Эмийн тун ба хэрэглэх арга:

Эмийн бэлдмэлийн тун болон курс эмчилгээний хугацааг өвчний хүнд хөнгөний зэрэг, өвчтөний эмчилгээнд үзүүлэх хариу урвал зэргийг харгалзан үзэж эмч тодорхойлно.

Эмнэл зүйн шинж тэмдэгт үндэслэн барих тунг хувь хүн бүрт аажим нэмэгдүүлэн хэрэглэж болно. Элэгний хүнд хэлбэрийн үйл ажиллагааны дутмагшилтай өвчтөнг анхааралтай хянах ба ноцтой тохиолдолд тунг бууруулах шаардлагатай.

Зүрхний титэм судасны эмгэгийн эмчилгээнд өдөрт 2 удаа (40 мг/хоног) 1 (20 мг/хоног) эсвэл 2 (10 мг/хоног) шахмалаар уухыг зөвлөдөг.

Хэрэв эмийн тун илүү өндөр байх шаардлагатай тохиолдолд хоногийн хамгийн дээд тун 60 мг/хоног хүртэл аажимаар нэмж болох юм.

Даралт ихсэлтийн эмчилгээнд нифедипинийг өдөрт 2 удаа (40 мг/хоног) 1 (20 мг/хоног) эсвэл 2 (10 мг/хоног) шахмалаар уухыг зөвлөдөг.

Нифедипинийг CYP 3A4 хориглогч эсвэл CYP 3A4 өдөөгч бэлдмэлүүдтэй хамт хэрэглэсэн тохиолдолд нифедипиний тунг тохируулах эсвэл нифедипиний ялгаралыг тодорхойлох нь зүйтэй.

Ишемийн эсрэг болон цусны даралт бууруулах нөлөө нь үр дүнтэй илэрч байгаа тохиолдолд ялангуяа өндөр тунгаар хэрэглэж байгаа тохиолдолд тунг аажмаар  багасгаж, эмчилгээг аажимаар зогсоох нь зүйтэй.

Шахмалыг бага хэмжээний шингэнээр даруулж залгиж ууна. Эмийн бэлдмэлийг хоол хүнсний хэрэглээнээс үл хамааран хэрэглэнэ.

Эмийн бэлдмэлийг хэрэглэж байх үед усан үзэмний шүүс хэрэглэхээс татгалзахыг зөвлөдөг.

Шахмалыг хооронд нь 12 цагийн зайтай ууж хэрэглэхийг зөвлөдөг (6 цагаас дээш).

Хүүхдэд:

Эмийн бэлдмэлийг хүүхдэд хэрэглэхийг хориглоно. (18 нас-аас доош).

Эмчилгээнд хэрэглэх заалт:

Артерийн даралт ихсэлт, зүрхний ишеми:

Архаг тогтвортой зүрхний бах, 

Судасны агчилтын улмаас үүссэн зүрхний бах (Принцметалийн зүрхний бах).

Хориглох заалт:

Эмийн бэлдмэлийн үндсэн үйлчлэгч бодис болон найрлага дах аль нэг бодист хэт мэдрэгшилт

Бусад дигидропиридинд хэт мэдрэгшилт

Зүрхний гаралтай шок

Гол судасны хүнд хэлбэрийн нарийсал

Порфири

Зүрхний булчингийн шигдээсийн үе эсвэл шигдээсээс хойш 1 сарын дотор

Миокардын шигдээсийн хоёрдогч урьдчилан сэргийлэлт

Рифампицин-тэй хамт хэрэглэх (ферментүүд идэвхжсэнээр сийвэнд нифедипиний хэмжээ хангалттай түвшинд хүрэхгүй)

Зүрхний тогтворгүй бах

Бүдүүн гэдэсний үрэвсэлт өвчин буюу Кроны өвчин.

Өөрийн савлагаанд 250C-ээс доош хэмд хадгална.

Хүүхдийн гар хүрэхээргүй газар хадгална

Тусгай анхааруулга ба хэрэглээний урьдчилан сэргийлэх арга хэмжээ:

Гемодиализтай өвчтөнд буюу хорт хэлбэрийн гипотензи буюу гиповолемитэй (цусны эргэлтийн эзэлхүүн багасах) өвчтөнд судас тэлссэнээс болж цусны даралт ихээхэн буурах тул нифедипинийг онцгой анхаарал болгоомжтой хэрэглэнэ.

Шигдээсийн дараах үеийн титэм судасны ангиоспазмын эмчилгээнд нифедипинийг хэрэглэх бол зөвхөн титмийн цусны эргэлт тогтвортой болсон үед буюу миокардын шигдээс болсноос хойш 3-4 долоо хоногийн дараа эмчилгээг эхэлнэ.

Усан үзэм жимс нь нифедипиний хувиралтыг саатулдаг тул цусны сийвэн дэх концентраци ихсэж, эмийн цусны даралт бууруулах үйлдлийг хүяжүүлнэ. Нифедипин хэрэглэснээр шээсэн дэх ваниллилманделийн хүчлийн концентрацийг спектрфотометрээр тодорхойлох үед хуурамч-эерэг үр дүн илрэхэд хүргэж болзошгүй (гэвч, энд үзүүлж буй нөлөө нь өндөр-идэвхит шингэний хроматографийн аргыг ашиглаж байх үед ажиглагдаагүй). 

