Насанд хүрсэн хүн [>15 нас]:  Мастик-ЛС шахмалыг өдөрт нэг удаа ууж хэрэглэх

2-оос бага насны хүүхэд, нярайд хэрэглэхгүй.

Хэрэглэх заалт

Мастик-ЛС шахмал нь харшлын ринитын (улирлын чанартай болон байнгын) шинж тэмдгүүдийг арилгах, улирлын чанартай харшлын ринитээс урьдчилан сэргийлэх, 15 болон түүнээс дээш насны өвчтөнд гуурсан хоолойн багтраа болон харшлын ринитийн хавсарсан үеийн эмчилгээний үед хэрэглэнэ.

Хориглох заалт

Мастик-ЛС шахмалыг монтелукаст натри, левоцетиризин эсвэл цетиризинд, мөн түүний найрлага дахь аль нэг бодист хэт мэдрэг нь тодорхой хүмүүст хэрэглэхийг хориглоно. Бөөрний хурц хэлбэрийн дутагдалтай, креатинины клиренс 10мл/мин-аас бага хүмүүст Мастик-ЛС шахмалыг хэрэглэхийг хориглоно. Удамшлын шалтгаантай, ховор тохиолдох галактоз үл тэвчилтэй, Lapp лактазын дутагдалтай, эсвэл глюкоз-галактоз мальабсорбцийн алдагдалтай хүмүүст энэ эмийг хэрэглэхийг хориглоно.

250С хэмээс ихгүй нөхцөлд хадгална. Хуурай газар хадгална.

Хүүхдийн гар хүрэхээргүй газар хадгална.

Гаж нөлөө: 

Монтелукаст

Хамгийн элбэг тохиолдох гаж нөлөө нь хоолны боловсролт муудах, диспепси, хэвлийгээр өвдөх, улайлт, толгой өвдөх, ядрах, сульдах, халуурах, гэмтэх, ханиалга, хамар битүүрэх.

Левоцетиризин

Левоцетиризиныг хэрэглэхэд нойрмоглох, ядрах, сульдах, хамар залгиурын үрэвсэл, ам хатах, 12 болон түүнээс дээш насны хүүхдэд фарингит зэрэг шинж дагалддаг. Астени, хэвлийн өвдөлт зэрэг элбэг тохиолддоггүй гаж нөлөөний урвалууд ажиглагдаж байсан байна.

Жирэмслэлт: 

Жирэмсэн эмэгтэйчүүдэд монтелукастын хувьд ч, левоцетризины хувьд ч тохиромжтой, сайн хийгдсэн хяналтат судалгааны үр дүн байхгүй байна.  Тийм учраас жирэмсэн эмэгтэйчүүдэд энэ нийлмэл бэлдмэлийг хэрэглэж болохгүй.

Хөхүүл үе

Левоцетризин хөхний сүүгээр ялгардаг тул энэ нийлмэл бэлдмэлийг хөхүүл үед хэрэглэж болохгүй.

Тусгай заалт ба түүнээс сэргийлэх арга хэмжээ

Монтелукаст

Эозинофилия

Монтелукаст эмчилгээ хийлгэж буй өвчтөнүүдэд ховор тохиолдолд ерөнхий эозинофилия, заримдаа Черг-Страуссын хам шинжтэй тогтвортой васкулитын эмнэл зүйн шинж тэмдэг илэрч болох бөгөөд энэ үед ерөнхий кортикостероид эмчилгээ хийдэг. Эдгээр эмгэгийн үед ихэнхдээ, гэхдээ дандаа биш, дотуур ууж хэрэглэх кортикостероид эмчилгээг бууруулдаг.

Левоцетризин

Левоцетризиныг хэрэглэж байгаа үедээ өвчтөн жолоо барих, авто машин тоног төхөөрөмж ажиллуулах зэрэг оюуны их анхаарал шаардсан ажил хөдөлмөр эрхлэхээс зайлсхийх хэрэгтэй. Архи согтуурулах ундаа хэрэглэх болон төв мэдрэлийн тогтолцооны депрессант хэрэглэж буй хүмүүст маш болгоомжтой хэрэглэж, анхаарал хандуулах хэрэгтэй.

Тун хэтрүүлэх

Энэ хавсарсан бэлдмэлийн тун хэтрүүлэлтийн талаар мэдээлэл байхгүй байна. Гэхдээ эм тус бүрийн молекулын тун хэтрүүлэлтийн талаар мэдээлэгдэж байжээ.