)

Анафилаксийн урвал, түүний доторанафилаксийн шок, ангионевротик хаван (арьс, арьсан доорх эд, салст бүрхэвч эсвэл салст бүрхэвчийн доод эд эсэдхаван хурдацтай хөгжих) ба арьс загатнах.

Арьсны хүнд хэлбэрийн сөрөг урвал (эритем, Стивенс-Жонсоны хам шинж / хорт эпидермисийн үхжил ба  цочмог тархмал экзематик пустулез гэх мэт)

Мэдрэмтгий байдлын урвалын эхний шинж тэмдгүүд, болон мөн арьс, салст бүрхэвч дээр ер бусын өөрчлөлт гарч байвал Бромгексин 8 Берлин-Хеми бэлдмэлийг  уухаа зогсооно. Дээрхи тохиолдолд нэн  даруй эмчид хандаарай.

Гаж нөлөөг мэдээлэх

Хэрэв ямар нэгэн гаж нөлөө илэрвэл эмч, эмийн сангийн ажилтан эсвэл сувилагчтай зөвлөлдөх хэрэгтэй. Энэ нь болзошгүй гаж нөлөө, түүний дотор энэ хэрэглэх зааварт  тусгагдаагүй бүх зүйлд хамаарна.

Гаж нөлөөг мэдээлснээр та энэ тухайн эмийн аюулгүй байдлын талаар илүү их мэдээлэл цуглуулахад туслах болно.