Ходоод гэдэсний замыг хүятэй агшаан хөндийг нарийсгадаг эм нь гэдэс түгжрэх шинж тэмдэг үүсгэж болзошгүй тул ихээхэн анхаарал болгоомжтой хэрэглэнэ. Маш ховор тохиолдолд мэс засал эмчилгээ шаардагдахуйц цөсний чулуу үүсгэж болзошгүй.

Ходоод гэдэсний замын эмгэгшлийн өгүүлэмжгүй өвчтөнд ганц нэг тохиолдолд түгжрэл үүсэх шинж тэмдэг илэрч байсан нь тэмдэглэгдсэн.

Эмийн бэлдмэлийг өлөн болон өлөн гэдэс-нарийн гэдэсний стом (бүдүүн, шулуун гэдэс тайран  авах мэс засал (роктоколектоми)  хийсний дараа нарийн гэдэсний ханыг гэдэсний гаргах мэс ажилбар (илеостоми)-тай өвчтөнд хэрэглэхийг хориглоно.

Эмийн бэлдмэлийг хэрэглэснээр барийн тодосгогч бодис ашиглан гарсан рентгений үр дүнг хуурамч-эерэг болгон өөрчилж болзошгүй (жишээлбэл, гэмтэлтэй хэсэг дүүрсэн байвал полип гэж тодорхойлох).

Элэгний үйл ажиллагааны дутмагшилтай өвчтөн хяналтанд байх ба хүнд хэлбэрийн тохиолдолд тунг багасгах шаардлагатай.

Нифедипин нь цитохром Р450 3А4 системийн тусламжтай хувирдаг тул нифедипиний шимэгдэлтийн үеийн анхдагч хорогдол буюу элименацийг ихэсгэж болох юм.

Цитохром Р450 3А4 системийг хөнгөн болон дунд зэргээр дарангуйлах мөн цусны сийвэн дэх нифедипиний концентрацийг ихэсгэх нөлөө бүхий бэлдмэлд дараах эмүүд орно. Жишээлбэл:

Макролидийн бүлгийн антибиотикууд (эритромицин гэх мэт);

ХДХВ портеаза хориглогчид (ритонавир гэх мэт);

Азолын бүлгийн мөөгөнцрийн эсрэг эмүүд (кетоконазол гэх мэт);

Нефазодон ба флуоксетин (сэтгэл гутралын эсрэг эм);

Хинипристин/делфопристин;

Вальпроины хүчил;

Циметидин.

Нифедипинийг эдгээр эмийн бэлдмэлүүдтэй хамт хэрэглэх тохиолдолд цусны даралт хянах мөн шаардлагатай тохиолдолд нифедипиний тунг бууруулах арга хэмжээ авахыг зөвлөж байна.

In vitro орчинд хийсэн зарим нэг салангид туршилтаар кальцийн антагонист ялангуяа нифедипиний хэрэглээ болон алсдаа үр тогтох чадвар алдагдуулах сперматозын эргэх шинж чанартай өөрчлөлтийн хооронд хамаарал байгааг тогтоосон. Кальцийн антагонистууд жишээлбэл нифедипин нь хэрвээ in vitro орчинд үр тогтоох чадварыг доройтуулах өөр шалтгаан байхгүй бол энэхүү феноменийг түүний хамааралтай гэж тооцож болно.

Урьд нь нифедипин хэрэглэж байсан тохиолдол болон ишемийн өвдөлтийн хооронд хамааралтай байж болзошгүй тохиолдолд уг эмийг хэрэглэж болохгүй.

Ялангуяа уг эмийн эмчилгээний эхэн үед зүрхний бахын үед уналт таталт олонтаа тохиолдох ба түүний хугацаа болон эрчим нь ихсэж болзошгүй.

Үндсэн үйлчлэгч бодис нь нифедипин бүхий эмийн бэлдмэлийг зүрхний бахын хурц өвдөлттэй өвчтөнд хэрэглэхийг хориглоно.

Чихрийн шижинтэй өвчтөн  нифедипин хэрэглэх тохиолдолд зүгшрүүлэх эмчилгээн зохицуулах шаардлагатай байж болзошгүй.

Эмийн бэлдмэл нь лактоз агуулна. Хэрэв зарим төрлийн сахарт тэсвэргүй тохиолдолд эмчилгээг эхлэхээс өмнө эмчээс зөвлөгөө авах шаардлагатай.

Эмийн бэлдмэлийг артерийн даралт маш бага үед (цусны дээд даралт 90мм м.у.б-аас бага буюу хүнд хэлбэрийн артерийн даралт багасалт) мөн түүнчлэн зүрхний үйл ажиллагааны хүнд хэлбэрийн  дутагдал (тэнцвэржилт алдагдсан зүрхний дутагдлын хүндрэл)-тай тохиолдолд анхаарал болгоомжтой хэрэглэнэ.

Нифедипинийг хүнд хэлбэрийн артерийн даралт багасалт (систолын даралт 90мм м.у.б-аас бага), хүнд хэлбэрийн тархины цусны эргэлтийн эмгэг, хүнд хэлбэрийн зүрхний дутагдал, хүнд хэлбэрийн аортын нарийсал, чихрийн шижин, элэг ба бөөрний эмгэг зэрэг зөвхөн эмнэлзүйн байдал тогтвортой байгаа тохиолдолд хэрэглэх бол өндөр тунгаар хэрэглэхээс зайлсхийх хэрэглэнэ.

Уг эмийг өндөр настай өвчтөнд (60-аас дээш настай) онцгой болгоомжтой тунг тохирууланм хэрэглэнэ.